კულტურა

: კულტურა; 12 ოქტომბერი 2022; გადასვლები: 1131

ქუთაისის ორ თეატრს კულტურის სამინისტრომ ახალი მიკროავტობუსები გადასცა

იაკობ გოგებაშვილის სახელობის თოჯინების პროფესიულ სახელმწიფო თეატრსა და ლადო მესხიშვილის სახელობის პროფესიული სახელმწიფო დრამატულ თეატრს ახალი მიკროავტობუსები გადაცა . ქუთაისის გარდა,ავტოპარკი განახლდა თბილისის ორ და ზესტაფონის, დმანისის,ოზურგეთის, ფოთისა და მესხეთის თეატრებში.

კულტურის სამინისტრომ ათი მიკროავტობუსის შესყიდვაზე ტენდერი 2022 წლის 25 თებერვალს გამოაცხადა, რომელშიც კომპანია შპს „სენამოტორსმა” გაიმარჯვს და მასთან ხელშეკრულება 2022 წლის 8 აპრილს

გაფორმდა. მიკროავტობუსების შესყიდვის თანხა 1 061 480 ლარს შეადგენს.

2023 წლისთვის უახლესი ავტომანქანით კიდევ 10 თეატრის აღჭურვაა დაგეგმილი,რისთვისაც კულტურის, სპორტისა და ახალგაზრდობის სამინისტრო მილიონ ლარს გამოჰყოფს.

: კულტურა; 09 ოქტომბერი 2022; გადასვლები: 1287

ქუთაისის ოპერის თეატრში 54-ე სეზონი პრემიერის გარეშე გაიხსნა

ქუთაისის მელიტონ ბალანჩივაძის სახელობის ოპერისა და ბალეტის პროფესიულ სახელმწიფო თეატრში 54-ე თეატრალური სეზონი გაიხსნა . წარმოდგენილი იყო გამოჩენილი ქართველი კომპოზიტორის ,ბიძინა კვერნაძის ოპერა „იყო მერვესა წელსა“.

ოპერას საფუძვლად უდევს რობერტ სტურუას ლიბრეტო, შექმნილი იაკობ ცურტაველის „შუშანიკის წამების“ მოტივების მიხედვით. ოპერის მსოფლიო პრემიერა 1983 წელს გაიმართა თბილისის ოპერის თეატრში ჯანსუღ კახიძის დირიჟორობით და რობერტ სტურუას რეჟისურით.

ქუთაისის ოპერის თეატრში პრემიერა 2022 წლის 20 ივლის, საქართველოს კულტურის, სპორტისა და ახალგაზრდობის სამინისტროს ფინანსური მხარდაჭერით დაიდგა.

სპექტაკლის დირიჟორია თეატრის მთავარი დირიჟორი რევაზ ჯავახიშვილი.

: კულტურა; 07 ოქტომბერი 2022; გადასვლები: 1315

ქუთაისის იაკობ გოგებაშვილის სახელობის თოჯინების თეატრში ახალი სეზონი გაიხსნა

დღეს, ქუთაისის იაკობ გოგებაშვილის სახელობის თოჯინების სახელმწიფო პროფესიული თეატრში 76-ე სეზონი გაიხსნა.

თოჯინების პროფესიული სახელმწიფო თეატრი ახალ სეზონს განახლებულ გარემოში შეხვდა.

თოჯინების თეატრს კულტურის, სპორტის და ახალგაზრდობის მინისტრი თეა წულუკიანი, იმერეთში სახელმწიფო რწმუნებული ზვიად შალამბერიძე,ქუთაისის მერი იოსებ ხახალეიშვილი და ადგილობრივ ხელისუფლების სხვა წარმომადგენლები სტუმრობდნენ.

76 - ესეზონი უოლტ დისნეის ანიმაციის მიხედვით შექმნილი სპექტაკლით ,,ალადინის ჯადოსნური ლამპარი“ გაიხსნა. დამდგმელი რეჟისორი და მხატვარი ვახტანგ ქორიძეა. სპექტაკლი დაფინანსებულია საქართველოს კულტურის, სპორტის და ახალგაზრდობის სამინისტროს მიერ.

ქუთაისის თოჯინების თეატრმა პირველი სეზონი 1946 წლის 31 დეკემბერს გახსნა.

: კულტურა; 05 ოქტომბერი 2022; გადასვლები: 1065

გელათს მორიგი მონიტორინგის მიზნით, კლიმატოლოგი ალესანდრო მასარი ეწვია

საქართველოს კულტურის, სპორტისა და ახალგაზრდობის სამინისტროს მოწვევით, გელათის სამონასტრო კომპლექსს იტალიელი კლიმატოლოგი ალესანდრო მასარი მორიგი ვიზიტით ეწვია.

ალესანდრო მასარის ამჟამინდელი ვიზიტის მიზანია, გელათის ძირითად ტაძარში არსებული კლიმატური პირობების შესწავლა იმ ფონზე, როდესაც ტაძრის დასავლეთ მკლავის ხარვეზიანი გადახურვა მაისის თვიდან გახსნილია, მოეწყო ახალი დროებითი გადახურვა და მიმდინარეობს ტაძრის კედლების გამოშრობა. კლიმატოლოგი საქართველოში რამდენიმე დღით დარჩება და, ამ პერიოდის განმავლობაში, მეცნიერულად შეისწავლის ყველა საჭირო მონაცემს, დააკვირდება ტაძარში მიმდინარე შრობის პროცესს, რის შედეგადაც მის მიერ გაცემული დასკვნის საფუძველზე, კულტურის სამინისტრო შემდგომ სამოქმედო გეგმას შეიმუშავებს.

შეგახსენებთ, რომ გელათის სამონასტრო კომპლექსის ღვთისმშობლის შობის ტაძრის დასავლეთ მკლავსა და თაღებში დარჩენილი ტენიანობის აღმოსაფხვრელად, ტაძრის სახურავის ამ არეალში 2020 წელს მოწყობილი დამცავი დროებითი თუნუქის საფარი და 2008 წლის პროექტის მიხედვით ხარვეზებით დაგებული მოჭიქული კრამიტის სახურავი მოიხსნა და ახალი დროებითი გადახურვა მოეწყო. სამუშაოები მიმდინარე წლის გაზაფხულზე დაიწყო და ზაფხულში დასრულდა. დასავლეთ მკლავის ახალი დამცავი, დროებითი გადახურვის პროექტი UNESCO-ს მაღალკვალიფიციური ექსპერტების კვლევებისა (მათ შორის, ჰიგრომეტრული) და რეკომენდაციების შესაბამისად დაიგეგმა და სამუშაოებიც მათი ზედამხედველობით მიმდინარეობდა.

ინფორმაციას საქართველოს კულტურის, სპორტისა და ახალგაზრდობის სამინისტრო ავრცელებს.

: კულტურა; 29 სექტემბერი 2022; გადასვლები: 1216

ქუთაისის საერთაშორისო მოკლემეტრაჟიანი ფილმების ფესტივალი დასრულდა

კინოთეატრ " საქართველოში " ქუთაისის საერთაშორისო მოკლემეტრაჟიანი ფილმების ფესტივალის დაჯილდოების ცერემონია გაიმართა.

გამოვლინდნენ გამარჯვებულები.

ფესტივალის მხატვრული მოკლემეტრაჟიანი ფილმების კონკურსში„ოქროს დინოზავრის” პრიზი საუკეთესო მხატვრული ფილმისთვის გადაეცა “I Didn’t Make It To Love Her”, ესპანეთი.

„ოქროს დინოზავრის“ პრიზი საუკეთესო რეჟისურაში გადაეცა სანდრო სულაძეს ,

ფილმისთვის “გუშაგები”, საქართველო.

ჟიურის თავმჯდომარის სპეციალური პრიზი გადაეცა ფილმს “Batic’s Room”, უკრაინა.

ჟიურის სპეციალური აღნიშვნა საუკეთესო შესრულებისთვის დაიმსახურა ზარა მოლაემ , ფილმისთვის ‘’Report On A Termination’’, ირანი.

ჟიურის სპეციალური აღნიშვნა საუკეთსო სცენარისთვის დაიმსახურა ქსავიე დისკუვემ , ფილმისთვის ‘’Little Prodigy’’, ბელგია.

ფესტივალის დოკუმენტური ფილმების კონკურსში , “ოქროს დინოზავრის” პრიზი საუკეთესო დოკუმენტური ფილმისთვის გადაეცა ფილმს ‘’No Body and the Blue Sky’’, გერმანია.

“ოქროს დინოზავრის” პრიზი მეორე ადგილისთვის გადაეცა ფილმს “Nobody Owns Me”, საფრანგეთი.

ფესტივალი 24 სექტემბერს გაიხსნა.

დახურვის ცერემონიალს დღეს ქუთაისის მერი დაესწრო.

: კულტურა; 28 სექტემბერი 2022; გადასვლები: 1219

დღეს თეთრ ხიდზე ლევან შენგელიას მუსიკალური პერფორმანსი გაიმართება

დღეს ქუთაისში ამერიკაში მოღვაწე კომპოზიტორისა და პიანისტის, ლევან შენგელიას საღამო გაიმართება.მუსიკალური პერფორმანსი თეთრ ხიდზე, ღია ცის ქვეშ არის დაგეგმილი.

დასაწყისი 19:00 საათზე.დასწრება თავისუფალია.

ინფორმაციას ქუთაისის მერიის კულტურის,სპორტის, განათლებისა და ახალგაზრდობის საქმეთა საქალაქო სამსახური ავრცელებს.

დღის სიახლეები

კულტურა

Search