„ღვინო და მაიაკოვსკი“ ამ სახელწოდებით ბაღდათის მუნიციპალიტეტში, ღონისძიებები ორი დღე მიმდინარეობდა.
პოეტის სახლ-მუზეუმის საექსპოზიციო დარბაზში სალონური საღამო მოეწყო, სადაც კიდევ ერთხელ ისაუბრეს მაიაკოვსკის შემოქმედებასა და მოღვაწეობაზე, ბაღდათის სახალხო თეატრის დასმა კი მაიაკოვსკის პოეზია სცენაზე გააცოცხლეს.
მაიაკოვსკის სახლ-მუზეუმის ეზოში მოეწყო, ადგილობრივი მეღვინეების, ღვინის გამოფენა გაყიდვა და რეწვითი ნამუშევრების ბაზრობა.
ღონისძიებების ფარგლებში გაიმართა ჟურნალ „ბაღდათური ვოიაჟი“-ს და მწერალ ტარიელ ცხვარაძის წიგნის პრეზენტაცია.
დღესვე სერთიფიკატები გადაეცათ კოლეჯ „იბერიას“ კურსდამთავრებულებს, რომლებმაც ბაღდათის ტურიზმის განვითარების მიმართულებით სასწავლო კურსი გაიარეს,
ვლადიმერ მაიაკოვსკის 130 წლის საიუბილეო საღამო მუსიკალურად ადგილობრივმა შემსრულებლებმა გააფორმეს.
ღონისძიებები რომელიც მუნიციპალიტეტში ორი დღე მიმდინარეობდა, ბაღდათის მუნიციპალიტეტის მერიის ეკონომიკური სამსახურის, ტურიზმის განყოფილების, კულტურის სამსახურის, ა.ა.ი.პ ხელოვნებისა და კულტურის განვითარების ცენტრის და კოლეჯ „იბერია“ს ორგანიზებით მოეწყო.
ვ.მაიაკოვსკის იუბილე ბაღდათის მუნიციპალიტეტში ტრადიციულად ყოველ წელ მასშტაბურად აღინიშნება.
საიუბილეო ღონისძიებებს მოწვეულ სტუმრებთან ერთად ადგილობრივი თვითმმართველობის წარმომადგენლები დაესწრნენ.
