ქუთაისში, დავით კაკაბაძის სახელობის გალერეაში, პეტრე ოცხელის დაბადებიდან 115 წლისთავის აღსანიშნავად , გამოფენა გაიხსნა, სადაც დიდი მხატვრის 100-მდე ნამუშევარია წარმოდგენილი. ექსპოზიცია
ქუთაისის მერიის მხარდაჭერითა და ხელოვნების სასახლის ინიციტივით გაიმართა .
გამოფენა ერთი თვე გაგრძელდება.
დღესვე, გალერეის კედელზე პეტრე ოცხელის ცნობილი ნახატის „ მფრინავი მღებავის“ მანათობელი ილუსტრაცია განთავსდა.
პეტრე ოცხელის შემოქმედების ამსახველი უპრეცედენტო გამოფენა კულტურის სამინისტროს პატრონაჟითა და დაფინანსებით ხორციელდება.
პეტრე ოცხელი, თეატრის მხატვარი,ქუთაისში 1907წელს დაიბადა. ქუთაისის თეატრში ის კოტე მარჯანიშვილმა წაიყვანა და თეატრის მთავარ მხატვრად დანიშნა.ამ დროს მხოლოდ 22 წლის იყო.
პეტრე ოცხელი 1937 წლის რეპრესიებს შეეწირა. ის დააპატიმრეს და გასამართლების გარეშე დახვრიტეს.ამ დროს სულ რაღაც 30 წლის იყო.
