2023 წლის ნოემბრის თვეში, ქუთაისის საერთაშორისო აეროპორტი 133 732 მგზავრსა და 417 რეისს მოემსახურა.
2022 წლის ანალოგიურ პერიოდთან შედარებით, მგზავრების რაოდენობა 86%-ით, ხოლო რეისების რაოდენობა 56%-ით გაიზარდა.
მიმდინარე წლის 11 თვეში კი აეროპორტი 1 514 280 მგზავრს მოემსახურა. ამავე პერიოდში შესრულდა 4 504 რეისი.
მგზავრების რაოდენობა 2022 წლის ანალოგიურ პერიოდთან შედარებით, 105%-ით, ხოლო რეისების რაოდენობა 55%-ით გაიზარდა.
,,2023 წლის 16 დეკემბრიდან ქუთაისის საერთაშორისო აეროპორტს Wizz AIr-ის მეოთხე ბაზირებული ხომალდი და კოპენჰაგენის მიმართულება დაემატება. ხოლო 19 დეკემბრიდან კი აეროპორტში ოპერირებას დაიწყებს ავიაკომპანია Pegasus Airlines და სტამბოლი-ქუთაისი-სტამბოლის მიმართულებით ფრენებს კვირაში სამი სიხშირით შეასრულებს“, – საქართველოს აეროპორტების გაერთიანება.
მათივე ცნობით, ამ ეტაპისთვის, ქუთაისის საერთაშორისო აეროპორტიდან ხუთი ავიაკომპანია ოპერირებს. რეისები 18 ქვეყნის 35 მიმართულებით სრულდება.
