,პარტიის მიერ დასმულმა მერმა, რომლის არჩევისთვის ადამიანები აშანტაჟეს, ემუქრებოდნენ და გაიტაცეს კიდევაც - ქალაქი მიატოვა და გაიქცა, ასევე პარტიის დავალებით. 

ქუთაისში მძიმე მდგომარეობა აქვთ ქოცებს, ქალაქი მთლიანად ოპოზიციურია. ვერ უშველის უსაქმური, ბიუჯეტის ხარჯზე მყოფი პარაზიტების გაგდება.,,-ეს განცხადება ქუთაისის მერობის ყოფილმა კანდიდატმა ხატია დეკანოიძემ ქუთაისის მერის გადადგომის შემდეგ  გაავრცელა. 

ხატია დეკანოიძე 2020 წლის თვითმმართველობის არჩევნებში იოსებ ხახალეიშვილის კონკურენტი იყო .

ქუთაისის მერი  თანამდებობიდან გადადგა.იოსებ ხახალეიშვილი თანამშრომლებს უკვე დაემშვიდობა. როგორც ხახალეიშვილმა სოციალურ ქსელში გავრცელებულ განცხადებაში დაწერა,თანამდებობიდან მიდის,თუმცა,,ქართული ოცნების,, გუნდის წევრად რჩება.

ყოფილი მერი მიდის ქალაქიდანაც-ის მუშაობას თბილისში,პარტიული კუთხით გააგრძელებს. 

მერის მოვალეობას თვითმმართველობის არჩევნებამდე,მოადგილე დავით ერემეიშვილი შეასრულებს. ერემეიშვილი 2019 წლიდან დღემდე მერის პირველი მოადგილე იყო.თვითმმართველობის არჩევნები 2025 წელს გაიმართება.

იოსებ ხახალეიშვილი ქუთაისის მერის თანამდებობაზე 2020 წლიდან მუშაობდა.

მანამდე კი იმერეთში სახელმწიფო რწმუნებულის მოადგილის პოსტი ეკავა .

წლების განმავლობაში მუშაობდა არასამთავრობო სექტორში.

ქუთაისის მერმა თანამდებობა დატოვა.იოსებ ხახალეიშვილმა ინფორმაცია სოციალური ქსელით გაავრცელა. 

,,მადლობა თითოეულ ამომრჩეველს, რომელმაც მომცა შესაძლებლობა წლების განმავლობაში ვყოფილიყავი ქუთაისის მერი, და მადლობა იმ ადამიანებს, რომლებიც დაუღალავი შრომით, კეთილსინდისიერად მონაწილეობდნენ ჩვენი ქალაქის განვითარების პროცესში. 

გასულ წლებში ჩვენი გუნდი უამრავ რთულ საქმეს შეეჭიდა და ბევრი მათგანი წარმატებითაც განახორციელა, რაც ერთიანი სულისკვეთების, გუნდური მუშაობისა და საერთო საქმეში ინდივიდუალური ძალისხმევის შეტანის გარეშე შეუძლებელი იქნებოდა. 

დღეს ვტოვებ თანამდებობას, თუმცა ვრჩები ,,ქართული ოცნების“ გუნდში, ჩემი ქალაქის და ქვეყნის სამსახურს უკვე სხვა რანგში გავაგრძელებ. მმართველი გუნდის წევრი ვარ მისი დაარსების დღიდან, საჯარო სამსახურში 10 წელზე მეტი ვიმუშავე სხვადასხვა წამყვან თანამდებობაზე და ეს იყო საუკეთესო შანსი, ამ წლების განმავლობაში მეკეთებინა საქმე ჩვენი ქალაქისთვის. 

არსებული პოლიტიკური ვითარებიდან გამომდინარე, ასევე, პარტიული საქმიანობით დავკავდები და მუშაობას თბილისში გავაგრძელებ. მოგეხსენებათ, ჩვენი ქვეყანა ძალიან მნიშვნელოვანი, ისტორიული არჩევანის წინაშე დგას, სწორედ ამიტომ ვეცდები საკუთარ ქვეყანას, ამჯერად სხვა ფორმით, ვემსახურო. ჩემი ქვეყნის მსახურებას, როგორც ერთი რიგითი ჯარისკაცი გავაგრძელებ, რათა საქართველომ განვითარება განაგრძოს. ჩვენს ხალხს, განსაკუთრებით კი ჩემს საყვარელ ქუთაისელებს, მშვიდობიანი ცხოვრების შესაძლებლობა მივცეთ.

ქუთაისი არის ჩვენი ქალაქი და ყველამ ერთად უნდა ვაშენოთ მისი მომავალი.,,-იოსებ ხახალეიშვილი, ქუთაისის ყოფილი მერი.

,,გეიარ-გამეიარე,,-ასე ქვია აპლიკაციას,რომელიც ტურიზმის საინფორმაციო ცენტრმა,DMO იმერეთმა შექმნა.აპლიკაციის სახელმა კრიტიკული შეფასებები დაიმსახურა.აღნიშულს ქუთაისის საკრებულოს წევრი ,,ერთიანი ნაციონალური მოძრაობიდან,, გიგა შუშანია გამოეხმაურა.მან ბრიფინგი გამართა.,,ქუთაისელთა შეუაცხყოფა"-ასე შეაფასა ოპოზიციონერმა პოლიტიკოსმა ,,გეიარ-გამეიარე,, 

,,ტურიზმის საინფორმაციო ცენტრმა,რომელსაც ქუთაისის მერია აფინანსებს მილიონ ნახევარი ლარით, ჯერ 50 ათასი დახარჯა გაურკვეველი სლოგანის შექმნისათვის -,,ქუთაისი ქალაქია,, და ახლა უფრო  შორს წავიდნენ.105 ათასი ლარი გამოყვეს ბიუჯეტიდან და უცხოელი ტურისტებისთვის შექმნეს აპლიკაცია,რომელსაც არც მეტი,არც ნაკლები დაარქვეს ,,გეიარ-გამეიარე,, .ეს არის ქუთაისელთა შეურაცხყოფა. ეს კარგად აჩვენებს ივანიშვილის და მისი პარტიის დამოკიდებულებას ქუთაისელებისადმი.ჯერ ამ ქალაქს წაართვეს პარლამენტი,ფუნქცია,ხალხი გარბის ქალაქიდან,მეოთხე ადგილზე ვართ უკვე მოსახლეობის რაოდენობის მხრივ და ახლა   ქუთაისს დაუსვეს მერი,რომელმაც არც საკუთარი ქალაქის ისტორია იცის,არც მის კულტურას იცნობს და ასეთი სამარცხვინო გადაწყვეტილებებით არის დაკავებული.ნამდდვილად თვითონ არის გეიარ-გამეიარე,ხან ერთ რესტორანში გეიარს,ხან მეორე რესტორანში გამეიარს.არაფერი მას არ ეხება,გარდა ბიუჯეტის ხარჯზე ჭამა-სმისა,,-განაცხადა,,ერთიანი ნაციონალური მოძრაობის,, წარმომადგენელმა გიგა შუშანიამ.

იმერეთში სახელმწიფო რწმუნებულმა ზვიად შალამბერიძემ ჩინეთის სახალხო რესპუბლიკის დელეგაცია მიიღო. 

რეგიონში ოფიციალური ვიზიტით იმყოფება გუიჯოუს პროვინციის მთავრობის წარმომადგენლები. დელეგაცია საქართველოში და კონკრეტულად იმერეთში არებული ურთიერთთანამშრომლობის მემორანდუმის ფარგლებში ჩამოვიდა და ადგილზე ეცნობა რეგიონის შესაძლებლობებს სხვადასხვა მიმართულებით. 

მხარეებმა შეხვედრაზე ერთობლივი პროექტების განხორციელებისა და ეკონომიკის, ვაჭრობის, განათლების, კულტურის, ტურიზმის და სხვა მნიშვნელოვან სფეროში მჭიდრო თანამშრომლობის შესახებ ისაუბრეს. ასევე, წარმოდგენილი იყო პრეზენტაცია, რომელიც ასახავდა, როგორც მხარის საინვესტიციო გარემოს ასევე ზოგადად რეგიონის შესაძლებლობებს სხვადასხვა სფეროში. 

მხარის რწმუნებულმა საქართველო-ჩინეთის, ამ ორი ქვეყნის მჭიდრო-მეგობრულ ურთიერთობაზე ისაუბრა და ხაზი გაუსვა, საქართველოს მოქალაქეებისთვის უვიზო რეჟიმის შემოღებას, რომლის თანახმადაც, ჩინეთში გაჩერება 30 დღის ვადით უვიზოდ არის შესაძლებელი. როგორც ზვიად შალამბერიძემ შეხვედრაზე აღნიშნა, ეს არის უმნიშვნელოვანესი გადაწყვეტილება, რომელიც საქართველოს მოქალაქეებს ჩინეთში მოგზაურობას გაუმარტივებს და ახალ შესაძლებლობებს შექმნის, როგორც ეკონომიკური, ასევე კულტურული და პოლიტიკური კუთხით.

,,საქართველო დიდად აფასებს ჩინეთთან მეგობრობას და პარტნიორობას. ჩინეთ-საქართველოს ურთიერთობები ჯანსაღად და სტაბილურად ვითარდება. ორი ქვეყნის პოლიტიკური ნდობა მყარია, სხვადასხვა სფეროში თანამშრომლობა კი შედეგებზე ორიენტირებული.

ჩვენი დღევანდელი შეხვედრა არის დასტური ურთიერთთანამშრომლობის მემორანდუმის ფარგლებში, ერთობლივი პროექტების განხორციელებისა და ეკონომიკის, ვაჭრობის, განათლების, კულტურის, ტურიზმის და სხვა მნიშვნელოვან სფეროში მჭიდრო თანამშრომლობის ახალ ეტაპზე გადასვლის. მიმაჩნია, რომ იმერეთის რეგიონსა და გუიჯოუს პროვინციას შორის გაფორმებული მემორანდუმი იქნება კონკრეტული შედეგებისა და სარგებლის მომტანი ორივე მხარისთვის.

შეხვედრაზე ჩვენ წარმოვადგინეთ პრეზენტაცია რეგიონის შესახებ სადაც, დეტალურად არის ინფორმაცია 12-ვე მუნიციპალიტეტის საინვესტიციო გარემოზე. ჩვენ, მზად ვართ თანამშრომლობისთვის და ერთობლივი პროექტების განხორციელებისთვის“ - ზვიად შალამბერიძე. 

ქართულმა მხარემ ხაზგასმით ისაუბრა კიდევ ერთ გადაწყვეტილებაზე. ჩინეთმა საქართველოს გავლით ავტოტრანსპორტით ტვირთის ევროპის მიმართულებით გადაზიდვა დაიწყო, რაც მხარეებს შორის სავაჭრო და ეკონომიკური კავშირების გაღრმავების მიმართულებით უმნიშვნელოვანესია.

ჩინეთის დელეგაციამ შეხვედრაზე წარმოადგინა პრეზენტაცია, სადაც ასახული იყო პრიორიტეტული სფეროები და წინადადებები.

შეხვედრას იმერეთში სახელმწიფო რწმუნებულის მოადგილეები: ლევან სანიკიძე, ბესიკ გოფოძე, ლევან კიკნაველიძე, ქუთაისის მერი იოსებ ხახალეიშვილი, წყალტუბოს მერი გენადი ბალანჩივაძე, საკრებულოს ხელმძღვანელი პირები და ბიზნეს სექტორის წარმომადგენლები ესწრებოდნენ. 

ჩინეთის დელეგაცია ოფიციალური ვიზიტით იმერეთში ორი დღის განმავლობაში იქნება და რამდენიმე მუნიციპალიტეტში მათთვის პრიორიტეტულ მიმართულებებს ადგილზე გაეცნობიან.

პარლამენტმა “უცხოური გავლენის გამჭვირვალობის შესახებ“ კანონპროექტზე პრეზიდენტის ვეტო დაძლია. ფრაქცია “ქართული ოცნების“ მიერ წარდგენილ და სალომე ზურაბიშვილის მიერ ვეტოდადებულ პროექტს 84- ხმით დაუჭირეს მხარი.

თავდაპირველად კენჭი სალომე ზურაბიშვილის მიერ შეთავაზებულ პროექტს ეყარა, რომლის მიხედვით, “უცხოური გავლენის გამჭვირვალობის შესახებ“ კანონს მხოლოდ ერთი დღის განმავლობაში უნდა ემოქმედა. პრეზიდენტის პროექტი, კენჭისყრის შედეგით 0-მომხრე, 66-წინააღმდეგი, “ჩავარდა“.

ამის შემდეგ კენჭისყრაზე პარლამენტის მიერ სამი მოსმენით დამტკიცებული, ფრაქცია “ქართული ოცნების“ პროექტი დადგა, რომელსაც 84- ხმით ( 4 - წინააღმდეგი) დაუჭირეს მხარი.

“უცხოური გავლენის გამჭვირვალობის შესახებ“ კანონპროექტი პრეზიდენტს ხელმოსაწერად კიდევ ერთხელ გაეგზავნება. კანონი პრეზიდენტს სამი დღის ვადაში უნდა გადაეცეს, რომელსაც ხელმოსაწერად 5-დღიანი ვადა აქვს. თუ სალომე ზურაბიშვილი კანონს დადგენილ ვადაში კვლავ არ მოაწერს ხელს, მას 5 დღის ვადაში ხელს მოაწერს და გამოაქვეყნებს პარლამენტის თავმჯდომარე.

კანონის გამოქვეყნების შემდეგ, იუსტიციის სამინისტრომ და საჯარო რეესტრის ეროვნულმა სააგენტომ, 60 დღის ვადაში, “უცხოური ძალის ინტერესების გამტარებელ ორგანიზაციათა“ რეესტრი უნდა შექმნას. რეესტრის ამოქმედების შემდეგ კი, მასში რეგისტრაცია სავალდებულო ხდება ყველა იმ არასამთავრობო და მედია ორგანიზაციისთვის, რომელთა შემოსავლის 20%-ზე მეტი უცხოეთიდან არის მიღებული.