მუზეუმის საერთაშორისო დღესთან დაკავშირებით, ვანის არქეოლოგიურ მუზეუმს საქართველოში ევროკავშირის ელჩი კარლ ჰარცელი ეწვია. ვანის განახლებულ მუზეუმში კარლ ჰარცელს იმერეთში სახელმწიფო რწმუნებულმა, ზვიად შალამბერიძემ და საქართველოს ეროვნული მუზეუმის გენერალურმა დირექტორმა, დავით ლორთქიფანიძემ უმასპინძლეს.

ქუთაისის საერთაშორისო უნივერსიტეტმა საფრანგეთში მოღვაწე ქართველ რეჟისორს უმაპინძლა.გელა ბაბლუანი სტუდენტებს შეხვდა და   მის მიერ დაარსებული ფრანგული კინოსკოლის შესახებ პრეზენტაცია  გამართა. ისაუბრებრა საკუთარ ფილმებზე.

  შეხვედრა ქუთაისის საერთაშორისო კინოფესტივალის ფარგლებში განხორციელდა.

პრეზენტაციას ქუთაისის მერიც ესწრებოდა.

ფესტივალი ქუთაისის მერიისა და საქართველოს ეროვნული კინოცენტრის მხარდაჭერით ტარდება. ფესტივალის გახსნას ქუთაისის მერი იოსებ ხახალეიშვილი, სახელმწიფო რწმუნებული იმერეთში ზვიად შალამბერიძე, მაჟორიტარი დეპუტატი პარლამენტში ზაზა ლომინაძე, ეროვნული კინოცენტრისა და ადგილობრივი ხელისუფლების წარმომადგენლები დაესწრნენ. ფესტივალის მთავარ კონკურსში (10- დან 30 წთ-მდე) მონაწილეობს 15 ფილმი. მეორე კონკურსში (1 -დან 5 წუთამდე ფილმები) მონაწილეობს 26 ფილმი. მთავარი საერთაშორისო კონკურსის ჟიური ფესტივალის პრიზს – „ოქროს დინოზავრს“ -გადასცემს გამარჯვებულებს ორ კატეგორიაში – საუკეთესო ფილმი და საუკეთესო რეჟისორი. 1-5 წუთიანი ფილმების კონკურსში, რომელშიც მონაწილეობენ პროფესიონალი და მოყვარული ავტორები, გაიცემა ერთი პრიზი – „დინოზავრის ნაკვალევი“, საუკეთესო ფილმისთვის . საპატიო პრიზი“ოქროს დინოზავრი“ კინოხელოვნების განვითარებაში შეტანილი განსაკუთრებული წვლილისათვის რეზო გაბრიაძეს გადაეცა. 3 დღის განმავლობაში ფართო აუდიტორიას საშუალება ექნება გაეცნოს ფრანგული, ჩინური, გერმანული მოკლემეტრაჟიანი ფილმების მრავალფეროვან პროგრამას . ნაჩვენები იქნება უკანასკნელი ათწლეულის თანამედროვე ქართული მოკლემეტრაჟიანი ფილმები; კინოჩვენებებთან ერთად, ფესტივალის პროგრამა მოიცავს საგანამანათლებლო ღონისძიებებსაც. მასტერკლასებს ჩაატარებენ ცნობილი კინორეჟისორები, კინოოპერატორები, სცენარისტები, პროდიუსერები. კინოჩვენებები გაიმართება კინოთეატრ „საქართველოში“ და დასწრება უფასოა. ფესტივალი გამარჯვებულებს 12 მაისს დაასახელებს.

ორმაისობის დღესასწაულთან დაკავშირებული კვირეული გრძელდება.

დაგეგმილი ღონისძიებების ფარგლებში დღეს ხარაზოვის ბაღში წარმოდგენა ,,მხიარული ჯამბაზები,, გაიმართა. პატარების განწყობაზე ჯამბაზის ფორმაში გამოწყობილმა ნიღბების თეატრის მსახიობებმა იზრუნეს. ღონისძიება ქალაქის მერიის დაფინანსებით მოეწყო.

 ქუთაისის მერმა იოსებ ხახალეიშვილმა, პარლამენტარების ზაზა ლომინაძისა და გივი ჭიჭინაძის მონაწილეობით, ადგილობრივი ხელისუფლების წარმომადგენლებთან ერთად, „ოქროს ჩარდახში“ ის ადამიანები დააჯილდოვა, რომლებსაც განსაკუთრებული წვლილი აქვთ შეტანილი ქუთაისის განვითარებაში. წელს 10 გამორჩეულ პიროვნებას მიენიჭა ქუთაისის საპატიო მოქალაქის წოდება.

„ ვაგრძელებთ წლების მანძილზე დამკვიდრებულ ტრადიციას და დღეს კიდევ 10 ჩვენს თანაქალაქელს მივანიჭეთ საპატიო ქუთაისელის ტიტული. თითოეულმა მათგანმა, თავიანთი საქმიანობით, მნიშვნელოვანი წვლილი შეიტანა ქუთაისის ცხოვრებაში. ისინი დღესაც ჩვენს გვერდით დგანან და ერთად გავაგრძელებთ ჩვენს ქალაქზე ზრუნვას. ვულოცავ ქუთაისის საპატიო მოქალაქეებს ამ აღიარებასა და დაფასებას! ჯანმრთელობას და ხანგრძლივ სიცოცხლეს ვუსურვებ მათ!“- განაცხადა იოსებ ხახალეიშვილმა.

ქუთაისის საპატიო მოქალქეები გახდნენ:1. მერი ფაჩუაშვილი 2. რობერტ გოგოლაშვილი 3. მამუკა ჯიქია 4. რეზო ჩაკვეტაძე 5. მერაბ ვაწაძე 6. რეზო რობაქიძე 7. ჯემალ გორდელაძე 8. ვახტანგ ჯავახაძე 9. როლანდ კვერნაძე 10. მურმან შათირიშვილი