მუზეუმის საერთაშორისო დღე ქუთაისის სახელმწიფო ისტორიულ მუზეუმში აღინიშნა.
დილის 10:00 საათიდან მუზეუმში
დამთვალიერებელთათვის ღია კარის დღე იყო გამოცხადებული.
ასევე პირველად მუზეუმის არსებობის მანძილზე ნუმიზმატიკის ფონდში დაცული მასალები გამოიფინა.
,, 18 მაისი მუზეუმების საერთაშორისო დღეა. ეს დღე არის ამ კულტურული მემკვიდრეობის ეროვნული საგანძურის ცენტრისადმი.
დღეს ქუთაისის სახელმწიფო ისტორიულ მუზეუმში დროებითი გამოფენა ,,მონეტებში არეკლილი ისტორია“ გაიხსნა. აღნიშნული გამოფენა ნუმიზმატიკის ფონდიდან მუზეუმის 110 წლის ისტორიის მანძილზე პირველად მოხდა.
კვირეულის ფარგლებში 20 მაისს იხსნება ,,იმერეთის ღვინის გზა“ ქუთაისის სახელმწიფო ისტორიული მუზეუმისა და პროფესიული კოლეჯ ,,იბერიის“ ერთობლივი წარმოდგენით. - ქუთაისის სახელმწიფო ისტორიული მუზეუმის
ადამიანური რესურსების მართვისა და საზოგადოებასთან ურთიერთობის მენეჯერი ნონა ქარციძე.
ქუთაისის მერიამ დღეს ღვაწლმოსილი მუზეუმელები სიგელებით დააჯილდოვა.
სოფო ოდიკაძე
ქუთაისის სახელმწიფო ისტორიული მუზეუმი ტრადიციულად უერთდება მუზეუმების საერთაშორისო დღეს და კვლავაც მრავალფეროვანი გამოფენებითა და მუსიკალური წარმოდგენებით უმასპინძლებს დამთვალიერებელს.
18 მაისს, დილის 10:00 საათიდან მუზეუმში დამთვალიერებელთათვის ცხადდება ღია კარის დღე!
18 მაისი, 15:00 სთ
გაიხსნება დროებითი გამოფენა ,,მონეტებში არეკლილი ისტორია’’.
ქუთაისის სახელმწიფო ისტორიული მუზეუმის ფონდებს შორის გამორჩეული ადგილი უჭირავს ნუმიზმატიკური კოლექციების ფონდს. აქ დაცული მასალები ნათლად მიგვანიშნებენ დასავლეთ საქართველოს, კერძოდ, ქუთაისის წამყვან როლზე საქართველოს პოლიტიკურ, ეკონომიკურ თუ კულტურულ ცხოვრებაში. ფონდში დაცული კოლხური, ქართული, ბიზანტიური, თურქული, სპარსული, არაბული და სხვა მონეტები ძირითადად აღნიშნულ რეგიონშია აღმოჩენილი, რაც იმაზე მეტყველებს, რომ ქუთაისს და მთლიანად იმერეთს გარკვეულ ეტაპზე სავაჭრო--ეკონომიკური და კულტურული ურთიერთობა ჰქონდა გარე სამყაროსთან. მუზეუმის არსებობის 110 წლის მანძილზე ეს იქნება პირველი შემთხვევა, როდესაც აქ დავანებული ქართული, აღმოსავლური თუ ევროპული მონეტების საუკეთესო ნიმუშები მთელი თავისი ბრწყინვალებით წარსდგება ფართო საზოგადოების წინაშე.
ქალაქ ქუთაისის მუნიციპალიტეტის მერია ქუთაისის მუზეუმების ღვაწლმოსილ და წარმატებულ თანამშრომელებს დაჯილდოვებს.
ქუთაისის სახელმწიფო ისტორიულ მუზეუმში დაგეგმილ ღონისძიებებს მუსიკალურად გააფორმებენ ქუთაისის აკ. წერეთლის სახელმწიფო უნივერსიტეტის ქართული ხალხური ცეკვის ანსამბლი „კოლხა’’ ედუარდ მურცხვალაძის ხელმძღვანელობით და ი.ოცხელის საჯარო სკოლის საეკლესიო საგალობლების და ხალხური სიმღერის გუნდი ,,პატარა ადილა’’, ხელმძღვანელი- ღირსების ორენის კავალერი, ლოტბარი მაიზერ გაზდელიანი.
20 მაისი, 17:00 სთ
მუზეუმების საერთაშორისო დღისადმი მიძღვნილი კვირეულის ფარგლებში გაიმართება პროფესიულ კოლეჯ "იბერია''-ს შემეცნებითი პერფორმანსი მუზეუმში დაცული ისტორიული ექსპონატების ილუსტრირებით- "იმერული ღვინის გზა".
პროფესიული კოლეჯი ,,იბერია’’ არის დასავლეთში ერთადერთი, რომელმაც 2022 წელს დაიწყო სერთიფიცირებული სახელმწიფო პროგრამა სპეციალობით "მეღვინე- დეგუსტატორი". ამ ინიციატივის მხარდამჭერი გახლავთ გაეროს ორგანიზაცია და საქართველოს განათლებისა და მეცნიერების სამინისტრო.
პროფესიული კოლეჯის ეს საგანმანათლებლო სიახლე ხელს უწყობს იმერული ღვინის განვითარებას და პოპულარიზაციას. მისი მიზანია თვითნასწავლი მეღვინეების გადამზადება.
