წმინდა ნიკოლოზის სახელობის სამედიცინო ცენტრში კოვიდვირუსით 85 წელს გადაშორებული პაციენტი გარდაიცვალა. მას თანმხლები ქრონიკული დაავადებები ქონდა.

ამ ეტაპზე კლინიკაში 42 ადამიანი მკურნალობს, სულ საავადმყოფოში 57 ადგილია. სამედიცინო დაწესებულება თერაპიული პროფილის არის, შესაბამისად არ ყავთ რეანიმაციული და კრიტიკულად მძიმე პაციენტები.

როგორც წმ. ნიკოლოზის სახელობის სამედიცინო ცენტრის დირექტორი მამუკა იოსელიანი აცხადებს, ამ დროისთვის მათთან მოთავსებული პაციენტების მდგომარეობა დამაკმაყოფილებელია.

ხარაგაულში დღეს კორონავირუსის მხოლოდ 2 შემთხვევა დაფიქსირდა. სულ  მუნიციპალიტეტში 354 ფაქტია გამოვლენილი. ბოლო 24 საათში გარდაცვალების ფაქტი არ დაფიქსირებულა, პანდემიიდან დღემდე კი სულ 7 პაციენტი დაიღუპა .

სტაციონარში ხარაგაულის მკვიდრი  10ადამიანი მკურნალობს, მათ შორის ბავშვები არ არიან.

ხარაგაულის საზოგადოებრივი ჯანდაცვის ცენტრის, ექიმის ნინო ყიფშიძის ინფორმაციით, დღეს გვიან ღამით 3 თვის ჩვილის ტესტის პასუხს ელოდებიან,რომლის ოჯახის წევრებსაც კოვიდი უკვე დადასტურებული აქვთ.

ხარაგაულის მუნიციპალიტეტში ამ დროისთვის არც ერთი ექიმი არაა ვირუსით ავად, თუმცა სასწარაფო სამედიცინო დახმარების 37 თანამშრომლიდან 7-მა კოვიდი უკვე გადაიტანა, ხოლო ბორითისა და ხარაგაულის კოვიდკლინიკების 49 თანამშრომლიდან ვირუსი 11-მა დაამარცხა. უმეტესი მათგანის მდგომარეობა იყო მსუბუქი სიმძიმის.

ბაღდათის მუნიციპალიტეტში ამ ეტაპზე კორონავირუსის   404 აქტიური შემთხვევაა.სულ მუნიციპალიტეტში კოვიდ 19-ი 962 პაციენტს აქვს დადასტურებული, აქედან უკვე გამოჯანმრთელდა 558 ,ხოლო თვითიზოლაციაში 198 ადამიანი იმყოფება. დღეს ბაღდათში გარდაცვალების შემთხვევა არ დაფიქსირებულა, ხოლო პანდემიიდან დღემდე ჯამში 11 ადამიანი დაიღუპა.

ამ ეტაპზე მუნიციპალიტეტში მედიკოსებს შორის ინფიცირებული არც ერთი ექიმი არაა.

ბაღდათის საზოგადოებრივი ჯანდაცვის ცენტრის დირექტორის ნატო მაჩიტაძის ინფორმაციით, კორონავირუსის შემთხვევებმა იკლო, რასაც ის დაწესებულ შეზღუდვებს უკავშირებს.

ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 17 007 კვლევა ტესტით, მათ შორის 11 288 კვლევა ანტიგენის ტესტით და 5 719 PCR ტესტით.

ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 3 064 ახალი დადასტურებული შემთხვევა.

ბოლო 24 საათში ვირუსისგან გამოჯანმრთელდა 3 740 პირი, ხოლო გარდაიცვალა 42 ადამიანი.

თბილისში გამოვლენილია 1 241 შემთხვევა, აჭარა - 191, იმერეთი - 497, ქვემო ქართლი - 246, შიდა ქართლი - 244, გურია - 52, სამეგრელო - ზემო სვანეთი - 264, კახეთი - 196, მცხეთა-მთიანეთი - 63, სამცხე-ჯავახეთი - 53, რაჭა-ლეჩხუმი და ქვემო სვანეთი - 17.

6 358 ადამიანი მკურნალობს საავადმყოფოში, მათ შორის, იმერეთში - 1 293. ამ ეტაპზე მძიმე პაციენტია 1 104 პირი, აქედან  იმერეთში - 242. მძიმე პაციენტებიდან ხელოვნური სუნთქვის აპარატზე იმყოფება 427 პირი, მათგან  იმერეთში - 62. 

 დაავადებათა კონტროლისა და საზოგადოებრივი ჯანმრთელობის ეროვნული ცენტრის  იმერეთის სამმართველოს ხელმძღვანელის ინფორმაციით, იმერეთის მასშტაბით კორონავირუსის შემთხვევების  შემცირებული რაოდენობა შეიძლება დასვენების დღეებს უკავშირდებოდეს, თუმცა ზოგადად ქვეყნის მასშტაბით კლების ტენდენცია  შეინიშნება.

ბოლო 24 საათში იმერეთში კორონავირუსის 111 შემთხვევა დაფიქსირდა, ამ მონაცემების 60პროცენტამდე ქუთაისშია გამოვლენილი.

თერჯოლის კლინიკის დირექტორს  დღეს კოვიდ 19-ი დაუდასტურდა.დავით სარიშვილი ამ დროისთვის საკუთარ სახლში იმყოფება, მისი ჯანმრთელობის მდგომარეობა დამაკმაყოფილებელია, მას ვირუსი მსუბუქი ფორმით აქვს.

 თერჯოლის კლინიკაში ამ დროისთვის 95  კოვიდდადასტურებული მკურნალობს, მათ შორის 2 ბავშვია, არასრულწლოვნების მდგომარეობა მსუბუქად ფასდება. რენიმაციაში 18 პაციენტია, აქედან კრიტიკულად მძიმეა და აპარატზეა შეერთებული 7ადამიანი.  ,,თერჯოლამედში,, ბოლო 24 საათის განმავლობაში გარდაცვალება არ დაფიქსირებულა. ამ დროისთვის კლინიკაში 4 თავისუფალი  ადგილია.