ამ დროისთვის ქვეყანაში კორონავირუსით ინფიცირებული 638 მძიმე პაციენტია, მათ შორის 293 პირი ხელოვნური სუნთქვის აპარატზე იმყოფება.თბილისში გამოვლენილია 976 შემთხვევა, აჭარაში - 328, იმერეთში - 368, ქვემო ქართლში - 61, შიდა ქართლში - 135, გურიაში - 62, სამეგრელო - ზემო სვანეთში - 280, კახეთში - 70, მცხეთა-მთიანეთში - 31, სამცხე-ჯავახეთში - 55, რაჭა-ლეჩხუმსა და ქვემო სვანეთში - 35.

ბოლო 24 საათში გამოჯანმრთელდა 2 289 პირი, ხოლო ჯამში გამოჯანმრთელებულთა რაოდენობა გაიზარდა 33 459-მდე.

ქუთაისის ინფექციურ კლინიკაში კორონავირუსით ინფიცირებული 73 პაციენტი მკურნალობს, მათგან მძიმეა ათი, ხოლო კრიტიკულად მძიმე ოთხი პაციენტი. კლინიკის სამედიცინო დირექტორის ნოდარ მაღლაფერიძის განცხადებით, ვირუსი უმძიმესმა პაციენტმა დაამარცხა, რომელიც რამდენიმე დღის განმავლობაში რეანიმაციულ განყოფილებაში იმყოფრბოდა. ამ დროისთვის ბოქსირებულ განყოფილებაში მკურნალობას მცირეწლოვნები გადიან ისინი საშუალო სიმძიმის პაციენტებად ითვლებიან. ასევე მკურნალობას გადის 102 წლის პაციენტი, რომლის მდგომარეობა მძიმე, თუმცა სტაბილურია.

ქუთაისის ინფექციურ საავადმყოფოში კორონავირუსის დიაგნოზით ხანდაზმულთა პანსიონატის ბენეფიციარი შეიყვანეს, ინფიცირებული 102 წლისაა, კლინიკის სამედიცინო დირექტორის ნოდარ მაღლაფერიძის თქმით, მოხუცის მდგომარეობა ფასდება როგორც მძიმე.

ამ დროისათვის კლინიკაში სულ 76 პაციენტი მკურნალობს , 4 მათგანის მდგომარეობა კრიტიკულია და ისინი მართვით სუნთქვაზე იმყოფებიან, ვირუსის დადასტურებული დიაგნოზით ინფექციურ საავადმყოფოში ჩვილებიც მკურნალობენ.

კლინიკა ბომონდი“-ს კოვიდცენტრი 6-მა გამოჯანმრთელებულმა ორსულმა და მელოგინემ დატოვა. 5 მელოგინე კლინიკიდან ჩვილებთან ერთად გაეწერა. ამ დროისთვის კლინიკაში 20 ორსული, მელოგინე და 4 ჩვილი რჩება. ნაწილის ჯანმრთელობის მდგომარეობა დამაკმაყოფილებელია, ნაწილის საშუალო სიმძიმისაა. 

„ჩვენი კოვიდცენტრი დასავლეთ საქართველოში ერთადერთია, რომელიც კოვიდდადებით ორსულებსა და მელოგინეებს იღებს. მომართვიანობაც შესაბამისად მაღალია. პაციენტები გვყავს როგორც აჭარიდან, ისე იმერეთიდან. ჩვენს კოვიდცენტრში 20 ახალშობილი დაიბადა, მათ შორის ორი ტყუპი. 26 პაციენტიდან 6 სახლებში გამოჯანმრთელებული გაეწერა. ველოდებით ბათუმიდან მძიმე მდგომარეობაში გადმოყვანილი პაციენტის ჩვილის ლაბორატორიული კვლევის შედეგს. ქალბატონს ჩვენთან ჩაუტარდა საკეისრო კვეთა, მისი მდგომარეობა დასტაბილურდა და თუ ჩვილს კორონავირუსი არ დაუდასტურდება, დედა და ახალშობილი კლინიკას დატოვებენ,“-ამბობს „კლინიკა ბომონდი“-ს კოვიდცენტრის მეან-გინეკოლოგი თეონა ლორთქიფანიძე.

დღეს კორონავირუსის 2 295 შემთხვევა გამოვლინდა, მათ შორის იმერეთში - 387, თბილისში გამოვლენილია 989 შემთხვევა, აჭარაში - 387, ქვემო ქართლში - 166, შიდა ქართლში - 133, გურიაში - 27, სამეგრელო - ზემო სვანეთში - 97, კახეთში - 47, მცხეთა-მთიანეთში - 33, სამცხე-ჯავახეთში - 29, რაჭა-ლეჩხუმსა და ქვემო სვანეთში - არ დაფიქსირებულა შემთხვევები.

 ბოლო 24 საათში გამოჯანმრთელდა 2 537 პირი, ხოლო ჯამში გამოჯანმრთელებულთა რაოდენობა 31 170-მდე გაიზარდა.

24 საათში გარდაიცვალა 19 ადამიანი, მათ შორის თბილისში - 2 , აჭარაში - 9, იმერეთში - 6, შიდა ქართლში - 1, ხოლო სამეგრელო-ზემო სვანეთში - 1 ადამიანი. 2020 წლის 26 თებერვლიდან დღემდე სულ გარდაცვალების 381 შემთხვევა დაფიქსირდა.

კორონავირუსულ ინფექციას ქუთაისში 57 წლის მამაკაცის სიცოცხლე ემსხვერპლა. ის მკურნალობის კურსს “კლინიკა ბომონდი”-ს კოვიდცენტრში გადიოდა.