საქართველოს ეკონომიკისადა მდგრადი განვითარების სამინისტრო ნამახვანი ჰესის ხელშეკრულების შესახებ არსებულ შეკითხვებს პასუხობს. 17 გვერდიანი დოკუმენტი  სამინისტროს გვერდზეა გამოქვეყნებული, და განმარტებულია ის საკითხები, რომელიც , როგორც უწყებაში აცხადებენ, არასამთავრობო ორგანიზაცია ,,,,ადამიანის უფლებების სწავლებისა და მონიტორინგის ცენტრის,,მიერ იქნა გაჟღერებული.  (ლინკი http://www.act2.ge/index.php/temebi-ka/sazogadoeba/1333-2021-03-03-10-21-17)

 კომპანია "ჯორჯიან მანგანეზის" ორგანიზებულ ღონისძიებას, იმერეთში სახელმწიფო რწმუნებული ზვიად შალამბერიძე, საჩხერის, ჭიათურისა და ხარაგაულის მაჟორიტარი დეპუტატი პაატა კვიჟინაძე, ადგილობრივი ხელისუფლების წარმომადგენლები და დაინტერესებული პირები ესწრებოდნენ. კომპანიის მიერ დაანონსებული პროგრამის ფარგლებში, თითქმის 100-წლიანი ისტორიის შენობა ახალ სიცოცხლესა და ფუნქციას შეიძენს. ე.წ ტრესტი სხვადასხვა მიმართულებით დაიტვირთება, ის გააერთიანებს: სამუზეუმო სივრცეებს, მათ შორის მხარეთმცოდნეობის, ისტორიისა და ფოტოგრაფიის მუზეუმებს, ფოტოგრაფიის სკოლას, ტრენინგ, საგამოფენო და საბიბლიოთეკო სივრცეებს, პროფესიულ სასწავლო ცენტრ - „ჯმ აკადემიას“, ახალგაზრდული სკაუტების ცენტრს, რომელიც ჭიათურის ახალგაზრდებისათვის პერმანენტულად განახორციელებს პროექტებს. ასევე, პროექტით გათვალისწინებულია მოეწყოს ტურისტული მიმართულების სივრცე, მათ შორის, გიდების მოსამზადებელი და ბიზნესის ხელშეწყობის ცენტრები, სადაც სტარტაპერებს შესაძლებლობა ექნებათ, საინტერესო წინადადებები წარმოადგინონ.

,,ძალიან ბევრი საინტერესო იდეა და პროექტი გაჟღერდა. დარწმუნებული ვარ ,,ჯორჯიან მანგანეზი" აღნიშნულ პროექტს ჭიათურაში, აუცილებლად განახორციელებს. ვფიქრობ ყველა ეს პროექტი იქნება დამატებით ახალი სიცოცხლე ჭიათურლებისთვის და არა მარტო მათთვის. იმ ვიზიტორებსა და ტურისტებს, რომლებიც მუნიციპალიტეტში ჩამოვლენ ბევრი სიურპრიზი დახვდებათ ჭიათურაში. პრეზენტაციაში ძირითადად სამი მიმართულება იყო წარმოდგენილი. ეს არის კულტურისა და ზოგადად ხელოვნების მიმართულება, ტურიზმის მიმართულება, რომელზეც დიდ იმედებს ამყარებს არა მარტო იმერეთი არამედ საქართველო. ჩვენ ვიცით როგორი ეკონომიკური ზრდა მოუტანა ტურიზმის განვითარებამ საქართველოს და მესამე ეს არის განათლების მიმართულება და ახალგაზრდების აქტიურად ჩართვა სხვადასხვა სასწავლო პროგრამებში. აღნიშნული კომპონენტი პროფესიული განვითარების თვალსაზრისით ძალიან მნიშვნელოვანია მუნიციპალიტეტისთვის" - ზვიად შალამბერიძე.

კომპანიამ შენობის სრული სარეაბილიტაციო სამუშაოები უკვე დაიწყო. ასევე, "ჯორჯიან მანგანეზის" ინიციატივით, მიმდინარეობს შესაბამისი სამუშაოები, შენობისთვის კულტურული მემკვიდრეობის ძეგლის სტატუსის მისანიჭებლად.

ქუთაისის ყვავილების ბაზრის დირექცია , ქალაქის მერიასთან შეთანხმებით, ყვავილებით გარემოვაჭრეებს ბაზრის ტერიტორიაზე შესვლას სთავაზობს. მოვაჭრეები ერთი თვის მანძილზე სავაჭრო ადგილის მოსაკრებელსარ გადაიხდიან , ხოლო მომდევნო თვეებში საშეღავათო პირობებით ისარგებლებენ.

შეგახსენებთ,  ყვავილებით მოვაჭრეებს ქუთაისის მერიის ზედამხედველობის სამსახურმა გარევაჭრობა აუკრძალა და ე.წ. ყვავილების ბაზრის ტერიტორიაზე შესვლა მოთხოვა. საპასუხოდ მოვაჭრეებმა აქცია ადგილობრივი თვითმმართველობის შენობის წინ 9 თებერვალს გამართეს.

გარემოს დაცვისა და სოფლის მეურნეობის მინისტრის განცხადებით, ნამახვანჰესთან დაკავშირებით ზოგიერთი ვითომ ექსპერტი მოსახლეობის გრძნობებზე თამაშობს, რაც მისი შეფასებით, უპასუხისმგებლობაა . ლევან დავითაშვილის თქმით, მას ნამახვანჰესთან დაკავშირებით მოსახლეობასთან კომუნიკაციაზე უარი არასდროს უთქვამს.

„ძალიან დიდი გულისტკივილით მინდა ვთქვა, რომ როდესაც საუბარი იყო ამ კონკრეტულ მიმართულებებზე, როგორიც არის კლიმატზე ზემოქმედება, გეოლოგიური საფრთხეები, როგორია ქანები და ასე შემდეგ, ერთი მხრივ ამბობდნენ, რომ საჯარო და გამჭვირვალე არ არის პროცესი, არ გვაქვს ინფორმაციაზე წვდომაო, თქვენ ყველამ იცით, რომ ნებისმიერი გადაწყვეტილება ქვეყნდება ვებგვერდზე, სხვანაირად პროცესი უბრალოდ არ იმართება. ის ადამიანები, რომლებიც ხშირ შემთხევაში ოპონირებენ, სამწუხაროდ უნდა ვთქვა, ზოგიერთ შემთხვევაში, ვითომ ექსპერტები, მათ ეს პროცედურები ყველაზე კარგად იციან, ისინი არაერთი გადაწყვეტილების ნაწილში ან გვიჩივიან ან ოპონირების რეჟიმში არიან. ეჭვიც მაქვს, რომ გარკვეული დღის წესრიგიც გააჩნიათ. სამწუხაროდ, ისინი ადგილობრივი მოსახლეობის გრძნობებზე თამაშობენ და ცდილობენ, მოსახლეობის გრძნობები გამოიყენონ, რაც უპასუხისმგებლობაა. 

პირადად ვიყავი ჩემს კოლეგებთან ერთად ჩართული. ჩვენ უნდა გავაგრძელოთ კომუნიკაცია, ამაზე იყო საუბარი პრემიერის მხრიდან. ჩვენ უნდა შევქმნათ მოსახლეობის სწორი აზრი და პატივი უნდა ვცეთ მოსახლეობის აზს. რამდენადაც დიდი იქნება გამოწვევა, იმდენად დიდი იქნება ჩვენი მხრიდან პასუხი,,-განაცხადა დავითაშვილმა.

გარემოს ეროვნული სააგენტო მოსალოდნელი ამინდის შესახებ ინფორმაციას ავრცელებს.

5 - 6 მარტს საქართველოში მოსალოდნელია თბილი და უნალექო ამინდი. 6 მარტს დასავლეთ საქართველოს დაბლობში +18, +20, ხოლო აღმოსავლეთ საქართველოს ბარში +15, +17 გრადუსამდე დათბება.

პრემიერ-მინისტრ ირაკლი ღარიბაშვილის განცხადებას, რომლის მიხედვითაც ღარიბაშვილმა ეკონომიკისა და სოფლის მეურნეობის მინისტრებს დაავალა უშუალოდ ჩავიდნენ ნამახვანჰესის მშენებლობის ადგილზე და მოსახლეობის წუხილს პირადად გაეცნონ, ,,რიონის ხეობის მცველები,, ეხმაურებიან.

ვარლამ გოლეთიანის განცხადებით, თუ დიალოგი დიალოგისთვის უნდა იყოს, ვერანაირი შედეგი ვერ იქნება.

კომუნიკაციის საჭიროებას რომ ხედავენ, ეს ცუდი ნამდვილად არ არის და მივესალმებით, მაგრამ კომუნიკაცია არ უნდა იყოს ფორმალური ხასიათის და შინაარსის და შეხვედრას უნდა მოყვეს ადეკვატური ნაბიჯები მათი მხრიდან. ის მოთხოვნები, რაც გვაქვს, ძალაშია ყველაფერი და ამ ნაწილში არანაირ კომპრომისზე წასვლას არ ვაპირებთ, მაგრამ შემდგომი დიალოგის გაგრძელებისკენ ვართ ორიეტირებულები. ამ დისკუსიაში უნდა ჩაერთოს ყველა დაინტერესებული მხარე და თავისი სათქმელი ყველამ უნდა დააფიქსიროს.,,-აცხადებს ვარლამ გოლეთიანი.

რიონის ხეობაში პროტესტი 131 დღეს აგრძელდება. მოსახლეობა ითხოვს, არ აშენდეს ნამახვაჰესი და ხეობა დატოვოს კომპანია ,,ენკამ,,