ჩატარებული გაწმენდითი სამუშაოების შედეგად, ცაგერის მუნიციპალიტეტის, სოფელ ლაჯანასთან საავტომობილო გზა გახსნილია-ინფორმაციას რაჭა-ლეჩხუმისა და ქვემო სვანეთის სამხარეო ადმინისტრაცია ავრცელებს.

მეწყერი ლაილაში-ღუს დამაკავშირებელ საავტომობილო გზაზე გუშინ ჩამოწვა, რამაც   (ქუთაისი-ცაგერი-ამბროლაურის) დამაკავშირებელი მაგისტრალზე, სოფელი ლაჯანის მონაკვეთზე ცენტრალური მაგისტრალის ჩახერგვა გამოიწვია.

ამ დროისთვის ჩაკეტილია შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 98-ე კმ-ი. (სოფ.დიზი) სადაც ჩამოსულია მეწყერი, რის გამოც აკრძალულია ყველა სახის ავტოტრანსპორტის მოძრაობა. ადგილზე მობილიზებულია შესაბამისი ტექნიკა, მიმდიანრეობს გაწმედნითი სამუშაოები და საავტომობილო მოძრაობა რამდენიმე საათში აღდგება.ინფორმაციას საავტომობილო გზების დეპარტამენტი ავრცელებს.

„საერთაშორისო გამჭვირვალობა - საქართველომ” სახელმწიფო რწმუნებულის ადმინისტრაციების თანამდებობის პირთა 2020 წელს შევსებული დეკლარაციები შეისწავლა, რის შედეგადაც გაირკვა, რომ 46 მოქმედი და ყოფილი თანამდებობის პირიდან დეკლარაცია ათმა ხარვეზებით შეავსო. 

„საერთაშორისო გამჭვირვალობა - საქართველოს“ მიერ გავრცელებულ ინფორმაციაში მოხვდა იმერეთის სახელმწიფო ადმინისტრაცია . დოკუმენტში  წერია,  რომ იმერეთში სახელმწიფო რწმუნებულის მოადგილე, ლევან კიკნაველიძეს 2020 წლის ოქტომბერში შევსებულ დეკლარაციაში არ უხსენებია, რომ იგი არის შპს “სასარგებლო წყალი ნაბეღლავი” - 100% წლის მფლობელი და დირექტორი და შპს “ჯორჯიან ფეროელოის” - დირექტორი. ლევან კიკნაველიძე ასევე არის შპს “გამა 222” - 50% წილის და შპს “ალიანსი 222” - 30% წილის მფლობელი, ეს ინფორმაცია მან ასახა დეკლარაციაშიც, თუმცა კანონის მოთხოვნის მიუხედავად, მას აღნიშნულ წილები მართვის უფლებით სხვა პირისათვის არ გადაუცია. ლევან კიკნაველიძეს დეკლარაციაში არ მიუთითებია, რომ მისი მეუღლე ქეთევან ძიგრაშვილი ს.პ.ს “ძიგრაშვილი და კონსალტინგ ჯგუფის” ერთ-ერთი დამფუძნებელი და დირექტორია, რაც კანონის დარღვევაა. .

იმერეთის გარდა, დოკუმენტში მოხვდა სამცხე-ჯავახეთის სახელმწიფო რწმუნებულის მოადგილე, ზურაბ ხაჩიძე, ალექსანდრე მოწერელია,რომელიც  სამეგრელო-ზემო სვანეთის სახელმწიფო რწმუნებულის პოზიციას 2018-20 წლებში იკავებდა,სამეგრელო-ზემო სვანეთის სახელმწიფო რწმუნებულის მოადგილე, ლუდუკ ხასია,სამეგრელო-ზემო სვანეთის სახელმწიფო რწმუნებულის მოადგილე, ლუდუკ ხასია,რაჭა-ლეჩხუმისა და ქვემო სვანეთის სახელმწიფო რწმუნებულის ყოფილი მოადგილე გიორგი გონაძე, ქვემო ქართლში სახელმწიფო რწმუნებულის მოადგილე გიორგი შინჯიკაშვილი, შიდა ქართლის სახელმწიფო რწმუნებულის მოადგილე ნუგზარ სამხარაძე,ირაკლი ქადაგიშვილი , რომელიც კახეთის სახელმწიფო რწმუნებული იყო 2016-2020 წლებში და კახეთის სახელმწიფო რწმუნებულის მოადგილე პლატონ კალმახელიძე .

„საერთაშორისო გამჭვირვალობა - საქართველოს“ განცხადებაში ნათქვამია, რომ ორგანიზაცია  მოკლებულია შესაძლებლობას, შეამოწმოს, არის თუ არა კვლევაში ნახსენები კომპანიები აქტიური, რადგან ამ მიზნისთვის საჭირო ინფორმაცია საგადასახადო საიდუმლოებას წარმოადგენს.

უამინდობის შედეგად დაზიანებული ინფრასტრუქტურის აღდგენის სამუშაოები დილიდან მიმდინარეობს საჩხერის მუნიციპალიტეტში. არსებულ მდგომარეობას იმერეთში სახელმწიფო რწმუნებული ზვიად შალამბერიძე ადგილზე გაეცნო. შესაბამისი სამუშაოების განხორციელების შედეგად უკვე გაწმენდილია ქალაქის ცენტრალური ნაწილი.  პრობლემების აღმოსაფხვრელად მერიის სამსახურებმა სწრაფი რეაგირება მოახდინეს და  მძიმე ტექნიკა სხვადასხვა ლოკაციაზე დილიდან აქტიურად მუშაობს.

ფაიზერით ვაქცინაცია ქუთაისის 2 კლინიკაში, თბილისში- 4 კლინიკაში, აჭარაში კი ერთ სამედიცინო დაწესებულებაში მოხდება.

მედპერსონალთან ერთად ვაქცინით ყველა ის პირი აიცრება, რომელზეც უფლება იმუნიზაციის ექსპერტთა და ვაქცინაციის საკოორდინაციო საბჭომ გასცა.

ლაბორატორია, რომლის სახელითაც ქუთაისში კორონავირუსის PCR კვლევის უარყოფითი შედეგების ამსახველი ყალბი დოკუმენტების დამზადება ხდებოდა, ,,იმერეთის მედიცინის განვითარების ცენტრია.,,

როგორც სამედიცინო დაწესებულების თანამშრომელი ამბობს, რომ მათთან ყალბი საბუთი არ მზადდება .ქალბატონის განმარტებით,  კონკრეტულმა პირმა  სავარაუდოდ კომპიუტერის საშუალებით გააყალბა საბუთი, გამოიყენა მათი ბლანკი , ყალბი ასლები დაამზადა და სახელი და გვარი სასურველი პაციენტის ჩაწერა. თანამშრომლის თქმით, მათ გაყალბების ფაქტთან არანაირი კავშირი არ აქვთ.

,,იმერეთის მედიცინის განვითარების ცენტრში,,   ტესტირება ამ დრომდე გრძელდება.