ქალთა ფონდი „სოხუმის“ ორგანიზებით კონფერენცია გაიმართა თემაზე - „გენდერულად მგრძნობიარე მუნიციპალური პოლიტიკისა და პროგრამების საუკეთესო პრაქტიკის გაზიარება“, რომელიც ქალთა ფონდი "სოხუმის" თბილისის ოფისის ხელმძღვანელი - ეკატერინე გამახარიამ გახსნა.
კონფერენციის მიზანი იყო დასავლეთ საქართველოს ადგილობრივი თვითმმართველობის წარმომადგენლებს შორის მუნიციპალური გენდერული პოლიტიკისა და პროგრამების შესახებ საუკეთესო პრაქტიკის გაზიარება; მუნიციპალიტეტებს შორის თანამშრომლობის გაძლიერება, გამოცდილებისა და ცოდნის გაზიარების გზით; მუნიციპალიტეტების მიერ გენდერულ თანასწორობაზე ორიენტირებული ინოვაციური მიდგომების და სტრატეგიების წარმოსაჩენად პლატფორმის შექმნა და გენდერული თანასწორობის რეგიონული ინიციატივების უფრო ფართოდ დანერგვის ხელშეწყობა.
კონფერენციას ესწრებოდა იმერეთის, სამეგრელოს, გურიისა და აჭარის სამხარეო ადმინისტრაციის 118 წარმომადგენელი, დასავლეთ საქართველოს 26 მუნიციპალიტეტის თანამდებობის პირები, მათ შორის: მერები, მათი მოადგილეები, საკრებულოს წევრები, გენდერული თანასწორობის საბჭოები, გენდერული მრჩევლები.
კონფერენციაზე მიზნობრივად გააზიარას საკუთარი კარგი პრაქტიკები 6 მუნიციპალიტეტის წარმომადგენელმა:
„ზუგდიდის მუნიციპალიტეტის „ქალთა ოთახის“ მუშაობის პრაქტიკა“ - ნინო გვაგვალია, „ქალთა ოთახის“ მენეჯერი და გოგი რევია, მერიის სოციალური დაცვისა და გენდერული თანასწორობის განყოფილების უფროსი; გენდერული თანასწორობის საკითხებზე პასუხისმგებელი პირი;
„გენდერული თანასწორობის ხელშეწყობა და გენდერულად მგრძნობიარე მუნიციპალური სერვისების განვითარება - ჩოხატაურის მუნიციპალიტეტის გამოცდილება“ - მარინე ბერაძე, გენდერული საბჭოს თავმჯდომარე;
„უწყებათაშორისი კომისია, როგორც მაკოორდინირებელი მექანიზმი ძალადობის პრევენციის და რეაგირების საკითხებში - სენაკის მუნიციპალიტეტის გამოცდილება“ - ნატალია ხუბუა სოციალური და ჯანდაცვის სამსახურის უფროსი;
„გენდერული ნიშნით და ოჯახში ძალადობის მსხვერპლი ქალებისათვის ფსიქიატრიული სერვისებით უზრუნველყოფა - ქალაქ ქუთაისის მუნიციპალიტეტის გამოცდილება“ - ფიქრია ხაჭაპურიძე, მერიის სოციალურ საკითხთა სამსახურის ხელმძღვანელის მოადგილე;
„სოფლის მხარდაჭერის პროგრამებში ქალთა ჩართულობის წახალისება - ხონის მუნიციპალიტეტის გამოცდილება“ - ბაჩანა ბასილაია, საკრებულოს წევრი;
„ოჯახის გაძლიერების პროგრამის (ბავშვთა განყოფილება) მუშაობის კარგი პრაქტიკა - ბაღდათის მუნიციპალიტეტის გამოცდილება - მარეხი მშვენიერაძე, სოციალური და ჯანდაცვის სამსახურის უფროსი.
„მოწყლადი ოჯახების გაძლიერების პროგრამა (სამეწარმეო საქმიანობის განვითარების ხელშეწყობა) - ლანჩხუთის მუნიციპალიტეტის გამოცდილება“ - თამარ ფირცხალაიშვილი, სოციალური და ჯანდაცვის სამსახურის უფროსი.
მონაწილეები ინტერესით გაეცნენ საუკეთესო პრაქტიკებს. მათი სურვილია, თავიანთ მუნიციპალიტეტებში დანერგონ სიახლეები, რაც ხელს შეუწყობს ქალთა გაძლიერებას და კეთილდღეობას.
პროექტის:"იძულებით გადაადგილებული ქალები და გოგონები- საჭიროებებზე ორიენტირებული,ადგილობრივი პოლიტიკის აქტორები ქუთაისში," USAID-ის ადგილობრივი თვითმმართველობის პროგრამის ფარგლებში შექმნილ,ქალთა და გოგონათა სამიზნე სამუშაო 4 ჯგუფთან ჩატარდა 4 სამუშაო შეხვედრა.
შეხვედრის მონაწილეებს,ქუთაისში სხვადასხვა თემში მცხოვრებ დევნილ ქალებსა და გოგონებს ,საშუალება ჰქონდათ ესაუბრათ იმ პრიოტიტეტულ პრობლემებსა და გამოწვევებზე,რომლებიც,წლების მანძილზე დაუგროვდათ.სამიზნე სამუშაო ჯგუფის წევრებმა მთავარ საკითხთა ნუსხაში ინფრასტრუქტურული პრობლემები დაასახელეს,როგორიცაა:გაუმართავი სანიაღვრე სისტემა,სარდაფებში არსებული წყლისა და ნესტის პრობლემა,ფასადების ავარიული მდგომარეობა,გადახურვის საკითხი,შიდა გზების გაუმართაობა.ასევე გამახვილდა ყურადღება ჯანდაცვის მიმართულებით,სერვისებზე ხელმისაწვდომობის თვალსაზრისით,დაფინანსების გაზრდასთან დაკავშირებით.
ახალგაზრდებმა გამოკვეთეს სპორტული მოედნებისა და სკვერების არარსებობის პრობლემა.სამუშაო ჯგუფის წევრებს,პროექტის ფარგლებში,შესაძლებლობა ექნებათ შეიძინონ უნარ-ჩვევები და ქალთა ფონდის "სოხუმი" დახმარებით,იმუშაონ პრობლემების ადვოკატირებაზე, შესაბამის პასუხისმგებელ უწყებებთან.
აღნიშნული ჯგუფები ინოვაციური მეთოდების გამოყენებით შეხვედრებს ჩაატარებენ ქუთაისის მუნიციპალიტეტის გენდერული თანასწორობის საბჭოსთან, დევნილთა ადგილობრივ თემთან,დაესწრებიან საკრებულოს სხდომებს,ქალაქის მერის მიერ გაწეული მუშაობის შესახებ ანგარიშის საჯარო განხილვას,რაც ხელს შეუწყობს ,დევნილი ქალებისა და გოგონების მონაწილეობის გაზრდას გადაწყვეტილებების მიღების პროცესში და დევნილთა თემებში იდენტიფიცირებული პრობლემების ეფექტიან ადვოკატირებასა და გადაჭრას.
