დედის დღედ 3მარტი 30 წლის წინ,საქართველოს პირველი პრეზიდენტის,ზვიად გამსახურდიას ინიციატივით დაწესდა. საქართველოს უზენაესმა საბჭომ  პრეზიდენტის გადაწყვეტილება 1991 წელს დაამტკიცა.

ზვიად გამსახურდიას გადაწყვეტილებით, დედის დღეს საქართველოში ქალთა საერთაშორისო დღე – 8 მარტი უნდა ჩაენაცვლებინა.3 მარტი  უქმე დღეა.

გაზაფხულის პირველ კვირაში მოსალოდნელ ამინდს გარემოს დაცვის ეროვნული სააგენტო ავრცელებს.5 მარტამდე საქართველოში არამდგრადი ამინდია მოსალოდნელი.

1 - 4 მარტს საქართველოს ზოგიერთ რაიონში შენარჩუნებული იქნება დროგამოშვებით ნალექიანი ამინდი. ჰაერის ტემპერატურა დღის საათებში დაბლობსა და ბარში +5, +10 გრადუსია მოსალოდნელი. 3 - 4 მარტს ზოგან იქროლებს დასავლეთის მიმართულების ძლიერი ქარი. 5 მარტს ქვეყნის ტერიტორიის უმეტეს ნაწილზე გამოიდარებს და დათბება.

დღეიდან კიდევ 6 ქვეყნის წარმომადგენელს შეუძლია გადმოკვეთოს საქართველოს სახელმწიფოს საჰაერო საზღვარი PCR ტესტის ნეგატიური პასუხით. ქვეყნების ჩამონათვალს  სომხეთი, აზერბაიჯანი, უკრაინა, ყაზახეთი, რუსეთი, ბელარუსი ემატება,- ამის შესახებ პრემიერ-მინისტრმა  გასულ კვირას, მთავრობის უწყებათაშორისი საკოორდინაციო საბჭოს სხდომის დასრულების შემდეგ განაცხადა.

მისივე თქმით, სახმელეთო საზღვარზე მოქმედი რეჟიმი რჩება.

" იმ ქვეყნების ჩამონათვალს, რომელთა მოქალაქეებს საქართველოს საჰაერო საზღვრის გავლით ქვეყანაში შემოსვლა შეუძლიათ PCR ტესტის ნეგატიური პასუხით, 1-ელი მარტიდან ემატება შემდეგი ქვეყნები: სომხეთი, აზერბაიჯანი, უკრაინა, ყაზახეთი, რუსეთი, ბელარუსი. სახმელეთო საზღვრებზე ამ ეტაპზე ისევ ვინარჩუნებთ დღეს მოქმედ რეჟიმს",-აღნიშნა ღარიბაშვილმა.

პ.ს.ფოტო არქვივიდან.

ქუთაისში მიმდინარე საპროტესტო აქციაზე სამოქმედო გეგმა გააჟღერეს.მოთხოვნები შეკრებილებს აქციის ერთ-ერთმა ორგანიზატორმა,ვარლამ გოლეთიანმა გააცნო.

"თუ არ გაითვალისწინეს ჩვენი მოთხოვნა,დავთქვამთ 2 კვირის ვადაში ისევ ფართომასშტაბიან აქციას და ქალქის პიკეტირებას მოვაწყობთ.დავაყენებთ ჩვენს მანქანებს და მივატოვებთ აქ.ძალით ვერ გადაგვაჭარბებენ.ბევრნი ვართ.ჩვენ,ვინც 126 დღეა ვართ ნამოხვანში,აქედან ისევ იქ დავბრუნდებით და დავიწყებთ გაფართოებული ჯგუფებით მორიგეობას.არავის ეგონოს,რომ მხოლოდ ამ შეკრების იმედად ვართ.80-100 კაცი ვაპირებთ ვიყოთ კარვებთან მშვიდობიანად.თუკი ხვალ კომპანია ისევ გადაწყვეტს , რომ ააგრიხინოს ტრაქტორი,რომელიც ტანკია ჩვენთვის,მაშინ ისევ იქნება თქვენი მობილიზება საჭირო, რომ დავტოვოთ საკუთარი მანქანები და დავრჩეთ აქ იქამდე,სანამ არ გაგვცემენ პასუხს.ეს იქნება უკომპრომისო ბრძოლა"-განაცხადა ვარლამ გოლეთიანმა.

მომდევნო აქცია 14 მარტს დაიგეგმა.

"რიონი"საქართველოს დედა მდინარეა!დედა  არ იყიდება!- ამ სლოგანით ქუთაისის ცენტრალურ მოედანზე საპროტესტო აქცია მიმდინარეობს.

"არა ნამოხვანჰესს"ამ მოთხოვნით უამრავი ადამიანია შეკრებილი.არიან რიონის ხეობის მაცხოვრებლები,სხვადასხცა ქალაქიდან ჩამოსული ადამიანები,სამოქალაქო აქტივისტები,პოლიტიკური პარტიების წარმომადგენლები.აქცია მშვიდობიანია და მიზნად ხელისუფლების ყურადღების მიპყრობას ისახავს.მოთხოვნები უცვლელია-რიონის ხეობაში არ აშენდეს ნამოხვანჰესი და დატოვოს ტერიტორია კომპანია "ენკამ"

ნამოხვანჰესის მშენებლობის წინააღმდეგ აქცია ხვალ ქუთაისში გაიმართება.

როგორც ერთ-ერთი ორგანიზატორი ვარლამ გოლეთიანი ამბობს, საპროტესტო შეკრება ქალაქის ცენტრალურ მოედანზე,მესხიშვილის თეატრის წინ 1 საათიდან დაიწყება.იგეგმება ცენტრალური მოედნის  დაკეტვა.გოლეთიანი იმედოვნებს, რომ ხვალ საზოგადოება უმნიშვნელოვანესი საკითხის მიმართ ერთიანობას და სოლოდარობის საუკეთესო მაგალითს აჩვენებს.

რიონის ხეობის მოსახლეობა 126 დღეა ნამოხვანჰესის მშენებლობას აპროტესტებს.ისინი მოითხოვენ,კომპანია "ენკამ" დატოვოს ხეობა.