საქართველოში კორონავირუსის 2354 ახალი შემთხვევა გამოვლინდა.
ბოლო 24 საათში ჩატარებული კვლევა ტესტით – 22875, მათ შორის ანტიგენის სწრაფი ტესტით – 12208, PCR ტესტით – 10667.
ვირუსს 24 საათში კიდევ 60 ადამიანი ემსხვერპლა.
ამავე პერიოდში კორონავირუსისგან კიდევ 5200 პაციენტი გამოჯანმრთელდა.
დადებითობის დღიური მაჩვენებელია– 10,29%, ბოლო 14 დღის – 10,94%, ბოლო 7 დღის – 10,8%.
დღეს ქვეყანაში გამოვლენილი ინფიცირების 2 354 ახალი შემთხვევიდან თბილისში გამოვლენილია 942 შემთხვევა, აჭარა -368, იმერეთი - 316, ქვემო ქართლი - 108, შიდა ქართლი - 108, გურია - 64, სამეგრელო - ზემო სვანეთი - 156, კახეთი - 166, მცხეთა-მთიანეთი - 33, სამცხე-ჯავახეთი -75, რაჭა-ლეჩხუმი და ქვემო სვანეთი -18.
ამ ეტაპზე ინფიცირების მიმდინარე აქტიური შემთხვევა 56 753 საიდანაც: 7 400 ადამიანი მკურნალობს საავადმყოფოში, მათ შორის, თბილისის საავადმყოფოებში - 3 204, აჭარაში - 970, იმერეთში - 1 133.
ამ ეტაპზე მძიმე პაციენტია 1 557 პირი, მათ შორის, თბილისში - 632, აჭარაში - 149, იმერეთში - 349. ხელოვნური სუნთქვის აპარატზე იმყოფება 361 პირი, მათგან თბილისში - 212, აჭარაში - 29, იმერეთში - 37.
3 346 ადამიანი მოთავსებულია კლინიკურ-სასტუმროებში, მათ შორის 1 557 - თბილისში, 1 193 - აჭარაში.
46 007 პირი ვირუსის მკურნალობის კურსს გადის საცხოვრებელ ბინაზე.
საკარანტინე სივრცეებში მოთავსებულია 125 ადამიანი, მათ შორის, თბილისში - 118, ხოლო აჭარაში - 7.
სულ 6 ოქტომბრიდან - 22 აგვისტოს პერიოდში, სახელმწიფო საზღვრიდან საკარანტინე სივრცეებში გადაყვანილია - 25 100 პირი.
ამ ეტაპისთვის თვითიზოლაციაში იმყოფება 55 323 ადამიანი, მათ შორის თბილისში - 29 313, პირი, აჭარაში - 6 137, იმერეთში - 4 824.
23 აგვისტოდან იმერეთში მასობრივი იმუნიზაციის პირველი ცენტრი გაიხსნება. ამის შესახებ იმერეთში სახელმწიფო რწმუნებულმა ზვიად შალამბერიძემ დაავადებათა კონტროლის იმერეთის სამმართველოს ხელმძღვანელთან და ვაქცინაციის პროცესში ჩართულ სამედიცინო დაწესებულებების წარმომადგენლებთან შეხვედრაზე განაცხადა.
მასობრივი იმუნიზაციის ცენტრი ქუთაისის, აკაკი წერეთლის სახელმწიფო უნივერსიტეტის ბაზაზე მოეწყობა და მოსახლეობას საშუალება ექნება რეგისტრაციის გარეშე გაიკეთონ ვაქცინა.
საუნივერსიტეტო სივრცეში მობილიზებული ამცრელი ბრიგადები უზრუნველყოფენ დღიურად 1000-დან 1500 ადამიანამდე აცრას. ადგილზე მისული მოქალაქეებისთვის ვაქცინაცია შესაძლებელია ფაიზერის, სინოვაკისა და სინოფარმის ვაქცინებით.
შეხვედრაზე გუბერნატორმა კოვიდსაწინააღმდეგო ვაქცინით აცრის მნიშვნელობაზე გააკეთა აქცენტი და კოვიდის მართვაში ჩართულ მედპერსონალს კიდევ ერთხელ მადლობა გადაუხადა.
23 აგვისტოს, 10:00 საათიდან ქუთაისის, აკაკი წერეთლის სახელმწიფო უნივერსიტეტში მოსახლეობას ეძლევა საშუალება რეგისტრაციის გარეშე ჩაერთოს ვაქცინაციის პროცესში.
რეგიონში უახლოეს დღეებში კიდევ ერთი მასობრივი იმუნიზაციის ცენტრი ზესტაფონში გაიხსნება.