უკრაინელი ბავშვების დასახმარებლად ბაღდათის მუნიციპალიტეტში საქველმოქმედო ღონისძიება გაიმართა.
რევაზ ლაღიძის სახელობის კულტურის სახლში,
მწერალ ცირა ყურაშვილის და ნინო ჩეხოშვილის საბავშვო ზღაპრების წიგნის, ასევე ნუგზარ ერგემლიძის მოთხრობების კრებულის "მოამინე"- ს წარდგენა მოხდა. საქველმოქმედო ღონისძიებაზე მისულ სტუმრებს საშუალება ჰქონდათ,
ზღაპრების წიგნის ილუსტრაციები დაეთვალიერებინათ და
ნუგზარ ერგემლიძის, ნუგზარ კვაშალის, ზურაბ კობეშავიძის, ზურაბ ცინცქილაძის და ბავშვთა ქორეოგრაფიულ ანსამბლ„როდოპოლისი“- ს შემოქმედებას გაცნობოდნენ.
უკრაინელი ბავშვების დასახმარებლად საქველმოქმედო ღონისძიება, ბაღდათის მუნიციპალიტეტის მერიის კულტურის სამსახურის, კულტურისა და ხელოვნების განვითარების ცენტრის და საქველმოქმედო ორგანიზაცია “ჩეხოს სახლის” ერთობლივი ორგანიზებით გაიმართა.
საღამოზე შემოსული თანხა უკრაინელ ბავშვთა დახმარების ფონდში გადაირიცხება.
ხვალ ქუთაისში, თეთრ ხიდზე უკრაინის ქალაქ ბუჩაში რუსი ოკუპანტების მიერ მოკლულებს სანთლებითა და ყვავილებით პატივს მიაგებენ. ინფორმაციას სოციალურ ქსელში " ერთიანი ნაციონალური მოძრაობის" წევრი,გიგა შუშანია ავრცელებს.
ხსოვნის აქციაზე შეკრებილები რუსების მიერ მოწყობილ გენოციდს დაგმობენ და უკრაინელ ხალხს სოლიდარობას კიდევ ერთხელ გამოუცხადებენ.
"არა გენოციდს!" "არა ძალადობას!" აქცია ამ სლოგანით 20:00 საათზე დაიწყება.
ქალაქ ბუჩაში ამ დროის მონაცემებით,410 მშვიდობიანი მოსახლეა დაღუპული,მათ შორის უმეტესობას ძალადობის და წამების კვალი ეტყობა.
