ქალაქ ქუთაისის მერიას, შპს ,,ქართული ტრადიციები 2011“-სა და ა(ა)იპ ,,კავშირი ქუთაისის ებრაელთა საზოგადოებას“ შორის გაფორმდა ურთიერთშეთანხმების მემორანდუმი. აღნიშნული მემორანდუმის ფარგლებში „ქართული ტრადიციები 2011“ უზრუნველყოფს საფიჩხიის საქალაქო სასაფლაოზე არსებულ ებრაელთა სასაფლაოს ტერიტორიის გაწმენდა -დასუფთავებას.
შპს ,,ქართული ტრადიციები 2011“ -მა მემორანდუმით გათვალისწინებული ვალდებულებების შესრულება უკვე დაიწყო. ამ დროისთვის დაწყებულია ტერიტორიის ეკალ-ბარდებისგან გასუფთავება და მწვანე საფარის მოცელვა. ასევე , ინტენსიურ რეჟიმში მიმდინარეობს ნარჩენების სასაფლაოს ტერიტორიიდან გატანა.
