ქუთაისში, გარე ვაჭრობის მოწესრიგებასთან დაკავშირებით, საგანგებო ღონისძიებები ტარდება. მერიის ზედამხედველობის სამსახურის თანამშრომლებმა, შინაგან საქმეთა სამინისტროს წარმომადგენლებთან ერთად, ჭავჭავაძის გამზირზე, მკაცრი მონიტორინგი დაიწყეს.
ააიპ"სპეც სერვისების" თანამშრომლებმა დაასუფთავეს ჭავჭავაძის გამზირის ორივე მხარე და გარევაჭრობასთან დაკავშირებული ინვენტარისგან გაწმინდეს.
იმ შემთხვევაში, თუ გარემოვაჭრეები კვლავ შეეცდებიან ტროტუარებზე ვაჭრობის გამართვას, მათ დაუწესდებათ საჯარიმო სანქციები.
გარევაჭრობაში ჩართულ მოქალაქეებს ორი თვის წინ ჰქონდათ ინფორმაცია, რომ 15 იანვრიდან სრულიად აიკრძალებოდა აღნიშნული პროცესი.
ამასთან , ადგილობრივი ბაზრებისა და ბაზრობების დირექციებმა მათ სპეციალური საშეღავათო წინადადებები შესთავაზეს. შესაბამისად, თანხმობის შემთხვევაში, სამსახურის გარეშე არავინ დარჩება.
ინტენსიური თოვის და დაბალი ტემპერატურის გამო, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ106 მონაკვეთზე აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
გზის დანარჩენ მონაკვეთზე ავტოტრანსპორტის მოძრაობა თავისუფალია.
ინტენსიური თოვის გამო, შიდასახელმწიფოებრივი მნიშვნელობის ქუთაისი (წყალტუბოს გადასახვევი)-წყალტუბო-ცაგერი-ლენტეხი-ლასდილის საავტომობილო გზის კმ42-კმ125 მონაკვეთზე (ცაგერი-მელე) აკრძალულია მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო კმ88-კმ125 (ლენტეხი-მელე) მონაკვეთზე, ავტოტრანსპორტის მოძრაობა დასაშვებია მოცურების საწინააღმდეგო ჯაჭვების გამოყენებით. ორი და მეტი წამყვანი ხიდის მქონე ავტოტრანსპორტის მოძრაობა თავისუფალია
საავტომობილო გზის კმ1-კმ42 (წყალტუბოს გადასახვევი-ცაგერი) მონაკვეთზე ავტოტრანსპორტის მოძრაობა თავისუფალია.
რთული მეტეოროლოგიური პირობების გამო (ძლიერი ქარი და დაბალი ხილვადობა) შიდასახელმწიფოებრივი მნიშვნელობის კოდა–ფარცხისი–მანგლისი–წალკა-ნინოწმინდის საავტომობილო გზის კმ94-კმ110 (ფარავანის უღელტეხილი) მონაკვეთზე აკრძალულია ყველა სახის ავტოტრანსპორტის მოძრაობა.
