ქუთაისში დავით აღმაშენებლის ხსენების დღისადმი მიძღვნილი ღონისძიებები გაიმართა.
ქუთაისის მერმა იოსებ ხახალეიშვილმა, ადგილობრივი ხელისუფლების და საზოგადოების წარმომადგენლებთან ერთად, გვირგვინით შეამკო დავით აღმაშენებლის ძეგლი , დიდი მეფის ხსოვნას პატივი მიაგეს გელათის მონასტერში, მის საფლავთან.
" დღეს პატივი მივაგეთ უდიდესი ქართველი მეფის ხსოვნას. ქუთაისიდან დაიწყო დავით აღმაშენებელმა საქართველოს გაძლიერება. ქუთაისში, ტრადიციულად, განსაკუთრებულად აღინიშნება ეს დღე.
"დავითობას " გილოცავთ! ძლიერ, დამოუკიდებელ და თავისუფალ საქართველოში ცხოვრებას გისურვებთ!"- განაცხადა იოსებ ხახალეიშვილმა.
" დავითობის" აღსანიშნავად, დღესვე, ქუთაისის ისტორიულ- ეთნოგრაფიულ მუზეუმში რამდენიმე ღონისძიება გაიმართება:
გამოფენა "ძლევაი საკვირველი", პროფესორ ელდარ თავბერიძის საჯარო ლექცია „დავით აღმაშენებელი და ქართული სახელმწიფოებრიობა“,
დოკუმენტური ფილმის „დავით IV - აღმაშენებელის" ჩვენება.
ღონისძიებები კოვიდრეგულაციების დაცვით ტარდება.
იმერეთში სახელმწიფო რწმუნებულმა და ქუთაისის ადგილობრივი ხელისუფლების წარმომადგენლებმა დავით აღმაშენებლის ძეგლი გვირგვინით შეამკეს. ასევე მიმდებარე ტერიტორიაზე გამოფენილი თემატური ფოტო-მასალა დაათვალიერეს.
დღესვე ხელისუფლების წარმომადგენლებმა პატივი მიაგეს გელათის მონასტერში დავით აღმაშენებლის საფლავს.
,, ვულოცავ საქართველოს დავითობას და განსაკუთრებით ქუთაისს. მეფე დავითი ყოველთვის იყო სიმბოლო სიძლიერის და სიმამაცის. ვისურვებდი, რომ ისტორიულ წარსულში ჩვენი ქვეყნის ერთიანობა და სიძლიერე გადმოგვეტანოს დღევანდელ რეალობაში, რამეთუ ერთიანობა და ეროვნული სულისკვეთება არის ერთადერთი გზა იმისკენ, რომ დავიბრუნოთ ჩვენი ქვეყნის მთლიანობა" - ზვიად შალამბერიძე.
,, დღეს პატივი მივაგეთ უდიდესი ქართველი მეფის ხსოვნას. ქუთაისიდან დაიწყო დავით აღმაშენებელმა საქართველოს გაძლიერება. ქუთაისში, ტრადიციულად, განსაკუთრებულად აღინიშნება ეს დღე.
"დავითობას " გილოცავთ! ძლიერ, დამოუკიდებელ და თავისუფალ საქართველოში ცხოვრებას გისურვებთ!" - იოსებ ხახალეიშვილი.
დავითობასთან დაკავშირებით ქუთაისის ისტორიულ-ეთნოგრაფიულ მუზეუმში გამოფენა ,,ძლევაი საკვირველი" მოეწყო. ასევე დაინტერესებულ პირებს ჰქონდათ საშუალება დასწრებოდნენ საჯარო ლექციას ,,დავით აღმაშენებელი და ქართული სახელმწიფოებრიობა".
დავით აღმაშენებლის სახელს ქვეყნის გაერთიანება და აღმშენებლობა, დიდი საბრძოლო გამარჯვებები, ქვეყნის ძლიერების სიმბოლოდ ქცეული დიდგორი უკავშირდება.
ღონისძიებები COVID-19-ის რეგულაციების დაცვით გაიმართა.
