ბაღდათის მუნიციპალიტეტის სოფელ წითელხევში დღეს, აფხაზეთის ომში დაღუპული გმირის ტარიელ კვირიკაშვილის სახელობის ქუჩა გაიხსნა.
სოფელ წითელხევის 33-ქუჩას, სადაც აფხაზეთის ომის გმირი ცხოვრობდა დღეიდან ტარიელ კვირიკაშვილის სახელი მიენიჭა.
ქუჩა სიმბოლურად გმირის დაბადების დღეს გაიხსნა. ტარიელ კვირიკაშვილს 50 წელი შეუსრულდებოდა.
წითელხევში ტარიელ კვირიკაშვილის სახელობის ქუჩის გახსნას, ბაღდათის მუნიციპალიტეტის მერიის განათლების, კულტურისა და სპორტის სამსახურის უფროსი მინდია კიკნაველიძე, კულტურის სამსახურის წარმომადგენლები, საკრებულოს თავმჯდომარე ნოდარ გიორგიძე, საკრებულოს თავმჯდომარის პირველი მოადგილე გურამ კიკნაველიძე, სოფელ წითელხევის საკრებულოს მაჟორიტარი დეპუტატი გია კოტორეიშვილი, საკრებულოს კულტურის, განათლების, სპორტის, ჯანმრთელობის დაცვის, სოციალურ საკითხთა და ახალგაზრდულ საქმეთა კომისიის თავმჯდომარე ირინა ტყეშელაშვილი, ტარიელ კვირიკაშვილის დედა, ოჯახის წევრები და მეგობრები დაესწრნენ.
ტარიელ კვირიკაშვილი 1992 წლის ნოემბერში სოფელ შრომაში, აფხაზ სეპარატისტებთან შეტაკებისას გმირულად დაეცა.
თერჯოლის მუნიციპალიტეტში, სოფელ ზედა სიმონეთში, 2008 წლის აგვისტოს ომში დაღუპული გმირის, ალია ბარდაველიძის სახელობის მემორიალი და რეკრეაციული სივრცე მოეწყო.
იმერეთში სახელმწიფო რწმუნებულმა, ზვიად შალამბერიძემ, მუნიციპალიტეტის მერმა, ლაშა გოგიაშვილმა, საკრებულოს თავმჯდომარემ და ადგილობრივი თვითმმართველობის წარმომადგენლებნა აგვისტოს ომში დაღუპული სამხედრო მოსამსახურის, ალია ბარდაველიძის სახელობის მემორიალი გვირგვინით შეამკეს და დაღუპული გმირის ხსოვნას პატივი მიაგეს.
,, მადლობა ყველა დედას, რომელთა გაზრდილი შვილები შეეწირნენ ჩვენი ქვეყნის ერთიანობას.
მადლობა თქვენ, მებრძოლებო, საკუთარი სიცოცხლის ფასად რომ იცავთ სამშობლოს და ჯეროვნად დგახართ ჩვენი ქვეყნის სადარაჯოზე. ჩვენ ვალდებულები ვართ ,თითოეული გმირის სახელი უკვდავყოთ და მათი გმირობის შესახებ გადავცეთ მომავალ თაობებს. დღევანდელი ღონისძიებით, ჩვენ პატივი მივაგეთ 2008 წლის ომში დაღუპული გმირის ხსოვნას. ვისურვებ, რომ ასეთი მსხვერპლის გაღება არასდროს იყოს საჭირო ჩვენი ქვეყნის უკეთესი მომავლისთვის“ -განაცხადა ზვიად შალამბერიძემ.
"საქართველოს ტერიტორიული ერთიანობისთვის, გმირულად დაღუპული მებრძოლის, ალია ბარდაველიძის სახელის უკვდავსაყოფად და პატივისცემის ნიშნად დღეს, მისივე სახელობის მემორიალი გაიხსნა. ალია ბარდაველიძე 2008 წლის, რუსეთ - საქართველოს აგვისტოს ომში გმირულად დაიღუპა. საკუთარი სიცოცხლე, ქვეყნის ერთიანობასა და მომავალს შესწირა.
მემორიალთან ოჯახის წევრები, ახლობლები და მეგობრები იმყოფებოდნენ, მინდა თითოეულ მათგანს მადლობა გადავუხადო ღირსეული მამულიშვილის აღზრდისთვის. ადგილობრივი ხელისუფლება ყველაფერს გავაკეთებს,რომ ომში დაღუპული გმირების ოჯახის წევრებმა იგრძნოს ყურადღება, ზრუნვა და თანადგომა. დიდება გმირებს, მათ სახელებს, რომელთა ხსოვნა არასოდეს მიეცემა დავიწყებას“.- განაცხადა ლაშა გოგიაშვილმა.
ღონისძიებას საქართველოს თავდაცვის ძალების მე-4 ქვეითი ბრიგადის საარტილერიო დივიზიონის თანამებრძოლები ესწრებოდნენ.
მემორიალისთვის განკუთვნილი ადგილი, ოჯახისა და მოსახლეობის სურვილის შესაბამისად, გმირის საცხოვრებელ სახლთან ახლოს შეირჩა. პროექტის ფარგლებში მოეწყო მემორიალი და მცირე მოსასვენებელი ადგილები.
ლეიტენანტი ,ვახტანგ გორგასლის I ხარისხის ორდენოსანი ალია ბარდაველიძე ცხინვალთან მაშინ, დაეცა როცა რუსმა ჯარისკაცებმა იერიში შანხაის დასახლებაზე მიიტანეს. აგვისტოს ომის მეომარი მუხათგვერდის სასაფლაოზეა დაკრძალული.
