ბაღდათის მუნიციპალიტეტში   დღეს სისხლის უანგარო დონაციის აქცია გაიმართა.

2021 წელს საქართველოში 59 906 ადამიანი გარდაიცვალა, - ამის შესახებ ინფორმაციას საქართველოს სტატისტიკის ეროვნული სამსახური ავრცელებს.

„საქსტატის“ ცნობით, გარდაცვალების მიზეზებს შორის სჭარბობს სისხლის მიმოქცევის სისტემის დაავადებები, რომელზეც მოდის გარდაცვლილთა 37.0 პროცენტი, კორონავირუსით გამოწვეული დაავადება (18.8 პროცენტი) და სიმსივნეები (12.8 პროცენტი).

„ასაკთან მიმართებაში იცვლება გარდაცვალების მიზეზები ძირითადი კლასების მიხედვით. 5 წლამდე ასაკის გარდაცვლილ ბავშვებში დომინირებს პერინატალურ პერიოდში აღმოცენებული დარღვევები. 5-39 წლის ასაკში ჭარბობს ტრავმები, მოწამვლები და გარეგანი მიზეზების ზემოქმედების სხვადასხვა შედეგები, რადგან აღნიშნული ასაკობრივი ჯგუფისათვის შედარებით მაღალია უბედური შემთხვევების ალბათობა, ხოლო 40 წლისა და უფროსი ასაკის მოსახლეობაში გარდაცვალების მიზეზებს შორის 2021 წელს დომინირებს სისხლის მიმოქცევის სისტემის ავადმყოფობები და ახალი კორონავირუსით გამოწვეული დაავადება (COVID-19)“, - ნათქვამია გავრცელებულ ინფორმაციაში.

დღეს ქუთაისში 10 ახალი, თანამედროვე M2 კატეგორიის ავტობუსი წარადგინეს.

პრეზენტაცია  სატრანსპორტო კომპანიის ეზოში გაიმართა და მას იმერეთის გუბერნატორი, ქუთაისის  მერი,საკრებულოს თავმჯდომარე  საქართველოს რეგიონული განვითარებისა და ინფრასტრუქტურის სამინისტროს წარმომადგენლები დაესწრნენ. 

ახალი ავტობუსები  რამდენიმე დღეში დაიწყებს მუშაობას  ქუთაისის რთული რელიეფის მქონე  უბნებში ( გორა, სადგურ რიონის დასახლება, საფიჩხია, გუმათი, ზ. გამსახურდიას  ქუჩა, ავტოქარხნის მარჯვენა დასახლება),  განსაზღვრული სვლა- გეზებით.

მიკროავტობუსები საქართველოს რეგიონების ინტეგრირებული განვითარების პროგრამის ფარგლებში იქნა შეძენილი.მათი ჯამური ღირებულებაა 1 449 380 ლარია.

 

 საჩხერე-ონის საავტომობილო გზის მე-12 კილომეტრზე (სოფელი უზუნთასთან)  მიწა-კლდის მასა ჩამოიშალა, რის გამოც აღნიშნულ მონაკვეთზე, შესაბამისი გაწმენდითი ღონისძიებების გატარებამდე, დროებით აკრძალულია ყველა სახის ავტოტრანსპორტის მოძრაობა.

 აკაკი წერეთლის სახელმწიფო უნივერსიტეტის გუნდმა ,,ქ.ს.უ." მხიარულთა და საზრიანთა კლუბების ჩემპიონატში ,,ქართული ლიგა" გაიმარჯვა. 

 1 ივლისამდე დასავლეთ საქართველოს ცალკეულ რაიონში შენარჩუნებული იქნება ხანმოკლე წვიმა და ელჭექი. ჰაერის ტემპერატურა დაბლობ რაიონებში +22, +27 გრადუსი იქნება. აღმოსავლეთ საქართველოში, ძირითადად ღამისა და საღამოს საათებში, მოსალოდნელია ხანმოკლე წვიმა ელჭექით, ზოგან შესაძლებელია სეტყვა. ჰაერის ტემპერატურა დღის საათებში +27, +32 გრადუსი დაფიქსირდება.