4-6 აპრილს დასავლეთ საქართველოში და აღმოსავლეთ საქართველოს მთიან და მაღალმთიან რაიონებში მოსალოდნელია დროგამოშვებით წვიმა, ზოგან ძლიერი, მაღალმთაში ზოგან თოვლი, შესაძლებელია ნისლი და ქარბუქი, ზღვაზე 3-4 ბალიანი ღელვა.
იქროლებს დასავლეთის მიმართულების ძლიერი ქარი.
მთიან და მაღალმთიან რეგიონებში ჰაერის მაღალი ტემპერატურით გამოწვეულმა ინტერსიურმა თოვლის დნობამ და მოსალოდნელმა თანდართულმა ძლიერმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო მთიან ზონებში ზვავების ფორმირება და მეწყრული პროცესების ჩასახვა - გააქტიურება გამოიწვიოს.
ქუთაისის მერიამ იმ უკრაინელ ბავშვებს უმასპინძლა, რომლებიც საომარი მოქმედებების გამო ახლა მშობლებთან ერთად ქუთაისში იმყოფებიან.
უკრაინელი ბავშვებისთვის ქუთაისის ბოტანიკურ ბაღში გასართობი ღონისძიება მოეწყო.
ქალაქის მერმა იოსებ ხახალეიშვილმა, იმერეთში სახელმწიფო რწმუნებულმა ზვიად შალამბერიძემ, მაჟორიტარმა დეპუტატმა ზაზა ლომინაძემ, საკრებულოს თავმჯდომარემ ირაკლი შენგელიამ პატარა უკრაინელებს სამახსოვრო საჩუქრები გადასცეს, ხოლო მათ მშობლებს კიდევ ერთხელ გამოუცხადეს თანადგომა და მხარდაჭერა.
" უკრაინაში საომარი მდგომარეობის გამო, ბევრი ადამიანი გახდა იძულებული დროებით დაეტოვებინა სამშობლო და თავშესაფარი მოეძებნა. ქუთაისმაც შეიფარა უკრაინის მოქალაქეები. განსაკუთრებულად რთულია ეს ვითარება ბავშვებისთვის. სწორედ ამიტომ, ჩვენ გადავწყვიტეთ მოგვეწვია უკრაინელი ბავშვები ბოტანიკურ ბაღში და მათ ერთი ლამაზი , მხიარული დღე ვაჩუქეთ.
ქუთაისის მერიას, პირადად მე ყოველდღიური ურთიერთობა გვაქვს ამ ოჯახებთან და მაქსიმალურად ვცდილობთ, მოვუგვაროთ ყველა ის საკითხი, რის თაობაზეც მოგვმართავენ.
იმედი მაქვს, ომი უკრაინაში მალე დასრულდება და ისინი სამშობლოში დაბრუნდებიან,"- განაცხადა იოსებ ხახალეიშვილმა.
