მოძრაობამ "დატოვე პარლამენტი ქუთაისში"  მორიგი აქცია გამართა.ამჯერად წევრები პალამენტის ყოფილი შენობის წინ შეიკრიბნენ და ქუთაისიდან საკანონმდებლო ორგანოს დედაქალაქში გადატანა კიდევ ერთხელ გააპროტესტეს.

მოძრაობის წევრები მოუწოდებენ საზოგადოებას, ადგილობრივი თვითმმართველობის არჩევნებში მხარი დაუჭირონ იმ კანდიდატს, რომელიც ღიად დააფიქსირებს საკუთარ პოზიციას ქუთაისის საპარლამენტო ქალაქის სტატუსის შესახებ.

 იმერეთში “საარსებო შემწეობის” მიმღებთა რაოდენობა იზრდება.მონაცემები გამომძიებელ ჟურნალისტთა   გაერთიანებამ (აი,ფაქტი-ifact.ge) მოიძია. ჟურნალისტ შორენა ლაღაძის ავტორობით გამოქვეყნებულ მასალაში ვკითხულობთ, რომ შარშანდელთან შედარებით, წელს დახმარებით 13 ათასით მეტი ადამიანი სარგებლობს.

გლოვის დღესთან დაკავშირებით, ყველა სახელმწიფო უწყების შენობაზე სახელმწიფო დროშა დაეშვა.

საქართველოს მთავრობის განკარგულებით, რომელსაც ხელს პრემიერ-მინისტრი აწერს, 2021 წლის 8 ოქტომბერს, ბათუმში , 26 მაისის ქუჩაზე, საცხოვრებელი კორპუსის ნგრევის შედეგად დაღუპულთა ხსოვნის პატივსაცემად, 11 ოქტომბერი საქართველოში გლოვის დღედ გამოცხადდა.

განკარგულების თანახმად, 12 ოქტომბრის 00:00 საათამდე სახელმწიფო დროშები დაშვებულია საქართველოს მთელს ტერიტორიაზე.

ბათუმში, 26 მაისის ქუჩაზე საცხოვრებელი კორპუსი 8 ოქტომბერს ჩამოინგრა. ნგრევას 9 ადამიანი ემსხვერპლა, მათგან 3 არასრულწლოვანია. შინაგან საქმეთა სამინისტრომ მომხდარ ფაქტზე 3 პირი დააკავა.

ქუთაისში სავაჭრო ცენტრ ,,ქარვასლაში" ევაკუაცია გამოცხადდა. 

სექტემბრიდან 2 ოქტომბრამდე საქართველოში მოსალოდნელია დროგამოშვებით წვიმა, ზოგან ძლიერი, შესაძლებელია ელჭექი, სეტყვა, ნისლი, ქარის გაძლიერება.ინფორმაციას გარემოს ეროვნული სააგენტო ავრცელებს.

აღმოსავლეთ საქართველოში მნიშვნელოვნად დაიკლებს ჰაერის ტემპერატურა, მაღალთიან ზონაში ზოგან შესაძლებელია თოვლი.

გარემოს ეროვნული სააგენტოს ინფორმაციით, მოსალოდნელმა ძლიერმა ნალექებმა შესაძლებელია საქართველოს მდინარეებზე წყლის დონეების მნიშვნელოვანი მატება, ხოლო ქვეყნის მთიან ზონებში მეწყრული პროცესების ჩასახვა - გააქტიურება გამოიწვიოს.