კოლეჯ "მედიკფორტეს" დირექტორი იზა დიაკვნიშვილი ქუთაისის პროკურორებს და მერიის მაღალჩინოსნებს კორუფციაში ადანაშაულებს.
,,ერთიანი ნაციონალური მოძრაობის,,იმერეთის რეგიონალური საბჭოს თავმჯდომარემ თემურ ცამციშვილმა და კოლეჯ "მედიკფორტეს" დირექტორმა იზა დიაკვნიშვილმა ,დასავლეთ საქართველოს საოლქო პტოკურატურასთან ერთობლივი განცხადება გააკეთეს. იზა დიაკვნიშვილი ადგილობრივ თვითმმართველობას მისი საკუთრების მართლსაწინააღმდეგოდ მითვისებაში , პროკურატურას კი გამოძიების ხელოვნურად გაჭიანურებასა და მერიის მაღალჩინოსნებზე ხელის დაფარებაში სდებს ბრალს. დიაკვნიშვილი მოითხოვს, გენერალურმა პროკურატურამ გამოიძიოს პროკურორებისა და მერიის ჩინოვნიკების დანაშაულებრივი ქმედებები.
,,პროკურატურა ცდილობს , რაც საქმის მასალებიდანაც კარგად ჩანს , რომ ხელი დააფაროს ,ქართული ოცნების,, კონკრეტულ ჩინოვნიკებს. აშკარად იკვეთება სისიხლის სამართლის დანაშაული კონკრეტული თანამდებობის პირების მიმართ,რომელთა დავალებით უკანონოდ მოხდა ჯერ საიჯარო ხელშეკრულების გაწყვეტა , შემდეგ შენობის ხელოვნურად,დაბალ ფასად შეფასება და კერძო საკუთრების წართმევა.ამ დრომდე ცდილობენ მთელი ეს ამბავი დააბრალონ ერთ კერძო პირს,რომელსაც შეაფასებინეს აღნიშნული ობიექტი.
მიუხედავად იმისა, რომ არანაირი მოლოდინი არ არსებობს, რომ ესენი საქმეს ლოგიკურ გაგრძელებას მისცემენ, მესაკუთრე და ჩვენც ვაპირებთ სხვა უწყებებსაც მივმართოთ,,-თემურ ცამციშვილი.
