7 მარტს 100 დღე სრულდება, რაც საქართველოში უწყვეტი პროტესტი იმართება. ქუთაისში,მერიის წინ,საღამოს 18:00 საათზე , ტრადიციულად, აქცია იგეგმება.

,,100 დღეა თბილისისა და ქუთაისის რუსთაველზე ისმის ქართველი ხალხის მტკიცე საპროტესტო ხმა:ვითხოვთ ახალ არჩევნებს!თავისუფლება რეჟიმის ტყვეებს! 

ქართველი ხალხის გასამარჯვებლად სიმტკიცე და ერთობა გადამწყვეტი იქნება. 

7 მარტს, ჩვეულ ადგილას (მერიის წინ), 18:00 სთ.-დან გელოდებით ყველას 

საკუთარი უფლებებისთვის,სამართლიანობისთვის,ერთმანეთის სოლიდარობისთვის.,,-წერია ინფორმაციაში. 

დიდთოვლობის შედეგად ხარაგაულის მუნიციპალიტეტში  გადაადგილების პრობლემა 79 სოფელში შეიქმნა.ხარაგაულის მერიის ინფორმაციით, დღეის მდგომარეობით, გასაწმენდია 2 სოფლის ცენტრალური გზა,სადაც სამუშაოები მიმდინარეობს. 

„სტიქიასთან ბრძოლა არ დასრულებულა. ამ ეტაპზე ყველა სამსახურსა და თანამშრომელს მოვუწოდებ, მაქსიმალური ძალისხმევით გააგრძელონ მუშაობა, რათა მოსახლეობას სწრაფად დავუბრუნოთ სტაბილური გარემო.“ – კობა ლურსმანაშვილი,ხარაგაულის მერი.

ხარაგაულში თოვლის საფარმა 2 მეტრს გადააჭარბა. 

ჭიათურაში მაღაროელთა აქცია იმართება.,,ჯორჯიან მანგანეზში,, დასაქმებულები 6 პუნქტიანი გეგმის შესრულებას ითხოვენ. 2024 წლის ნოემბერში მომპოვებელმა კომპანიამ ქალაქში მაღაროები გააჩერა და დასაქმებულებს ჩვეული ანაზღაურების სამოც პროცენტიანი კომპენსაცია დაუნიშნა. კრიზისი სწორედ აქედან დაიწყო.

6 პუნქტიანი გეგმის მიხედვით,მაღაროელები მთავრობასთან შეხვედრას და ქალაქიდან ინვესტორის გასვლას ითხოვენ.მათი მოთხოვნით, მარგანეცის გატანიდან მიღებული შემოსავლის ნაწილით უნდა შეიქმნას ფონდი ჭიათურის მომავალი თაობის განვითარებისათვის. მეოთხე პუნქტის მიხედვით, ქალაქსა და მის მიმდებარე სოფლებში უფასო შიდა მუნიციპალური ტრანსპორტი უნდა დაწესდეს,რომელიც მოემსახურება მოსახლეობას.მაღაროელები მარგანეცის ღია კარიერული წესით მოპოვების მკაცრად გაკონტროლებასა და მოსახლეობისათვის მიყენებული ზიანის სამართლიანად ანაზღაურებასაც ითხოვენ. 

 .

დღეს 14:00 საათზე ბათუმის საქალაქო სასამართლოში გაიმართება მზია ამაღლობელის ბრალდების სისხლის სამართლის საქმის წინასასამართლო პროცესი. 

 საქმეს მოსამართლე, ვიქტორ მეტრეველი განიხილავს. პროცესს ადვოკატების ინფორმაციით, მზია ამაღლობელიც დაესწრება.

აღნიშნულ სხდომაზე სასამართლომ უნდა იმსჯელოს მხარეთა მიერ წარმოდგენილი მტკიცებულებების დასაშვებობის,

აღკვეთი ღონისძიების სახით შეფარდებული პატიმრობის ძალაში დატოვების გადასინჯვის და

საქმის არსებითი განხილვისათვის გადაცემის შესახებ.

ხვალ ჭიათურაში მაღაროელთა მასშტაბური აქცია იგეგმება.

აქცია დღესაც გაიმართა, სადაც პროტესტის მონაწილეებმა თავიანთი მოთხოვნები გააჟღერეს,ხოლო მოგვიანებით წერილობითი სახითაც გაავრცელეს. სულ არის 6 პუნქტი,რომელთა შესრულებასაც დაუყოვნებლივ ითხოვენ. 

,,1. ვითხოვთ შეხვედრას მთავრობასთან!  

2. წავიდეს ინვესტორი! სახელმწიფომ აიღოს პასუხისმგებლობა საწარმოს მუშაობაზე.  

3. მარგანეცის გატანიდან მიღებული შემოსავლის ნაწილით შეიქმნას ფონდი ჭიათურის მომავალი თაობის განვითარებისათვის. არ აქვს მნიშვნელობა, მაღაროში დასაქმებულის შვილი იქნება თუ რიგითი ჭიათურელი – ყველამ თანაბრად უნდა იგრძნოს ეს სიმდიდრე!  

4. ქალაქსა და მის მიმდებარე სოფლებში შეიქმნას უფასო შიდა მუნიციპალური ტრანსპორტი, რომელიც მოემსახურება მოსახლეობას.  

5. დაზარალებული მოსახლეობის მოთხოვნები დაკმაყოფილდეს მათივე სამართლებრივი ინტერესებიდან გამომდინარე. ზარალის დათვლისა და შეფასებისას გათვალისწინებული უნდა იყოს მოსახლეობის ინტერესები, ხოლო მიყენებული ზიანი სამართლიანად ანაზღაურდეს.  

6. ქალაქის ეკოლოგიური პრობლემების გადასაჭრელად მკაცრად გაკონტროლდეს ღია კარიერული წესით მოპოვება. მოპოვება უნდა განხორციელდეს ყველა აპრობირებული წესისა და სტანდარტის დაცვით, ადგილობრივი მოსახლეობის ინტერესების გათვალისწინებით.,,-აცხადებენ აქციის მონაწილეები. 

ლიპყინულის გამო, შიდასახელმწიფოებრივი მნიშვნელობის ქუთაისი(საღორია)-ბაღდათი-აბასთუმანი-ბენარას საავტომობილო გზის კმ1-კმ50 (ქუთაისი-კურორტი საირმე) მონაკვეთზე, დასაშვებია მხოლოდ მაღალი გამავლობის (ორი და მეტი წამყვანი ხიდის მქონე) ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება დროებით შეზღუდულია.

ინფორმაციას საქართველოს საავტომობილო გზების დეპარტამენტი ავრცელებს.