იმერეთში  გზების გაწმენდა გრძელდება. ღამის განმავლობაში 93 ერთეული ტექნიკა მუშაობდა. იმერეღის სამხარეო ადმინისტრაციის ინფორმაციით, ამ დროის მდგომარეობით ჩაკეტილია 40-მდე სოფელი. ელექტრო ენერგია არ მიეწოდება 2470 აბონენტს.  

სალიკვიდაციო სამუშაოებში ჩართულია საგანგებო მართვის სამსახურისა და თავდაცვის ძალები .

იმერეთის რეგიონმა დიდთოვლობით დაზარალებული მოსახლეობის დასახმარებლად 40-მდე ტონა სურსათი და პირველადი მოხმარების პროდუქტები მიიღო.

პრემიერ-მინისტრის ხელმძღვანელობით მოქმედი საკოორდინაციო შტაბის მიერ მიღებული გადაწყვეტილების შესაბამისად, გარემოს დაცვისა და სოფლის მეურნეობის სამინისტროს ორგანიზებით გამოგზავნილი პროდუქტი იმერეთის მხარის ექვსივე მუნიციპალიტეტში განაწილდება და მოსახლეობას გადაეცემა.

ბაღდათის მუნიციპალიტეტში უამინდობით გამოწვეული პრობლემების აღმოსაფხვრელად შესაბამისი ღონისძიებები უწყვეტ რეჟიმში მიმდინარეობს.

ბაღდათის მუნიციპალიტეტის თვითმმართველობა საგანგებო რეჟიმში მუშაობს. შექმნილია სტიქიის სალიკვიდაციო შტაბი. 

მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძე, მერიისა და საკრებულოს წარმომადგენლებთან და ჯართან ერთად, 24 საათიან რეჟიმში ჩართული არიან სამუშაოებში, რათა დროულად მოხდეს დიდთოვლობით გამოწვეული პრობლემების აღმოფხვრა. 

მეორე დღეა მედიკამენტები და საკვები პროდუქტები მიეწოდება მოსახლეობას. იწმინდება გზები. 

ამ დროისათვის ელექტრო ენერგია სრულად მიეწოდება მოსახლეობას, ბუნებრივი აირი არ მიეწოდება 20 აბონენტს. გადაადგილება შეზღუდულია 10 სოფელში.

საქართველოს რკინიგზა გაცნობებთ, რომ ხვალიდან  რეისების აღდგენის შესახებ ინფორმაციას ავრცელებს. თუმცა 1-2.მარტს რამდენიმე მიმართულებით რეისი მაინც უქმდება.

,,1 მარტს შესრულდება შემდეგი რეისები: 

№870/869 თბილისი-ზუგდიდი-თბილისი;

№874 თბილისი-ფოთი.

2 მარტიდან დაიწყებს მოძრაობას: 

№874 /873 თბილისი-ფოთი-თბილისი (ორივე მიმართულება);

ჩვეულ განრიგში ასრულებს რეისებს:

№802/801 თბილისი-ბათუმი-თბილისი;

№804/803 თბილისი-ბათუმი-თბილისი; 

ასევე გაცნობებთ, რომ 1-2 მარტს უამინდობის გამო უქმდება რამდენიმე რესი, კერძოდ: 

№854/853 თბილისი-ოზურგეთი-თბილისი;

№618/617 თბილისი-ბორჯომი-თბილისი;

№686/685 თბილისი-ბორჯომი-თბილისი;

№682/681 ქუთაისი-ბათუმი;

№684/683 ქუთაისი-ბათუმი;

№613/614 ბათუმი-ოზურგეთი; 

აქვე განვმარტავთ, რომ საქართველოს რკინიგზის რეისები ყველა მიმართულებაზე ეტაპობრივად განახლდება. კომპანია ბოდიშს გიხდით შექმნილი დისკომფორტის გამო. გაუქმებული რეისების ბილეთების საფასური სრულად აგინაზღაურდებათ.,,-საქართველოს რკინიგზა. 

ფოტო პირობითია. 

სტიქიის ზონაში აბონენტებისთვის ელექტროენერგიის მიწოდების პროცესი გრძელდება.

გურიაში ადგილობრივ ელექტრიკოსებთან ერთად, საქართველოს ყველა რეგიონიდან ჩასული დამატებითი ბრიგადები საგანგებო რეჟიმში მუშაობას განაგრძობენ.

28 თებერვლის 16:00 საათის მონაცემებით, ოზურეთში ელექტროენერგია შეზღუდვით მიეწოდება 3900 აბონენტს, ლანჩხუთში 780 და ჩოხატაურში 200 აბონენტს. 

საგანგებო რეჟიმში მუშაობა გრძელდება ასევე იმერეთში - ვანში, ხარაგაულში, ზესტაფონში და სამტრედიაში. საერთო ჯანმში, ოთხივე მუნიციპალიტეტში ამ დროისთვის ელექტროენერგია შეზღუდვით მიეწოდება 5 000 მდე აბონენტს.

,,ავარიების ლიკვიდაცია და აბონენტების ენერგომომარაგების აღდგენა ეფექტურად გრძელდება. თუმცა, რაც უფრო მცირდება გათიშულ აბონენტთა რაოდენობა, მით უფრო რთულდება აღდგენითი სამუშაოები, რადგან რჩება რელიეფურად უფრო რთულ ადგილებზე განლაგებული, მაღალმთიანი სოფლები, სადაც თოვლის საფარი კვლავ დიდია და გადაადგილებაც უფრო ჭირს. რა თქმა უნდა ავარიების კერების იდენტიფიცირების და მათი ლიკვიდაციის ტემპი მომდევნო დღეების განმავლობაში შენარჩუნდება. მუშაობა გაგრძელდება იქამდე, სანამ ყველა აბონენტს არ მიეწოდება ელექტროენერგია“ - აცხადებენ ,,ენერგო-პრო ჯორჯიაში“

იმერეთში გარესამყაროს 60 სოფელია მოწყვეტილი. სამხარეო ადმინისტრაციის მიერ მოწოდებული ინფორმაციით, გზებს მთელი ღამის განმავლობაში 94 ერთეული ტექნიკა წმენდდა. წუხელვე გაიხსნა მისასვლელი გზა 45 სოფელში.  დილიდან 150 ერთეული ტექნიკით სამუშაოები ისევ განახლდა.

სალიკვიდაციო სამუშაოებში ჩართულია თავდაცვის სამინისტროს სამხედრო ძალები. ჯარისკაცები და სამხედრო ტექნიკა სხვადასხვა მუნიციპალიტეტებში არიან განაწილებული.

ელექტრო ენერგიის მიწოდების 3000-მდე აბონენტს აღუდგა.

მთამსვლელთა და მოგზაურთა კლუბი ,,თეთნულდი,, დიდთოვლობის შედეგად დაზარალებული ვანის და ბაღდათის მუნიციპალიტეტებში მცხოვრები მოსახლეობისთვის პროდუქტებისა და მედიკამენტების მიწოდებას გეგმავს.

,,გამზადდა ვანი- ბაღდათის მოსახლეობისთვის, 24 ოჯახისთვის პირველადი სურსათი და მედიკამენტები, მათი საჭიროება გასაუბრების დროს გამოიკვეთა.

თანხა შემოვიდა ანგარიშზე სულ 540 ლარი და დღეს დაიხარჯა, სურსათში 365 ლარი, დარჩენილი თანხით შესაძენი იქნება პური, სანთლები საწვავი.

ხვალ კიდე ველოდებით შემდეგი დღისთვის რესურსებს. მადლობა ყველას ნდობისთვის.,,-კლუბი ,,თეთნულდი,,.