ზესტაფონის მუნიციპალიტეტში ,სტიქიის ზონიდან დღეს 51 წლის მამაკაცი გამოიყვანეს, რომელსაც გადაუდებელი სასწრაფო - სამედიცინო დახმარება ესაჭიროებოდა. პაციენტი ჰოსპიტალიზებულია.

სამაშველო ოპერაციაში შსს, თავდაცვის სამინისტროს, საგანგებო სიტუაციების მართვის სამსახურისა და სასწრაფო - სამედიცინო დახმარების ბრიგადები იყო ჩართული. სხვადასხვა უწყების წარმომადგენლებთან ერთად სამაშველო ოპერაციაში ადგილობრივი მოსახლეობაც იღებდა მონაწილეობას. 

სამაშველო ოპერაცია სოფელ წიფლავაკეში განხორციელდა, რომელიც დიდთოვლობის გამო იყო მოწყვეტილი გარე სამყაროს. 

ჭიათურაში საპროტესტო აქცია იმართება.

ისინი ჯორჯიანმანგანეზისგან კრიზისული ვითარებიდან გამოსვლის კონკრეტული გეგმას, საწარმოო პროცესის აღდგენას და ხელფასებს ითხოვენ. ისინი თანაქალაქელებს მოუწოდებენ, აქციებში ჩაერთონ და საკუთარი პრობლემები დააფიქსირონ.

ჭიათურაში 2024 წლის ნოემბერში   მომპოვებელმა კომპანიამ ქალაქში მაღაროები გააჩერა და დასაქმებულებს ჩვეული ანაზღაურების სამოც პროცენტიანი კომპენსაცია დაუნიშნა. თავად კი ქალაქში დაგროვილი მარგანეცის რეზერვებს გატანა განაგრძო და მცირე ზომის შპს-ებს ღია კარიერული წესით მოპოვების უფლება დაუტოვა.

ხარაგაულის მუნიციპალიტეტში   გზების გაწმენდის სამუშაოები გრძელდება. მუნიციპალიტეტის მერიის ინფორმაციით,ამ დროისთვის 79 სოფლიდან მხოლოდ 14 სოფლის ცენტრალური გზა რჩება გასახსნელი. მერის განცხადებით, ხვალ ყველა სოფლის ცენტრალური გზის გაწმენდა დასრულდება. 

პარალელურად,  მუნიციპალიტეტში, ადგილობრივ მოსახლეობის სურსათითა და პირველადი მოხმარების პროდუქტებით მომარაგება  დაიწყო.

პრემიერ-მინისტრის ხელმძღვანელობით მოქმედი საკოორდინაციო შტაბის მიერ მიღებული გადაწყვეტილების შესაბამისად გარემოს დაცვისა და სოფლის მეურნეობის სამინისტროს ორგანიზებით  იმერეთში გამოგზავნილი პროდუქტები მუნიციპალიტეტებში ნაწილდება.

იმერეთში  გზების გაწმენდა გრძელდება. ღამის განმავლობაში 93 ერთეული ტექნიკა მუშაობდა. იმერეღის სამხარეო ადმინისტრაციის ინფორმაციით, ამ დროის მდგომარეობით ჩაკეტილია 40-მდე სოფელი. ელექტრო ენერგია არ მიეწოდება 2470 აბონენტს.  

სალიკვიდაციო სამუშაოებში ჩართულია საგანგებო მართვის სამსახურისა და თავდაცვის ძალები .

იმერეთის რეგიონმა დიდთოვლობით დაზარალებული მოსახლეობის დასახმარებლად 40-მდე ტონა სურსათი და პირველადი მოხმარების პროდუქტები მიიღო.

პრემიერ-მინისტრის ხელმძღვანელობით მოქმედი საკოორდინაციო შტაბის მიერ მიღებული გადაწყვეტილების შესაბამისად, გარემოს დაცვისა და სოფლის მეურნეობის სამინისტროს ორგანიზებით გამოგზავნილი პროდუქტი იმერეთის მხარის ექვსივე მუნიციპალიტეტში განაწილდება და მოსახლეობას გადაეცემა.

ბაღდათის მუნიციპალიტეტში უამინდობით გამოწვეული პრობლემების აღმოსაფხვრელად შესაბამისი ღონისძიებები უწყვეტ რეჟიმში მიმდინარეობს.

ბაღდათის მუნიციპალიტეტის თვითმმართველობა საგანგებო რეჟიმში მუშაობს. შექმნილია სტიქიის სალიკვიდაციო შტაბი. 

მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძე, მერიისა და საკრებულოს წარმომადგენლებთან და ჯართან ერთად, 24 საათიან რეჟიმში ჩართული არიან სამუშაოებში, რათა დროულად მოხდეს დიდთოვლობით გამოწვეული პრობლემების აღმოფხვრა. 

მეორე დღეა მედიკამენტები და საკვები პროდუქტები მიეწოდება მოსახლეობას. იწმინდება გზები. 

ამ დროისათვის ელექტრო ენერგია სრულად მიეწოდება მოსახლეობას, ბუნებრივი აირი არ მიეწოდება 20 აბონენტს. გადაადგილება შეზღუდულია 10 სოფელში.

საქართველოს რკინიგზა გაცნობებთ, რომ ხვალიდან  რეისების აღდგენის შესახებ ინფორმაციას ავრცელებს. თუმცა 1-2.მარტს რამდენიმე მიმართულებით რეისი მაინც უქმდება.

,,1 მარტს შესრულდება შემდეგი რეისები: 

№870/869 თბილისი-ზუგდიდი-თბილისი;

№874 თბილისი-ფოთი.

2 მარტიდან დაიწყებს მოძრაობას: 

№874 /873 თბილისი-ფოთი-თბილისი (ორივე მიმართულება);

ჩვეულ განრიგში ასრულებს რეისებს:

№802/801 თბილისი-ბათუმი-თბილისი;

№804/803 თბილისი-ბათუმი-თბილისი; 

ასევე გაცნობებთ, რომ 1-2 მარტს უამინდობის გამო უქმდება რამდენიმე რესი, კერძოდ: 

№854/853 თბილისი-ოზურგეთი-თბილისი;

№618/617 თბილისი-ბორჯომი-თბილისი;

№686/685 თბილისი-ბორჯომი-თბილისი;

№682/681 ქუთაისი-ბათუმი;

№684/683 ქუთაისი-ბათუმი;

№613/614 ბათუმი-ოზურგეთი; 

აქვე განვმარტავთ, რომ საქართველოს რკინიგზის რეისები ყველა მიმართულებაზე ეტაპობრივად განახლდება. კომპანია ბოდიშს გიხდით შექმნილი დისკომფორტის გამო. გაუქმებული რეისების ბილეთების საფასური სრულად აგინაზღაურდებათ.,,-საქართველოს რკინიგზა. 

ფოტო პირობითია.