ქუთაისის საბავშვო ბაღებში სწავლა შეწყდა. მიზეზი დიდთოვლობა.

,,ქალაქ ქუთაისის ბაგა-ბაღების გაერთიანება გაცნობებთ, რომ 27 და 28 თებერვალს სასწავლო-სააღმზრდელო პროცესი შეჩერდება რთული მეტეოროლოგიური პირობების გამო. საბავშვო ბაღები ფუნქციონირებას განაახლებენ 4 მარტიდან.,, -ქუთაისის ააიპ ბაგა-ბაღების გაერთიანება.

ხარაგაულში  ისევ ძლიერი თოვაა.ს ინტენსივობა გაიზარდა.თოვლის საფარი 120-200 სანტიმეტრს აღწევს. გაძლიერებული ნალექის გამო გადაადგილება მნიშვნელოვნად გართულებულია, მძიმე ტექნიკისთვის.

 გზების გაწმენდაზე 19 ერთეული სპეციალური ტექნიკა მუშაობს. თუმცა, უხვი თოვლის გამო, გუშინ გაწმენდილი მონაკვეთები კვლავ საჭიროებს ტექნიკის ჩართვას.

ხარაგაულის მერიის ინფორმაციით,მთელი ღამის განმავლობაში ინტენსიურად იწმინდებოდა შიდასახელმწიფოებრივი მნიშვნელობის გზები:  ძირულა-ხარაგაული-მოლითი-წიფა და ხარაგაული-კიცხი-ზესტაფონი

,,უხვი ნალექის გამო ამ მონაკვეთებზეც გაწმენდითი სამუშაოები გართულებულია, თუმცა ტექნიკა უწყვეტ რეჟიმში აგრძელებს მუშაობას.

რადგან ხარაგაულის მხრიდან , ვერ მოხერხდა სამუშაოების წარმოება, ტექნიკა მოძრაობს ზესტაფონის მხრიდან და ამწუთებში აქტიურად მიმდინარეობს ხარაგაული-კიცხი-ზესტაფონის მონაკვეთის გაწმენდა.,,-ხარაგაულის მუნიციპალიტეტის მერია.

დასავლეთ საქართველოში ,,ენერგო-პრო ჯორჯია“ საგანგებო რეჟიმში განაგრძობს მუშაობას. 

დღეს, 25 თებერვალს, ქუთაისში, მიტროპოლიტი ნაზარის მარში გაიმართა. მარში, მიტროპოლიტის სახლ-მუზეუმიდან დაიწყო და კოლონადების (ყოფილი სობოროს) გავლით მერიასთან დასრულდა. მარშში მონაწილეობას აქტივისტები, საზოგადოების და სამოქალაქო სექტორის წარმომადგენლები იღებდნენ.

25 თებერვალი საქართველოს ისტორიაში ტრაგიკული დღეა, რადგან სწორედ ამ დღეს, 1921 წელს, თბილისის აღებით რუსეთმა შეწყვიტა საქართველოს დემოკრატიული განვითარება.

მიტროპოლიტი ნაზარი, ერისკაცობაში იოსებ ანდრიას ძე ლეჟავა (დ. 1872 — გ. 1 სექტემბერი, 1924) — ქართველი საეკლესიო მოღვაწე, მიტროპოლიტი. დახვრიტეს ბოლშევიკური რეპრესიების დროს. შერაცხულია წმინდანად.

საქართველოს საავტომობილო გზების დეპარტამენტის ინფორმაციით, ზვავსაშიშროების გამო, შიდასახელმწიფოებრივი მნიშვნელობის ქუთაისი(მოწამეთა)-ტყიბული-ამბროლაურის საავტომობილო გზის კმ44-კმ46 (ნაქერალას უღელტეხილი) მონაკვეთზე, დროებით იზღუდება ყველა სახის ავტოტრანსპორტის მოძრაობა.

 27 თებერვლამდე დასავლეთ საქართველოში შენარჩუნებული იქნება რთული მეტეოროლოგიური პირობები: ნალექი, უმეტესად თოვლის სახით, ზოგან  ძლიერი, ნისლი, ქარბუქი, გზებზე ლიპყინული, ელექტროგადამცემ ხაზებზე შემოყინულობა, გორაკ-ბორცვიან ზონებში შესაძლებელია მეწყრული პროცესების განვითარება.  ქვეყნის მაღალმთიან რაიონებში ნარჩუნდება ზვავსაშიშროება.