საქართველოს საავტომობილო გზების დეპარტამენტის ინფორმაციით, ინტენსიური თოვის გამო, საერთაშორისო მნიშვნელობის სამტრედია-ლანჩხუთი-გრიგოლეთის საავტომობილო გზის კმ16-კმ57 მონაკვეთზე დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.

ბაღდათის მუნიციპალიტეტის მერი კახა ენუქიძე, საკრებულოს თავმჯდომარე ნოდარ გიორგიძესთან ერთად, ტელეკომპანია იმედის გადაცემა ,,პრაიმშოუ“-ს პროექტ "2024 წლის საუკეთესო ბაბუას" გამარჯვებულ ბადრი სახამბერიძეს შეხვდა.

მერმა და საკრებულოს თავმჯდომარემ, ბადრი სახამბერიძეს 2024 წლის საუკეთესო ბაბუას ნომინაციაში გამარჯვება მიულოცეს და მუნიციპალიტეტის წარმოჩენისთვის მადლობის სიგელი გადასცეს.

ქუთაისის მეთოთხმეტე საჯარო სკოლა განცხადებას ავრცელებს 

,,ქუთაისის მეთოთხმეტე საჯარო სკოლა აღჭურვილია როგორც შეგა, ასევე გარე კამერებით. კამერები ერთმანეთსაც აკონტროლებენ ჯვარედინი ხედვით. ვერ იპოვით ეზოში კუთხეს, სადაც არ ჩანხართ.

 23-25 თებერვალს დასავლეთ საქართველოში კვლავ მოსალოდნელია თოვლი, ზოგან ძლიერი. სანაპირო რაიონებში ძლიერი, დროგამოშვებით ძალიან ძლიერი ქარი, ზღვაზე 4-6 ბალიანი შტორმი, კოლხეთის დაბლობზე ღამის საათებში ჰაერის ტემპერატურის -4, -6 გრადუსამდე დაწევა. 

საქართველოს მთიან და მაღალმთიან რაიონებში ზოგან ნისლი, ქარბუქი და ზვავსაშიშროება, საავტომობილო გზებზე ლიპყინული, ელექტროგადამცემ ხაზებზე შემოყინულობა. 

დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა. დაბალი ტემპერატურის გამო, კოლხეთის დაბლობზე შესაძლებელია დაზიანდეს ციტრუსოვანი კულტურები, განსაკუთრებით ლიმონი. (საფრთხის დონე საშუალო).

შინაგან საქმეთა სამინისტროს ცენტრალური კრიმინალური პოლიციის, თბილისის, აჭარის, სამეგრელო-ზემო სვანეთისა და იმერეთის პოლიციის დეპარტამენტების თანამშრომლებმა, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 22 პირი დააკავეს, მათ შორის 12 ნარკორეალიზატორია.

დაკავებულებს შორის არიან, როგორც საქართველოს, ასევე, ბელარუსის, უკრაინის, იორდანიისა და თურქეთის მოქალაქეები.

დანაშაულები 20 წლამდე ან უვადო თავისუფლების აღკვეთას ითვალისწინებს. 

პოლიციამ ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა.

სამართალდამცველებმა ნარკოდანაშაულის ბრალდებით დაკავებული პირების პირადი და საცხოვრებელი სახლების ჩხრეკისას, ასევე, მათ მიერ მითითებული ლოკაციებიდან სხვადასხვა სახის განსაკუთრებით დიდი ოდენობით ნარკოტიკული საშუალებები, მათ შორის „ჰეროინი“, „ბუპრენორფინი“, „ექსტაზი“, „სუბოქსინი“, „მეტადონი“, „ამფეტამინი“, „მეფედრონი“, „ალფა-პვპ“ და „მარიხუანა“ ამოიღეს.

საგამოძიებო მოქმედებების შედეგად, პოლიციის მიერ ნივთმტკიცებად არის ამოღებული სავარაუდოდ, ნარკოტიკების რეალიზაციის შედეგად მიღებული ფული, წებოვანი ლენტები და ელექტრო სასწორები.

დღეს ქუთაისის ცენტრალურ ბაზარში სახალხო პროტესტში ჩართულმა აქტივისტებმა გაზეთ ,,ბათუმელების,, ბეჭდური ვერსია დაარიგეს.

პიარ-აქცია მზია ამაღლობელის მხარდასაჭერად გაიმართა. 

ეს არის  ,,ბათუმელებისა,, და ,,ინდიგოს,, სპეციალური  გამოცემა აქციების დროს დაკავებულების შესახებ .  იდეა ჟურნალისტსა და ,,ბათუმელების,, დამფუძნებელს,მზია ამაღლობელს ეკუთნის, რომელიც დღეს დაპატიმრებულია. 

„ბათუმელების” პირველ ნომერში  12 სინდისის პატიმრის ისტორიაა შეკრებილი.  რედაქციის ინფორმაციით,გაზეთი ამ ფორმითა და  თემით გამოვა იქამდე, სანამ ყველა შემთხვევას არ აღწერს.