ქალები რეჟიმის წინააღმდეგ-ამ სლოგანით დღეს ქუთაისში ქალები მსვლელობას გამართავენ. შეკრება 19:00 საათზე,მესამე სკოლასთან დაიწყება ,ხოლო მსვლელობა რუსთაველის ქუჩისკენ მოეწყობა. 

,,2025 წლის 8 მარტს საქართველოში პირველად ვხვდებით ქალ პოლიტპატიმრებთან ერთად – მზია ამაღლობელი, ავტორიტარული რეჟიმის მსხვერპლი და თავისუფლებისთვის ბრძოლის სიმბოლოა დღეს.  

 დღეს უწყვეტი პროტესტის დაწყებიდან 100 დღრ გავიდა.საპროტესტო აქცია ქუთაისის მერიის წინ გაიმართა.მოეწყო მსვლელობაც სლოგანით ,,სიმტკიცის ასი დღე,,

აქციის მონაწილეების მოთხოვნა უცვლელია-პოლიტპატიმრების გათავისუფლება და ხელახალი არჩევნები .

დღესვე აქციაზე ფოტოხელოვანმა,სამოქალაქო აქტივისტმა გოჩა უგლავამ საკუთარი ფოტონამუშევრები საქველმოქმედო მიზნით,გასაყიდად გამოიტანა.

,,მიღებული შემოსავალი მთლიანად ჩაერიცხება  იმერეთის რეგიონის, კერძოდ ვანის რაიონის სოფ. ბზვანის მკვიდრ ოჯახს, რომლის საცხოვრებელი სახლიც დიდთოვლობამ შეიწირა. ,,-გოჩა უგლავა.

ფოტოსქრინი-,,ქუთაისიპოსტი,,

დღეს 100 დღე სრულდება, რაც საქართველოში უწყვეტი პროტესტი იმართება. ქუთაისში,მერიის წინ,საღამოს 18:00 საათზე , ტრადიციულად, აქცია იგეგმება.

,,100 დღეა თბილისისა და ქუთაისის რუსთაველზე ისმის ქართველი ხალხის მტკიცე საპროტესტო ხმა:ვითხოვთ ახალ არჩევნებს!თავისუფლება რეჟიმის ტყვეებს! 

ქართველი ხალხის გასამარჯვებლად სიმტკიცე და ერთობა გადამწყვეტი იქნება. 

7 მარტს, ჩვეულ ადგილას (მერიის წინ), 18:00 სთ.-დან გელოდებით ყველას საკუთარი უფლებებისთვის,სამართლიანობისთვის,ერთმანეთის სოლიდარობისთვის.,,-წერია ინფორმაციაში. 

პედაგოგი და სამოქალაქო აქტივისტი სოფიო როინიშვილი მეორე სამსახურიდანაც გაათავისუფლეს. ის მუსიკის პედაგოგად წყალტუბოს მუნიციპალიტეტის სოფელ გეგუთის საჯარო სკოლაში მუშაობდა.

,,უკვე მეორე სამსახურდანაც- ნახვამდისო...მეტი დამაჯერებლობისა და მრავალფეროვნებისათვის, ამჯერად ჩაცუცქული მამების განცხადების საფუძველზე. დირექტორს აშანტაჟებდნენ ბავშვების სკოლიდან გაყვანით. კაი ბიჭებმა გადაწყვიტეს ჩემი დღის წესრიგისა და ცხოვრების გაკონტროლება.

რა საცოდავები ხართ თუ ხვდებით, ვინც ამ რეჟიმს ემონებით?! მე, ორი შვილის დედა, რომელიც ორივე სამსახურიდან გამიშვით ისე, რომ საკუთარ სინდისთან წინააღმდეგობაშიც არ მოსულხართ... ვერ წამაქცევთ! ბოლომდე შეგაკვდებით!,,-წერს სოფიო როინიშვილი. 

სოფიო როინიშვილი მანამდე  ქუთაისის მეექვსე საჯარო სკოლიდან, 24 თებერვალს გაათავისუფლეს. 

 შიდასახელმწიფოებრივი მნიშვნელობის ქუთაისი(საღორია)-ბაღდათი-აბასთუმანი-ბენარას საავტომობილო გზის კმ32-კმ47 მონაკვეთის სარეაბილიტაციო სამუშაოების წარმოების პერიოდში, ბაღდათი-კურორტი საირმეს მონაკვეთზე, 2025 წლის 10 მარტიდან 10 აპრილამდე, ავტოტრანსპორტის მოძრაობა ყოველდღიურად შეიზღუდება 10:00 სთ-დან 13:00 სთ-მდე და 15:00 სთ-დან 19:00 სთ-მდე. ხოლო, დღე-ღამის დანარჩენ პერიოდში, ავტოტრანსპორტის მოძრაობა თავისუფალია.

ინფორმაციას საქართველოს საავტომობილო გზების დეპარტამენტი ავრცელებს. 

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, 2025 წლის 01 თებერვლიდან 28 თებერვლის ჩათვლით, უკანონო ტყითსარგებლობის 206 ფაქტი გამოავლინეს. მათ შორის 157 - ხე-ტყის უკანონო მოპოვება-ტრანსპორტირებას ეხება, 49 კი სახერხი საამქროების მიერ ტექნიკური რეგლამენტის დარღვევისა და უკანონო სახერხი საამქროების ფაქტებია. სამართალდარღვევებიდან 14 ფაქტი სისხლის სამართლის დანაშაულის ნიშნებს შეიცავს.  

უკანონო ტყითსარგებლობის ყველაზე მეტი - 99 ფაქტი გამოვლენილია კახეთში. სამცხე-ჯავახეთში დაფიქსირდა 26 სამართალდარღვევა, შიდა ქართლში - 20, სამეგრელო-ზემო სვანეთში - 18, აჭარაში - 14, იმერეთში - 12, ქვემო ქართლში - 11, რაჭა-ლეჩხუმი-ქვემო სვანეთში - 3, გურიაში - 2, მცხეთა-მთიანეთში კი - 1.  

ჯამში ამოღებულია 108 კუბურ მეტრზე მეტი მოცულობის უკანონოდ მოპოვებული ხე-ტყე.

ამავე პერიოდში, ქვეყნის მასშტაბით, დალუქულია 8 ერთეული არარეგისტრირებული სახერხი საამქრო. 

მასალები, შემდგომი რეაგირების მიზნით შესაბამის უწყებებში გადაიგზავნა.

მიმდინარე წლის პირველ ორ თვეში, დეპარტამენტის თანამშრომლებმა, ქვეყნის მასშტაბით, უკანონო ტყითსარგებლობის 359 ფაქტი გამოავლინეს. დალუქულია 11 უკანონო სახერხი საამქრო.