5 საათის მონაცემებით ქუთაისში ხმა  45 %-ზე მეტმა მისცა, რაც 58 851 ამომრჩეველია.2020 წლის არჩევნებზე  აქტივობა  59 940 ამომრჩეველი იყო.

ქუთაისის 59-ე საოლქო საარჩევნო კომისიის თავმჯდომარის ინფორმაციით , დაწერილია 23 საჩივარი.

ქალაქში 152 506 ამომრჩეველია რეგისტრირებული.გახსნილია 72 უბანი,აქედან ერთი სპეცუბანია.

პარტია ,,გახარია საქართველოსთვის,, წარმომადგენლები ქუთაისში ,საარჩევნო უბნებზე არსებულ დარღვევებზე განცხადებას აკეთებენ.  ზაზა თავაძისა და ელეონორა არჩაიას ინფორმაციით, ქუთაისის 71 უბანზე კომისიის წევრებად კანონმდებლობის დარღვევით  დანიშნული ყავთ მერიაში სხვადასხვა პოზიციაზე დასაქმებული პირები, რომლებიც ცდილობენ გავლენა მოახდინონ უბნებზე მისულ ამომრჩევლებზე.

,,ქუთაისის მე-7 უბანიზე  დაფიქსირდა თანხის დარიგება მერიის საჯარო მოხელის - კობა ოდიშარიას მიერ, ასევე საჯარო მოხელე - ივეტა გეგუჩაძე, რომელიც სამსახურებრივად ზედამხდველობას უწევს მე-7 უბნის მაცხოვრებლებს, ბეიჯით დგას საარჩევნო უბანზე და შესულ ამომრჩეველს ხმის მიცემამდე ესაუბრება და ცდილობს მოახდინოს გავლენა მათზე. წარმომდგენლების მოთხოვნის მიუხედავად, რომ საარჩევნო უბნიდან მოხდეს მისი გაძევება, კომისიის თავმჯდომარე გამიზნულად თავს არიდებს მოვალეობის შესრულებას.  

ასევე დარღვევებია გადასატან ყუთთან დაკავშირებით კერძოდ - ზესტაფონის 38-ე საარჩევნო უბანზე გადასატანი საარჩევნო ხმის მიცემისას ამომრჩევლებს არაქვთ ხელი მოწერილი, რითაც არ დასტურდება ამომრჩეველმა მისცა ხმა თუ არა. 

ტყიბულში - პირველ უბანზე 100-100 ლარს არიგებენ. ⁠,,-აცხადებს ზაზა თავაძე, ,,გახარია საქართველოსთვის,,პოლიტსაბჭოს წევრი,იმერეთის კოორდინატორი. 

ქუთაისში 15:00 საათის მონაცემებით, არჩევანი 56 312-მა ამომრჩველმა გააკეთა, რაც # 59-ე საოლქო კომისიის  თავმჯდომარის ინფორმაციით, რეგისტრირებული ამომრჩევლის 37 პროცენტია. წინა არჩევნების დროს  აქტივობა დაბალი იყო და 47 652 ამორმჩეველს შეადგენდა.

ჯამში დაწერილია 20 საჩივარი, უმეტესობა პროცედურული ხასიათისაა.

,,ერთიანობა- ნაციონალური მოძრაობის,, წარმომადგენელმა ხატია დეკანოიძემ ქუთაისში,უბნებში მიმდინარე დარღვევებზე ისაუბრა.მისითქმით იმ უბანზე,სადაც ხმა თავად  მისცა,მათ მანქანას თავს დაესხნენ და ფიზიკური დაპირისპირების მცდელობას ქონდა ადგილი.

ხატია დეკანოიძის თქმით, ამ დროისთვის ქუთაისში აქტივობა 19 %-ია. ის მოუწოდებს ამომრჩეველს,მივიდნენ და დააფიქსირონ საკუთარი არჩევანი.

,,35- უბანთან ჩვენმა შტაბის წევრებმა გადაიღეს ,,ქართული ოცნების,, მიერ მობილიზებული კოორდინატორები,რომლებსაც ქონდათ სია და თანხა მითითებული ამ სიებში.მე-16 უბანზე  გამორთეს ის კამერა,რომელიც დამონტაჟებულია ცენტრალური საარჩევნო კომისიის მიერ.მე-18 უბანზე იყო ძალადობრივი ფაქტი.შეურაცხყოფა მიაყენეს ჩვენს დამკვირვებელს.გამოაძევეს ასევე ჩვენი წარმომადგენელი, იქ მოხდა ჩანაცვლება და ახლა ყველაფერი გამოსწორებულია.

38-ე უბანზე უბანზე დამკვირვებლებს და სამოქალაქო სექტორის წარმომადგენლებს შეეზღუდათ დაკვირვების უფლება.ეს იყო რეგისტრატორებთან დაკავშირებული კონფლიქტი.იგივე პრობლემა იყო 19-ე უბანზე.40-ე უბანზე ამომრჩეველმა მოახდინა ფოტოგადაღება კამერაში,რითაც დაირღვა ხმის მიცემის ფარულობა,,-ხატია დეკანოიძე  

ცენტრალური საარჩევნო კომისიის ინფორმაციით, 12:00 საათის მონაცემებით, საარჩევნო უბნებზე 776 726 ამომრჩეველი მივიდა, რაც 22.22%-ს შეადგენს.

რეგიონების მიხედვით აქტივობა ასე გადანაწილდა:

სამეგრელო-ზემო სვანეთი - 72 443; თბილისი 238 992; კახეთი 70 441; მცხეთა-მთიანეთი - 20 903; ქვემო ქართლი - 83 448; შიდა ქართლი - 51 522; სამცხე-ჯავახეთი - 31 651; რაჭა ლეჩხუმი - 9 096; იმერეთი - 113 536; გურია - 21 748; აჭარა - 62 876.

არჩევანი გავაკეთე ომს და მშვიდობას შორის,ხმა მივეცი ჩვენი ქვეყნის ხვალინდელ მომავალს- ამის შესახებ ქუთაისის მერის მოვალეობის შემსრულებელმა განაცხადა.

დავით ერემეიშვილი საარჩევნო უბანზე ოჯახთან ერთად მივიდა.მან ხმა 64-ე უბანზე მისცა.

მისი თქმით,ყველა მოქალაქის ვალია,დააფიქსიროს საკუთარი არჩევანი.