,,ქართული ოცნების“ ინფორმაციით, „ნაციონალური მოძრაობის“ წარმომადგენელმა როლანდ ნუცუბიძემ მათი გუნდის წევრს, ერმილე გიგიაძეს წყალტუბოში, „ქართული ოცნების“ ოფისთან სიტყვიერი შეურაცხყოფა მიაყენა, რის შემდეგაც გიგიაძე, ნერვიულობის ნიადაგზე, ადგილზე გარდაიცვალა.
ინფორმაცია დღევანდელ ბრიფინგზე გივი მიქანაძემ გაავრცელა.
,,ეს არის კიდევ ერთხელ დადასტურება და გამოხატულება იმ ფაშისტური პოლიტიკის და საქმიანობის, რომელსაც ნაციონალური მოძრაობა ეწევა და აგრძელებს ამას თავისი ჩვეული მეთოდებით" - განაცხადა მიქანაძემ.
საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსმა ნიკა ტყემალაძემ იმერეთის რეგიონში ახალი სახელმწიფო რწმუნებული, ლევან ზალკალიანი თანამშრომლებს და ადგილობრივი თვითმმართველობის წარმომადგენლებს წარუდგინა.
რწმუნებულის ადმინისტრაციაში გამართულ შეხვედრაზე ნიკა ტყემალაძემ ლევან ზალკალიანს მომავალ საქმიანობაში წარმატება უსურვა. საუბრისას, ყურადღება გამახვილდა სახელმწიფოსთვის პრიორიტეტული პროექტების განხორციელებაზე.
მთავრობის ადმინისტრაციის რეგიონებთან ურთიერთობის დეპარტამენტის უფროსმა გაწეული საქმიანობისთვის მადლობა გადაუხადა ლევან ზალკალიანის წინამორბედს, ზვიად შალამბერიძეს და წარმატებები უსურვა.
სამომავლო გეგმებზე ისაუბრა და საქართველოს პრემიერ-მინისტრს გამოცხადებული ნდობისთვის მადლობა გადაუხადა ახალმა სახელმწიფო რწმუნებულმა.
საქართველოს მთავრობის ადმინისტრაციის რეგიონებთან ურთიერთობის დეპარტამენტის უფროსმა, ნიკა ტყემალაძემ ადგილობრივი თვითმმართველობის წარმომადგენლებს იმერეთის ახალი სახელმწიფო რწმუნებული წარუდგინა
საქართველოს მთავრობის ადმინისტრაციის რეგიონებთან ურთიერთობის დეპარტამენტის ხელმძღვანელმა, ნიკა ტყემალაძემ იმერეთის რეგიონში ახალი სახელმწიფო რწმუნებული, ლევან ზალკალიანი, რეგიონის მერებს, საკრებულოს თავმჯდომარეებს და თანამშრომლებს რწმუნებულის ადმინისტრაციაში წარუდგინა. ნიკა ტყემალაძემ ლევან ზალკალიანს მომავალ საქმიანობაში წარმატება უსურვა.
წარდგენის დროს ყურადღება გამახვილდა სახელმწიფო პრიორიტეტებით გათვალისწინებულ პროექტებზე.
„იმერეთის რეგიონში მერებს, საკრებულოს თავმჯდომარეებს და ადმინისტრაციის თანამშრომლებს წარვუდგინე სახელმწიფო რწმუნებულის პოზიციაზე ლევან ზალკალიანი, ლევანი იმერეთის მკვიდრია, დაბადებული და გაზრდილია ქუთაისში, მან კარგად იცის იმერეთის მოსახლეობის საჭიროებები, ლევან ზალკალიანს მაღალი პროფესიული კვალიფიკაცია აქვს, კარიერის განმავლობაში იკავებდა სხვადასხვა მაღალ თანამდებობებს, მათ შორის მუშაობდა რაჭა-ლეჩხუმ ქვემო-სვანეთის სახელმწიფო რწმუნებულის მოადგილის პოზიციაზე, ასევე, უკანასკნელ პერიოდში იყო ცაგერის მერი.
დარწმუნებული ვარ მისი საქმიანობა ახალ პოსტზე იქნება ნაყოფიერი. ეფექტურად შეძლებს იმერეთის რეგიონის მოსახლეობისათვის მნიშვნელოვანი და საჭირო საკითხების გადაწყვეტის პროცესის კოორდინაციას ცენტრალურ და ადგილობრივ ხელისუფლებებს შორის,“-განაცხადა ნიკა ტყემალაძემ.
,,პირველ რიგში მინდა მადლობა გადავუხადო საქართველოს მთავრობას და ჩვენს პოლიტიკურ გუნდს, ,,ქართულ ოცნებას” ნდობისთვის და მხარდაჭერისთვის. სრულიად გათავისებული მაქვს ეს უდიდესი პასუხისმგებლობა და ყველანაირად ვეცდებით და მთელი გუნდით გავაგრძელებთ იმ მიმართულებით სვლას, რაც არის ჩვენი ქვეყნისთვის პრიორიტეტი. ეს არის ეროვნული იდენტობა, ეს არის სუვერენიტეტი, ეს არის ჩვენი მოსახლეობის კეთილდღეობაზე ზრუნვა.
რაც შეეხება იმერეთს ვიცნობ თუ არა, რა თქმა უნდა ძალიან კარგად ვიცნობ. ქუთაისში დაბადებული ვარ და როგორც ეს ქალაქი, ასევე მხარე ჩემთვის კარგად ნაცნობია. მე გავეცანი მხარის განვითარების მიმართულებით რა პროექტები ხორციელდება და მინდა აღვნიშნო, რომ ყველა მიმდინარე პროექტი ორიენტირებულია მოსახლეობის საჭიროებებზე. ამისთვის დიდი მადლობა ბატონ ზვიად შალამბერიძეს.
უახლოეს პერიოდში ვაპირებ მუნიციპალიტეტებში გავმართო გასვლითი შეხვედრები და ადგილზე გავეცნო მიმდინარე საკითხებს” - აღნიშნა მედიასთან იმერეთში სახელმწიფო რწმუნებულმა ლევან ზალკალიანმა .
