პოლიტიკა

: პოლიტიკა; 07 ნოემბერი 2022; გადასვლები: 1074

ფლანგვის დეტექტორი ქუთაისის საკრებულოს დეპუტატების მიერ სხდომების გაცდენების შესახებ მონაცემებს აქვეყნებს

ფლანგვის დეტექტორი ქუთაისის საკრებულოში გაცდენების და საწვავის ხარჯის შესახებ ინფორმაციას აქვეყნებს .

ქუთაისის საკრებულო 35 წევრისგან შედგება. იანვარი-ივნისის თვის განმავლობაში ჯამში 8 სხდომა ჩატარდა და სხდომების გაცდენის 66 შემთხვევა დაფიქსირდა.

გაცდენის ყველაზე მაღალი მაჩვენებელი ნაციონალური მოძრაობის წევრს, რომან ქვაჩიკიძეს უფიქსირდება. საკრებულოს 8 სხდომიდან, ის მხოლოდ 1 სხდომას დაესწრო. 6 გაცდენა უფიქსირდება პარტია “საქართველოსთვის” წევრს, გაგა მანაგაძეს. მესამე ადგილს გაცდენების რაოდენობით კი ნაციონალური მოძრაობის წევრი და თანამდებობის პირი ქეთევან ხურციძე იკავებს. ის 8 სხდომიდან მხოლოდ 3 სხდომას დაესწრო. აღსანიშნავია, რომ მისი ყოველთვიური ხელფასი 1980 ლარს შეადგენს.

გაცდენის მაჩვენებლების მიუხედავად, საკრებულოს წევრებმა 131,320 ლარის ღირებულების 39,319 ლიტრი საწვავი დახარჯეს.

: პოლიტიკა; 05 ნოემბერი 2022; გადასვლები: 1121

ქუთაისისთვის ახალ ნაძვის ხეს ღამის შოუ იყიდის-შპს-მ ტენდერი კონკურენტის გარეშე მოიგო

ქუთაისში საახალწლო ნაძვის ხის ტენდერი შპს "ღამის შოუმ" მოიგო. ნაძვის ხის შესაძენად 155 000 ლარიანი ტენდერი იყო გამოცხადებული. "ღამის შოუმ"კონკურენტის გარეშე ,146 000 ლარად მოიგო ტენდერი.

სულ ამ კომპანიას 48 გამარტივებული შესყიდვა აქვს მოგებული ,საერთო ჯამში 1380000 ლარის ღირებულების, ხოლო ტენდერებით 547 000 ლარი.

ინფორმაცია მედიას იმერეთის ანტიკორუფციული მოძრაობის თავმჯდომარემ მიაწოდა.

თემურ ცამციშვილის განცხადებით, ნაძვის ხის ტენდერი მოიგო არაკვალიფიციურმა , "ქართულ ოცნებასა" და სახელისუფლებო მედიასთან დაახლოებულმა ორგანიზაციამ, რაც გონივრულ ეჭვს აჩენს, რომ აღნიშნული ტენდერი კონკრეტულად ამ კომპანიისთვის გამოცხადდა.

: პოლიტიკა; 29 ოქტომბერი 2022; გადასვლები: 1007

ჭავჭავაძის გამზირზე გზა ხელმეორედ კეთდება-ანტიკორუფციული მოძრაობა ბიუჯეტის არამიზნობრივ ხარჯვაზე საუბრობს

ანტიკორუფციული მოძრაობის ინფორმაციით,ქუთაისში, ჭავჭავაძის გამზირზე მიმდინარე სამუშაოები ბიუჯეტის არამიზნობრივი ხარჯვის ნათელი მაგალითია.თემაზე დღეს ანტიკორუფციული მოძრაობის იმერეთის ორგანიზაციის ხელმძღვანელმა ბრიფინგი გამართა.

received 1273115296798693

ადგილი,რომელზეც თემურ ცამციშვილმა ისაუბრა,მოსწავლე ახალაგაზრდობის პარკის წინა ტერიტორიაა, სადაც ქუთაისის მერიის მიერ 768 000 ლარის ინფრასტრუქტურული პროექტი განხორციელდა. მოეწყო საგზაო უსაფრთხოების მარეგულირებელი გზაჯვარედინი და დაიხაზა ქვეითთა გადასასვლელი ბილიკები,თუმცა ტერიტორია ისევ გადათხრილია.ამჯერად სამუშაოებს საგზაო დეპარტამენტი ახორციელებს.

იმერეთის ანტიკორუფციული მოძრაობა ადგილობრივ თვითმმართველობას ბიუჯეტის არამიზნობრივ ხარჯვასა და არაკომპეტენტურობაში ადანაშაულებს.

: პოლიტიკა; 28 ოქტომბერი 2022; გადასვლები: 869

საკრებულოში შეიქმნას დროებითი ანტიკორუფციული კომისია-ქუთაისის საკრებულოს ოპოზიციონერი წევრი

ქუთაისის საკრებულოს წევრი პარტია "საქართველოსთვის" წარმომადგენელი ელეონორა არჩაია დროებითი ანტიკორუფციული კომისიის შექმნის ინიციატივით გამოდის.არჩაია აღნიშნულთან დაკავშირებით განცხადებას ავრცელებს.

"მოგეხსენებათ, სისტემური კორუფცია არის ინსტიტუციონალური ჩამოშლის ერთ-ერთი მთავარი მიზეზი, რაც მუნიციპალიტეტის მასშტაბით მთელ რიგ პრობლემებს ქმნის, როგორიცაა: უსამართლოდ განაწილებული სოციალური დახმარებები, უხარისხოდ ან დაგვიანებით მიწოდებული მუნიციპალური სერვისები, უხარისხოდ და უსაფრთოხების ნორმების დარღვევით განხორციელებული ინფრასტრუქტურული პროექტები და ასევე სხვა მრავალი პრობლემა.

ყოველივე ზემოაღნიშნულის აღმოფხვრის და/ან პრევენციის მიზნით, საკრებულოს თავჯდომარის სახელზე შევიტანე შემდეგი ინიციატივა:

ადგილობრივ დონეზე, შეიქმნას მაკონტროლებელი რგოლი, რომელიც იმუშავებს ამ მიმართულებით. მოცემულ შემთხვევაში შესაძლებელია საკრებულოში შეიქმნას დროებითი ანტიკორუფციული კომისია. კომისიამ უნდა შეისწავლოს ისეთი საკითხები როგორიცაა: სოციალური დახმარებები, სახელმწიფო შესყიდვები, ადგილობრივების დასაქმება მუნიციპალურ სამსახურებში და ასევე კორუფციის რისკის შემცველი სხვა მიმართულებები.

იმედი მაქვს ჩემი კოლეგები მხარს დაუჭერენ წამოყენებულ ინიციატივას, რაც თავის მხრივ კიდევ ერთი წინ გადადგმული ნაბიჯი იქნება ჩვენი ქალაქისთვის. "-წერს პარტია "საქართველოსთვის" წევრი.

: პოლიტიკა; 27 ოქტომბერი 2022; გადასვლები: 822

იმერეთისა და ქუთაისის პირველი პირები პოლონეთის დელეგაციას შეხვდნენ

იმერეთში სახელმწიფო რწმუნებულმა ზვიად შალამბერიძემ, პირველ მოადგილე ლევან სანიკიძესთან და ქუთაისის მერ იოსებ ხახალეიშვილთან ერთად, პოლონეთის დელეგაციასთან ოფიციალური შეხვედრა გამართა.

მხარეებმა სხვადასხვა მიმართულებით ერთმანეთს ინფორმაცია გაუზიარეს და წარმატებული პროექტების პრაქტიკაზე იმსჯელეს.

ზვიად შალამბერიძემ ევროინტეგრაციის გზაზე მხარდაჭერისთვის პოლონეთის დელეგაციას მადლობა გადაუხადა და აღნიშნა, რომ მათი როლი ამ საქმეში საქართველოსთვის და ქართველი ხალხისთვის უმნიშვნელოვანესია.

შეხვედრაზე ასევე ისაუბრა ევროკავშირის ფინანსურ მხარდაჭერაზე და იმ პროექტებზე, რომლებიც საპილოტე რეგიონების ინტეგრირებული განვითარების პროგრამის ფარგლებში ხორციელდება. რეგიონში ამ მიმართულებით 69 656 927 ლარის ღირებულების ინფრასტრუქტურული პროექტებია დაფინანსებული.

,, ქართულ-პოლონური ურთიერთობის კიდევ ერთი წინ გადადგმული ნაბიჯი არის პოლონეთის პირველი პრეზიდენტის, ვლადისლავ რაჩკევიჩის ძეგლის გახსნა, რომელიც დაიბადა და გაიზარდა ქუთაისში. ჩვენ, დღეს გვსტუმრობენ პოლონეთიდან უმაღლესი ხელისუფლების წარმომადგენლები და სწორედ მათი დახმარებით განვახორციელეთ ეს პროექტი ქუთაისში. გარდა ამისა გვქონდა ოფიციალური შეხვედრა, სადაც გავუზიარეთ ერთმანეთს იმ პროექტების წარმატებული მაგალითები, რომლებსაც ახორციელებს პოლონეთი ევროკავშირის დახმარებით, როგორც იცით, ასევე ევროკავშირის გრანტით ხორციელდება სხვადასხვა პროექტები იმერეთის რეგიონში და ჩვენთვის მათი გამოცდილება ძალიან მნიშვნელოვანია“ - ზვიად შალამბერიძე.

ვიზიტის ფარგლებში საუბარი შეეხო ქუთაისის საერთაშორისო უნივერსიტეტისა და პოლონეთის წამყვანი უნივერსიტეტების სამომავლო ურთიერთთანამშრომლობასაც.

შეხვედრა ა(ა)იპ „იმერეთის დანიშნულების ადგილის მართვის ორგანიზაციაში გაიმართა. დელეგაციის წევრებმა მხარისა და ქალაქის ტურისტული პოტენციალის, არსებული კულტურული ძეგლებისა და ლოკაციების შესახებაც მიიღეს ინფორმაცია.

: პოლიტიკა; 25 ოქტომბერი 2022; გადასვლები: 872

კორუფციული გარიგებების სქემები ხარაგაულში- რაზე საუბრობს ანტიკორუფციული მოძრაობა და ოპოზიცია?

ხარაგაულში კორუფციული გარიგებების სქემებზე იმერეთის ანტიკორუფციული მოძრაობისა და "ერთიანი ნაციონალურ მოძრაობის" წარმომადგენლებმა ბრიფინგი გამართეს.

ხარაგაულის მერი , მერის ძმა, რომელიც საკრებულოს უსაფრთხოების სამსახურის ხელმძღვანელია, ხარაგაულის სოციალური სამსახურის ხელმძღვანელი , კორუფციულ გარიგებებში მონაწილეობენ-აცხადებენ ოპოზიციის წარმომადგენლები.

ხარაგაულის საკრებულოს ნაციონალური მოძრაობის ფრაქციის წევრის თქმით, მერის ძმა ზურაბ ლურსმანაშვილი ,თავისივე კომპანიაში დასაქმებული პეტრე ავალიშვილის საბუთებით, სოფლის პროგრამებით გათვალისწინებულ პროექტებს ახორციელებს. ქეთევან ზუმბაძე ამბობს,რომ პროექტები მუნიციპალიტეტის ბიუჯეტიდან არის დაფინანსებული, მაგრამ სამუშაოები ან დაწყებული არ არის ,ან მიტოვებულია.

ოპოზიციონერების განცხადებით, ხარაგაულის სოციალური სამსახურის ხელმძღვანელი კიაზო გამრეკელაშვილი ასევე სხვისი საბუთებით სოფლის პროექტებს ახორციელებს.

როგორც ანტიკორუფციული მოძრაობის იმერეთის ორგანიზაციის ხელმძღვანელი თემურ ცამციშვილი ამბობს,მათ ასევე შეისწავლეს რამდენიმე სოფელში არსებული წყლის პრობლემა.10 არტეზიული ჭიდან 8 არ ფუნქციონირებს. ათივე ხელშეკრულება გაფორმებულია ერთი და იგივე ინდმეწარმესთან.ბიუჯეტიდან თითოეულ ჭაზე 25 000 ლარია გამოყოფილი.

ანტიკორუფციული მოძრაობისა და ერთიანი ნაციონალური მოძრაობის წარმომადგენლები სამართალდამცველებს მიმართავენ და რეაგირებას მოითხოვენ.

დღის სიახლეები

პოლიტიკის სიახლეები

Search