სოფელ ამაღლების ქართული ოცნების საარჩევნო შტაბის უფროსის, ბესიკ შუბლაძის შპს “20-20”-მა 116,000 ლარი უტენდეროდ, ხოლო 39,500 ლარი უკონკურენტო ტენდერში მიიღო.
შპს “20-20” საჯარო რეესტრში დარეგისტრირდა 2020 წლის 1 აგვისტოს მოქალაქე ბესიკ შუბლაძის მიერ. ბესიკ შუბლაძე არის ვანის მუნიციპალიტეტის სოფ. ამაღლების მკვიდრი, რომელიც აგრეთვე გახლავთ მმართველ პარტიასთან დაახლოებული პირი და მისი აქტიური მხარდამჭერი.
არჩევნების პერიოდში ის ქართული ოცნების ე.წ კოორდინატორის ფუნქციას ასრულებს, ხოლო 2021 წლის ადგილობრივი თვითმმართველობის არჩევნების წინ ის სოფ. ამაღლებაში ქართული ოცნების შტაბს ხელმძღვანელობს.
2021 წლის ადგილობრივი თვითმმართველობის არჩევნების წინ ვანის მერიამ მას ჯამში 80,000 ლარი მისცა, ხოლო 75,500 ლარი 2020 წლის საპარლამენტო არჩევნების წინ, ტენდერის გვერდის ავლით მიიღო.
ბესიკ შუბლაძე წინა წლებში ქართული ოცნების ე.წ. კოორდინატორი იყო, ხოლო 2021 წლიდან საკუთარ სოფელში საარჩევნო შტაბს ხელმძღვანელობს.
ვანის მუნიციპალიტეტის მერია წარსულში არა ერთხელ ყოფილა მმართველ პარტიასთან დაახლოებული პირებისა და ბიზნესმენებისადმი ლოიალურ დამოკიდებულებაში შემჩნეული და დღესაც აგრძელებს მათთვის სასათბურე პირობების შექმნას და საბიუჯეტი სახსრების ტენდერებისა და პირდაპირი შესყიდვის გზით გადაცემას.-ფლანფვის დეტექტორი.ფოტოზე: ქართული ოცნების შტაბის უფროსი ვანში, ბესიკ შუბლაძე და ვანის მერი და კვლავაც მერობის კანდიდატი ქართული ოცნებიდან, ალექსანდრე გოგორიშვილი.ფოტო აღებულია ფლანგვის დეტექტორის ფეისბუქ გვერდიდან.
