თერჯოლაში Covid19-ით 78 წლის მამაკაცი გარდაიცვალა.

როგორც კლინიკა "თერჯოლამედის" დირექტორმა დავით სარიშვილმა განაცხადა, გარდაცვლილი ქუთაისიდან იყო.

ქუთაისის #59-ე საოლქო კომისიის თავმჯდომარე კორონავირუსით დაინფიცირდა.

საარჩევნო ადმინისტრაციის პრესსამსახურის განცხადებით, ავთანდილ ოსეფაიშვილს ვირუსი ორი დღის წინ აღმოაჩნდა, ის კლინიკაში იმყოფება. მისი ჯანმრთელობის  მდგომარეობა დამაკმაყოფილებელია.რაც შეეხება საარჩევნო პროცესს, განმარტავენ, რომ ამ დროისთვის არანაირი შეფერხება არ არსებობს და ყველა პროცედურა ჩვეულ რეჟიმში მიმდონარეობს. თავმჯდომარის მოვალეობას მოადგილე ასრულებს.

კორონავირუსის 1 928 ახალი დადასტურებული შემთხვევიდან 245 იმერეთში დაფიქსირდა.ამის შესახებ უწყებათაშორის საკოორდინაციო საბჭოსთან არსებული საოპერაციო შტაბის უფროსის მოადგილემ, ბერდია სიჭინავამ, მთავრობის ადმინისტრაციაში გამართულ ბრიფინგზე განაცხადა.

ბერდია სიჭინავამ, კოვიდ 19-ის უახლეს სტატისტიკასა და ბოლო 24 საათის განმავლობაში გატარებულ ზომებთან დაკავშირებით ისაუბრა.

 24 საათში გამოჯანმრთელდა 604 ადამიანი და სულ გამოჯანმრთელებულთა რაოდენობა შეადგენს 10 767-ს.

24 საათში 8 ადამიანი გარდაიცვალა და 2020 წლის 26 თებერვლიდან დღემდე, 201 გარდაცვალების 201 შემთხვევა დაფიქსირდა.

,,დღეს გამოვლენილი 1 928 შემთხვევიდან, თბილისში არის - 788, აჭარაში - 551, იმერეთში - 245, ქვემო ქართლში - 87, შიდა ქართლში - 33, გურიაში - 35, სამეგრელოსა და ზემო სვანეთში - 93, კახეთში - 42, მცხეთა-მთიანეთში - 20, სამცხე-ჯავახეთში - 27, რაჭა-ლეჩხუმსა და ქვემო სვანეთში - 7.

დღეის მდგომარეობით, თვითიზოლაციაში იმყოფება 26 533 პირი, საიდანაც თბილისში არის 3 237 ადამიანი, აჭარაში - 10 245, იმერეთში - 3 861,,-განცხადა ბერდია სიჭინავამ.

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი ეკატერინე ტიკარაძე და იმერეთში სახელმწიფო რწმუნებული ზვიად შალამბერიძე, რეგიონში კოვიდკლინიკების წარმომადგენლებს შეხვდნენ. 

,,ევროპული საქართველოს,, ქუთაისის მაჟორიტარი დეპუტატობის კანდიდატს კორონავირუსი დაუდასტურდა.ინფორმაცია ოთარ კახიძემ თავად გაავრცელა.ის მკურნალობის კურსს ქუთაისში გადის და თვითიზოლაციაში იმყოფება.

,,ატარეთ პირბადე და გაუფრთხილდით თქვენ გარშემო მყოფებს, განსაკუთრებით ხანდაზმულებს და ქრონიკული დაავადების მქონე ადამიანებს. 

ქუთაისში საარჩევნო კამპანიას ჩვენი გუნდით ვაგრძელებთ, ჯანდაცვის რეკომენდაციების დაცვით, რაც გავრცელების რისკებს ამცირებს.,,-წერია განცხადებაში, რომელიც ოთარ კახიძის ფეისბუქ გვერდზე გამოქვეყნდა.

კოვიდინფიცირებულთა სამკურნალოდ საწოლფონდის რაოდენობა იმერეთში 45-ით გაიზარდა.ინფორმაცია მედიას იმერეთში სახელმწიფო რწმუნებულმა მიაწოდა.ზვიად შალამბერიძის თქმით, გაიზარდა კოვიდსასტუმროების და ცხელების ცენტრების რაოდენობაც.ამ ეტაპზე 600 პაციენტი საავადმყოფოში მკურნალობს,ხოლო 400-მდე კოვიდსასტუმროებში.მუნიციპალიტეტის მასშტაბით იზოლაციაშია 4000-მდე ადამიანი.

იმერეთში დღეს კორონავირუსის 258 შემთხვევა დადასტურდა.