ბოდიფონტი-სხეულით შექმნილი ქართული ანბანი
კულტურა
გადასვლები: 1157

ქუთაისში, დავით კაკაბაძის სახვითი ხელოვნების გალერეაში ფოტოგამოფენა "ბოდიფონტი" გაიმართა.  

პროექტი  კულტურის პროგრამების ფარგლებში,   ქალაქის მერიამ  დააფინანსა.
გამოფენაზე წარმოდგენილი იყო ტანმოვარჯიშეთა მიერ სხეულით შექმნილი  ქართული ანბანის ფოტოები. 
 
გამოფენის გახსნას  ქუთაისის მერი იოსებ ხახალეიშვილი და ადგილობრივი თვითმმართველობის წარმომადგენლები დაესწრნენ. 
 
პროექტ "ბოდიფონტის' ავტორები არიან პაატა ნემსწვერიძე და დავით აბულაძე.
ქუთაისში კულტურულ-სპორტული ფესტივალი ამერიკის დღე 2022 მიმდინარეობს
კულტურა
გადასვლები: 1094

ფესტივალი  საქართველო-ამერიკის დიპლომატიური ურთიერთობების 30 წლის იუბილეს ეძღვნება. 

 
ფესტივალის ორგანიზატორია "შტატი 51"
მხარდამჭერებია აშშ-ის საელჩო საქართველოში, ქუთაისის მერია,თრეველ ჰაბი "ნომადაო".
 
ქუთაისის ცენტრალურ ბულვარში ჩატარდება ფესტივალი, სადაც წარმოდგენილი იქნება ამერიკული სპორტული და კულტურული აქტივობები ტარდება(კალათბურთი,ამერიკული ფეხბურთი,სამჭიდი,მკლავჭიდი და სხვა)
ღონისძიება ჰიპ-ჰოპ მუსიკით არის გაფორმებული. 
სპორტულ-კულტურული ფესტივალი ამერიკული დღეები 2022 ხვალ ქუთაისში ჩატარდება
კულტურა
გადასვლები: 970

ხვალ,10 დეკემბერს, ქ.ქუთაისის ცენტრალურ ბულვარში ჩატარდება ფესტივალი, სადაც წარმოდგენილი იქნება ამერიკული სპორტული და კულტურული აქტივობები: 
● ამერიკული ფეხბურთი
● ბეისბოლი და სოფთბოლი
● კალათბურთი
● სთრონგმენები
● ქროსფითი
● მკლავჭიდი
● სამჭიდი
● აირსოფთი
● დრამსქული
● ჩერლიდინგი
● ფოვერ ლიფტინგი
● ფრისბი
● მასელ ქარები
● მოტოკლუბი
● გრაფიტი
● კორნ ჰოლი
 
ფესტივალი  საქართველო-ამერიკის დიპლომატიური ურთიერთობების 30 წლის იუბილეს ეძღვნება. 
ტერიტორიაზე  ამერიკული  და ქართული ბრენდების პავილიონები განთავსდება.
მთელი დღის განმავლობაში ღონისძიება გაფრომებული იქნება ჰიფ-ჰოფ მუსიკით, რომელსაც წარმოგვიდგენს არტისტი DJ Grotask.საღამო კი დასრულდება ელექტრონული მუსიკით. დაუკრავენ: Sebi Den და Deme.
 
ფესტივალის ორგანიზატორია "შტატი 51"
მხარდამჭერებია აშშ-ის საელჩო საქართველოში, ქუთაისის მერია,თრეველ ჰაბი "ნომადაო".
 
ღონისძიება 13:00 საათზე დაიწყება. დასწრება თავისუფალია. 
ბაღდათის სახალხო თეატრის დასმა პრემიერა გამართა
კულტურა
გადასვლები: 1023

ცოტნე ჩიქოვანის პიესა "აგიხსნი სიყვარულს" ბაღდათის სახალხო თეატრის სამხატვრო ხელმძღვანელმა გუდუნა სახამბერიძემ დადგა.

 
პრემიერას  ადგილობრივი ხელისუფლების წარმომადგენლები, მოწვეული სტუმრები და თავდ  დრამატურგი ცოტნე ჩიქოვანი დაესწრო.
საახალწლო კონცერტზე მომღერლების ჰონორარისთვის 55 700 ლარი დაიხარჯება
კულტურა
გადასვლები: 1019

31 დეკემბრის ღამეს, ქუთაისის ცენტრალურ მოედანზე საახალწლო კონცერტი გაიმართება. მოსახლეობისთვის ჯგუფე "მგზავრები," "ოჩოს ქოხი", "ჩვენი კვარტეტი" და ი დილა ჯგერნაია იმღერებს. მომღერლების ჰონორარში 55 700 ლარი დაიხარჯება. 

ჯგუფი „მგზავრები” - 42 000 ლარი, „ჩვენი კვარტეტი” - 4 000 ლარი, „ოჩოს ქოხი” - 7 655 ლარი, ინდირა ჯგერნაია - 2 045 ლარი.
 
წელს ქუთაისს ახალი ნაძვის ხე ექნება. შესაძენად ბიუჯეტიდან  146 000 ლარი დაიხარჯა. სად დაიდგმება ახალი ნაძვის ხე,უცნობია. 
 
2023 წელს ქუთაისელი ხელოვანის, არსენ ფოჩხუას ნამუშევრების გამოფენა გაიმართება- კულტურის მინისტრი
კულტურა
გადასვლები: 1055

კულტურის, სპორტისა და ახალგაზრდობის მინისტრი თეა წულუკიანი და იმერეთში სახელმწიფო რწმუნებული ზვიად შალამბერიძე, ქუთაისში არსენ ფოჩხუას ოჯახს ესტუმრნენ. 

 
საქართველოს დამსახურებული არტისტის 200-ზე მეტი ნამუშევარი მისივე სახლში ინახება და მათ ხელოვანის მეუღლე პატრონობს. 
 
ლია ქურციკიძის თქმით, აუცილებელია, რომ მეტმა მოსწავლემ და ახალგაზრდამ იხილოს და ეზიაროს არსენ ფოჩხუას შემოქმედებას. მან მადლობა გადაუხადა თეა წულუკიანს საკითხით დაინტერესებისთვის და ნამუშევრების გამოფენაში დახმარება სთხოვა.
კულტურის მინისტრმა არსენ ფოჩხუას ნამუშევრების გამოფენაში დახმარებისთვის მზადყოფნა გამოხატა და აღნიშნა, რომ  მხატვრის საიუბილეო წელს (2023 წლის 22 აგვისტოს ა. ფოჩხუას დაბადებიდან 100 წელი სრულდება), მოეწყობა გამოფენა და შეიქმნება კატალოგი.
 
აღსანიშნავია, რომ 1996 წლის შემდეგ, საქართველოში მხატვრის ნამუშევრების მასშტაბური პერსონალური გამოფენა არ გამართულა. 
არსენ ფოჩხუა 1923 წელს ქუთაისში დაიბადა. 1944-48 წლებში სწავლობდა კონსერვატორიაში. 
 
1945-82 წლებში მუშაობდა საქართველოს სახელმწიფო სიმფონიურ ორკესტრში და პირველ სამუსიკო სასწავლებელში პედაგოგად. 
 
1946-47 წლებში ლადო გუდიაშვილის მიწვევით არსენ ფოჩხუა მონაწილეობდა ქაშვეთის ტაძრის მოხატვაში დამხმარე მხატვრად.
 
1951 წლიდან არსენ ფოჩხუა, როგორც გრაფიკოსი, მონაწილეობს გამოფენებში, ხოლო 1955 წელს გამოფენაზე პირველად გამოაქვს ბზასა  და სადაფზე ნაკვეთი ნამუშევრები. 
 
1978-82 წლებში მხატვარი მუშაობს ქართულ ბროლზე, თავისეული ჩუქურთმის მისადაგებისა და ღრმა კვეთით მრავალფიგურიანი კომპოზიციების შექმნაზე. ბროლის გაქართულების ეს ექსპერიმენტი წარმატებით განხორციელდა. ასევე აღსანიშნავია მისი მუშაობა ძვალზე (მამონტის ეშვი).
მხატვრის ნამუშევრების გამოფენები ეწყობოდა სხვადასხვა ქვეყანაში, მათ შორის - საფრანგეთში. მას 1982 წელს მიენიჭა  საქართველოს დამსახურებული არტისტის წოდება. 
 
არსენ ფოჩხუას ნამუშევრებია: „მუზა" (1974), „შემოქმედის სამყარო" (1973), „მემატინე" (1965), „ვეფხისტყაოსნის“ ილუსტრაციები (1968-1974), „მუსიკის დაბადება" (1971), ლარნაკები - „საქართველო" (1980), „ჩვენი სამშობლო" (1982) და მრავალი სხვა.
  1. ქუთაისის ოპერის თეატრის რეაბილიტაცია 21 მილიონი ლარი დაჯდება
  2. სცენარების კონკურსი ფორუმ-თეატრისთვის
  3. გალაქტიონ ტაბიძის დაბადებიდან 131 წელი მის მშობლიურ სოფელ ჭყვიშში აღინიშნა
  4. დროში მოგზაურობა-ქუთაისი ფოლკლორულ ფესტივალს მასპინძლობს
მარცხენა ბანერი ნიუსებში

დღის სიახლეები

კონტაქტი

ტელ: +995 558 35 06 15
ელ. ფოსტა: info@act2.ge
© 2020 Act2. ყველა უფლება დაცულია

Search