31 დეკემბრის ღამეს, ქუთაისის ცენტრალურ მოედანზე საახალწლო კონცერტი გაიმართება. მოსახლეობისთვის ჯგუფები "მგზავრები," "ოჩოს ქოხი", "ჩვენი კვარტეტი" და ინდილა ჯგერნაია იმღერებენ. დაუკრავს DJ Zapa .
კონცერტი 21:00 საათზე დაიწყება.
- კულტურა
- გადასვლები: 978
ამ წუთებში ჟურნალისტ ირაკლი მაჩიტაძის სადებიუტო რომანის პრეზენტაცია მიმდინარეობს
ამ წუთებში ჩაის სახლ"ფოე-ფოეში"ირაკლი მაჩიტაძის სადებიუტო რომანის "სიკვდილის ლურჯი ეკრანი" პრეზენტაცია მიმდინარეობს.
რომანში ყველაფერი „პლანეტის ფინანსური თუ პოლიტიკური ცენტრებისგან მოშორებით, იმერეთის ერთ პატარა სოფელში, ერთ უცნაურ კაცთან საუბრის შემდეგ“ იწყება.
ყველას გინახავთ სიკვდილის ლურჯი ეკრანი. უფრო მეტად ცნობილია მისი ინგლისური სახელწოდება BSD (A Blue Screen of Death). ესაა მდგომარეობა, როდესაც კომპიუტერის ოპერაციული სისტემა აპარატული ან პროგრამული შეცდომების შედეგად ვეღარ ფუნქციონირებს, „იჭედება“ და არსებობს ერთადერთი გამოსავალი – კომპიუტერის გადატვირთვა.დაახლოებით ასეთი რამ ემართება რომანის მთავარ გმირს, რომელსაც საოცარი ამბავი გადახდება თავს. ეს სამუდამოდ შეცვლის მის მსოფლმხედველობას და, მისმა თავგადასავალმა, შესაძლოა, უახლოეს მომავალში მსოფლიოც შეცვალოს.
ირაკლი მაჩიტაძე პროფესიით ჟურნალისტია, ცნობილი ქუთაისური რადიოსადგურის, „ძველი ქალაქის“ დამფუძნებელი და ხელმძღვანელი. მედიაში საქმიანობის ოცდაათწლიანი გამოცდილება და თანამედროვე ტექნოლოგიების ღრმა ცოდნა ავტორს საშუალებას აძლევს, დინამიკური, დამაინტრიგებელი ამბავი შესთავაზოს მკითხველს. მისი რომანის გმირები თანამედროვე, ამბიციური და ავანტიურისტული ბუნების ადამიანები არიან.
რომანი ბაკურ სულაკაურის გამომცემლობამ დაბეჭდა.წიგნის რედაქტორია ანა ჭაბაშვილი,დიზაინერი კი ია გაბუნია .
- კულტურა
- გადასვლები: 1091
ქუთაისში მცხოვრები უკრაინელი ბავშვებისთვის ქალთა ფონდ სოხუმის ინიციატივით ნიკოლოზობა აღინიშნა
ქალთა ფონდ „სოხუმის“ ინიციატივით, აკაკი წერეთლის სახელმწიფო უნივერსიტეტის სააქტო დარბაზში, ქუთაისში მცხოვრები უკრაინელი ბავშვებისთვის წმინდა ნიკოლოზის დღე აღინიშნა.
ეს დღე უკრაინაში წინაახალწლო ტრადიციაა, სადაც პატარები საზეიმო განწყობით, წმინდა ნიკოლოზს, ახალი წლის სურვილების ასახდენად, საჩუქრებით და ტკბილეულით ელიან.
ქალთა ფონდ „სოხუმის“ მონაცემთა ბაზაში, დღემდე 393 უკრაინელია, მათ შორის უმრავლესობა ქალი და მცირეწლოვანი ბავშვია.
19 დეკემბერი უკრაინელ ბავშვებს ქალაქის მერმა, იოსებ ხახალეიშვილმა,საკრებულოს თავმჯდომარე ირაკლი შენგელიამ,მაჟორიტარმა დეპუტატმა ზაზა ლომინაძემ და ადგილობრივი ხელისუფლების სხვა წარმომადგენლებმა მიულოცეს.
წმინდა ნიკოლოზის დღისთვის სახელდახელოდ შექმნილი პერფორმანსის შემდეგ, რომელიც უკრაინელებმა უნივერსიტეტის სააქტო დარბაზის სცენაზე შეასრულეს, პატარებს საჩუქრები დაურიგდათ.
ქუთაისის ოპერის თეატრში მელიტონ ბალანჩივაძის სახელობის ახალგაზრდა მუსიკოს-შემსრულებელთა საერთაშორისო კონკურსი გაიხსნა. წელს კონკურსი ქართული საკომპოზიტორო სკოლის და პროფესიული მუსიკალური განმანათლებლობის ერთ-ერთი ფუძემდებლის მელიტონ ბალანჩივაძის დაბადებიდან 160-ე წლისთავს ეძღვნება.
კონკურსი ქუთაისის მერიის მხარდაჭერით ტარდება, დამფუძნებელი და ორგანიზატორია ა(ა)იპ ,,არტ-ლიგა“.
საერთაშორისო კონკურსის გახსნას ქუთაისის ვიცე-მერი დავით ერემიშვილი და ადგილობრივი ხელისუფლების წარმომადგენლები ესწრებოდნენ.
საშემსრულებლო ხელოვნებაში დამკვიდრებულ თანამედროვე ტენდენციებთან მეტად დაახლოების, მსოფლიოს სხვადასხვა ქვეყნების გამოცდილების გაზიარების, კონკურენტული არეალის გააქტიურებისა და გაფართოების მიზნით, 2022 წლის საერთაშორისო კონკურსი მხოლოდ ფორტეპიანოს პროფილით ტარდება.
კონკურსანტებს შეაფასებს კომპეტენტური საერთაშორისო ჟიური.
მელიტონ ბალანჩივაძის სახელობის ახალგაზრდა მუსიკოს-შემსრულებელთა საერთაშორისო კონკურსი 17 დეკემბერს დაიხურება.
"N-ოვაცია 2022" ხვალ გაიხსნება და 19 დეკემბერს დასრულდება.
სასკოლო თეატრალური ფესტივალი, 2009 წლიდან, ქუთაისის მერიის მხარდაჭერით და თანადაფინანსებით იმართება. 2019 წელს ფესტივალს საერთაშორისო სტატუსი მიენიჭა.
წელს ფესტივალში უკრაინა და პოლონეთი მიიღებენ მონაწილეობას. სპექტაკლების ძირითადი ნაწილი მესხიშვილის თეატრში ჩატარდება.
ფესტივალის ხელმძღვანელია მოზარდ მაყურებელთა დამოუკიდებელი ახალგაზრდული თეატრ "მარჯანიშვილელების" დამაარსებელი მარინა მარჯანიშვილი.
ქუთაისში, დავით კაკაბაძის სახვითი ხელოვნების გალერეაში ფოტოგამოფენა "ბოდიფონტი" გაიმართა.
პროექტი კულტურის პროგრამების ფარგლებში, ქალაქის მერიამ დააფინანსა.
გამოფენაზე წარმოდგენილი იყო ტანმოვარჯიშეთა მიერ სხეულით შექმნილი ქართული ანბანის ფოტოები.
გამოფენის გახსნას ქუთაისის მერი იოსებ ხახალეიშვილი და ადგილობრივი თვითმმართველობის წარმომადგენლები დაესწრნენ.
პროექტ "ბოდიფონტის' ავტორები არიან პაატა ნემსწვერიძე და დავით აბულაძე.
დღის სიახლეები
-
თერჯოლის მუნიციპალიტეტში უკანონო თევზჭერის…
გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ბრაკონიერობის წინააღმდეგ ბრძოლის ფარგლებში, ქვემო…
ორშაბათი მაისი 04
In საზოგადოება -
დღეს ქუთაისში ავტომობილების მოძრაობა…
დღეს, ‘’ქუთაისქალაქობის’’ დღესასწაულის ფარგლებში, ქუთაისის მუნიციპალიტეტის მერიის მიერ დაგეგმილია სხვადასხვა სახის აქტივობის ჩატარება. ღონისძიებების შეუფერხებლად…
შაბათი მაისი 02
In საზოგადოება -
დღეს ქუთაისქალაქობაა- რა ღონისძიებები…
ორმაისობა, ანუ ქუთაისქალაქობა ქუთათელ გაენათელი მიტროპოლიტის,მეუფე იოანეს მიერ ქუთაისის დალოცვით დაიწყება. ტრადიციულად, 2 მაისს,სამი ოთარის…
შაბათი მაისი 02
In საზოგადოება -
დროგამოშვებით წვიმა და ელჭექი-2-4…
უახლოეს დღეებში საქართველოში მოსალოდნელია დროგამოშვებით ნალექიანი ამინდი. თბილისში ხანმოკლე წვიმა ელჭექით. ჰაერის ტემპერატურა დღისით +20,…
პარასკევი მაისი 01
In სხვა სიახლეები -
ქუთაისში ტროტუარსა ან ქვეითთა…
დღეიდან, საგზაო მოძრაობის წესებთან დაკავშირებული რიგი საკანონმდებლო ცვლილებები ამოქმედდა. უფრო კონკრეტულად, გაიზარდა სანქციები მათ შორის…
პარასკევი მაისი 01
In საზოგადოება
კონტაქტი
ტელ: +995 558 35 06 15
ელ. ფოსტა: info@act2.ge