დღეს საქართველოში კორონავირუსის 453 შემთხვევა დადასტურდა, მათგან 52 იმერეთში დაფიქსირდა. ყველაზე მეტი შემთხვევა 297 აჭარაში დადასტურდა, თბილისში 87, სამეგრელო ზემო-სვანეთში, გურიასა და შიდა ქართლში 6-6 , ქვემო ქართლში 2 , კახეთში - 3, მცხეთა-მთაიანეთი - 2, სამცხე-ჯავახეთში-1.
კორონავირუსით ინფიცირებული 38 კრიტიკულად მძიმე პაციენტია , აქედან 36 მართვით სუნთქვაზე იმყოფება.
ბოლო 24 საათში კორონავირუსისგან კიდევ 295 პაციენტი განიკურნა და მათი რაოდენობა 3 714-ს შეადგენს
რაც შეეხება გარდაცვლილებს, მათი რაოდენობა 46-მდე გაიზარდა.დღეს 5 პაციენტი დაიღუპა.
ახალ კორონავირუსულ ინფექციას ორი პაციენტის სიცოცხლე ემსხვერპლა. პაციენტები, რომლებიც კორონავირუსთან ერთად, თანმდევი დაავადებების მატარებლები იყვნენ, მკურნალობის კურსს “კლინიკა ბომონდი”-ს კოვიდცენტრში გადიოდნენ.პაციენტებ იმერეთიდან და აჭარიდან იყვნენ.
78 წლის ქალბატონს ორმხრივ მწვანე პნევმონიასთან ერთად, აღენიშნებოდა ქრონიკული უკმარისობა, ჰიდროპერიკარდიუმი და ხორხის სიმსივნე.
რაც შეეხება 72 წლის მამაკაცს, მას ორმხრივი პოლისეგმენტური პნევმონია, სუნთქვის მწვავე უკმარისობა, გულსისხლძარღვთა მწვავე უკმარისობა, კარდიომიოპათია და ორმხრივი ჰიდროთორაქსი აღენიშნებოდა. პაციენტები საავადმყოფოში იდადასტურებული კოვიდ 19-ით 15 და 16 სექტემბერს შემოიყვანეს.
“ ამ დროისთვის კლინიკაში 90 კოვიდდადებით პაციენტს უტარდება მკურნალობის კურსი. გვყავს ორი კრიტიკულად მძიმე პაციენტი. აღნიშნული პაციენტების შემთხვევაში ფატალური შედეგის დადგომა თანმდევმა ქრონიკულმა დაავადებებმა გამოიწვია. მედიკოსების მაქსიმალური მცდელობისა და გატარებული რეანიმაციული ღონისძიებების მიუხედავად, სამწუხაროდ, მათი გადარჩენა ვერ მოხერხდა,”-ამბობს “კლინიკა ბომონდი”-ს კლინიკური მენეჯერი მამია ყიფიანი.
