28 ივლისი  ჰეპატიტთან ბრძოლის  საერთაშორისო დღეა. 2015წლიდან ქვეყანაში ელიმინაციის სახელმწიფო პროგრამა მოქმედებს, რაც ც ჰეპატიტის დიაგნოსტიკას და მკურნალობას  სრულად აფინანსებს. 2019 წლიდან  ქუთაისის საზოგადოებრივი ჯანმრთელობისა და უსაფრთხო გარემოს უზრუნველყოფის ცენტრში ხორციელდება ,,ინტეგრირებული სკრინინგის მუნიციპალური პროგრამა“ რომლის ბიუჯეტი 25 ათას ლარს შეადგენს. პროგრამის ფარგლებში   ოჯახის 20 ექიმი კარდაკარის პრინციპით მოსახლეობის  სწრაფი ტესტირებით სკრინინგს ახორციელებს. 

ბოლო 24 საათში ქვეყნის მასშტაბით ჩატარდა 40 553 კვლევა ტესტით, მათ შორის 23 242 კვლევა ანტიგენის ტესტით და 17 311 PCR ტესტით.

ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 3 141 ახალი დადასტურებული შემთხვევა. ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 410 830-ს.

რაც შეეხება დადებითობის მაჩვენებელს, 28 ივლისის მდგომარეობით, დადებითობის დღიური მაჩვენებელი არის 7.75 %, ბოლო 14 დღის მანძილზე - 6.28 % ხოლო 7 დღის მანძილზე - 6.92 %.

ბოლო 24 საათში ვირუსისგან გამოჯანმრთელდა 1 509 პირი, ხოლო ჯამში გამოჯანმრთელებულთა რაოდენობა გაიზარდა 377 597-მდე.

ბოლო 24 საათში კორონავირუსით გარდაცვალების 20 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 5 751 პირი ემსხვერპლა.

დღეს ქვეყანაში გამოვლენილი ინფიცირების 3 141 ახალი შემთხვევიდან: თბილისში გამოვლენილია 1 648 შემთხვევა, აჭარა - 438, იმერეთი - 270, ქვემო ქართლი - 152, შიდა ქართლი - 132, გურია - 54, სამეგრელო - ზემო სვანეთი - 139, კახეთი - 186, მცხეთა-მთიანეთი -70, სამცხე-ჯავახეთი - 43, რაჭა-ლეჩხუმი და ქვემო სვანეთი - 9.

ამ ეტაპზე ინფიცირების მიმდინარე აქტიური შემთხვევა არის 27 456 საიდანაც: 5 256 ადამიანი მკურნალობს საავადმყოფოში, მათ შორის, თბილისის საავადმყოფოებში - 2 836, აჭარაში - 516, იმერეთში - 660. ამ ეტაპზე მძიმე პაციენტია 1 018 პირი, მათ შორის, თბილისში - 463, აჭარაში - 81, იმერეთში -245. ხელოვნური სუნთქვის აპარატზე იმყოფება 212 პირი, მათგან თბილისში - 162, აჭარაში - 3, იმერეთში - 15. 1 798 ადამიანი მოთავსებულია კლინიკურ-სასტუმროებში, მათ შორის 976 - თბილისში, 504- აჭარაში. 20 402 პირი ვირუსის მკურნალობის კურსს გადის საცხოვრებელ ბინაზე.

საკარანტინე სივრცეებში მოთავსებულია 64 ადამიანი, მათ შორის, თბილისში - 56, ხოლო აჭარაში - 8.

სულ 6 ოქტომბრიდან - 27 ივლისის პერიოდში, სახელმწიფო საზღვრიდან საკარანტინე სივრცეებში გადაყვანილია - 24 978 პირი.

ამ ეტაპისთვის თვითიზოლაციაში იმყოფება 18 470 ადამიანი, მათ შორის თბილისში - 6 523 პირი, აჭარაში - 3 220, იმერეთში - 1 990.

,,მძლავრი იარაღი, რომელიც კოვიდ 19 ის დასამარცხებლად ეფექტურია ,საბედნიეროდ საქართველოს უკვე აქვს . ვაქცინაცია  შეაჩერებს ინფექციას და ახლა ჩატარებული აცრების შედეგად  შემოდგომაზე მდგომარეობა სტაბილური გახდება“-აცხადებს დაავადებათა კონტროლის ეროვნული ცენტრის   იმერეთის სამმართველოს უფროსი გოჩა გიორგიძე.

ამ ეტაპზე იმერეთში ჩატარებულია 34 ათასი აცრა, მათ შორის არიან  ორჯერადად  აცრილებიც.    ასევე მიმდინარობს მუშაობა  რეგიონში ამცრელი  დაწესებულებების  რაოდენობის  ზრდასთან დაკავშირებით, რათა ვაქცინაციის პროცესი  კომფორტულად წარიმართოს.

ბოლო 24 საათის განმავლობაში კლინიკა "ბომონდის" კოვიდ ცენტრში 7 ახალი პაციენტი მოთავსდა და ჯამში მკურნალობის კურსს 46 ადამიანი გადის.    მძიმედ 2 პაციენტის მდგომარეობა  ფასდება.კლინიკა ამ ეტაზე მცირეწლოვან ბავშვებს არ ემსახურება,თუმცა ეპიდვითარების გაუარების გამო  1 აგვისტოდან არასრულწლოვანთა მიღება კვლავ  იგეგმება.

რაც შეეხება ქუთაისის ინფექციურს,კლინიკაში 99 პაციენტი მკურნალობს,მათგან 18 ბავშვია.საავადმყოფოში 6 ადგილია თავისუფალი.

დაავადებათა კონტროლის ეროვნული ცენტრის ხელმძღვანელის განცხადებით, დღეის მდგომარეობით უფრო მეტია ინფიცირებულთა ოდენობა, ვიდრე ეს იყო მაისში, ხოლო დღევანდელი მაჩვენებელი ნოემბრის თვის მაჩვენებლის 50-60%-ია. ამის შესახებ მან უწყებათაშორისი საკოორდინაციო საბჭოს სხდომის დასრულების შემდეგ განაცხადა. „მოგეხსენებათ, ეპიდსიტუაცია მთლიანად მსოფლიოში არაერთგვაროვანია. ბოლო ერთი კვირის განმავლობაში ინფიცირებულთა ოდენობა მატულობს, ასევე, ბოლო ორი კვირის განმავლობაშიც. სამწუხაროდ, სიკვდილობის მაჩვენებელიც მომატებულია. საქართველოში ეპიდსიტუაცია გაუარესებულია. დღეს გვაქვს ახალი 3666 შემთხვევა. სულ ქვეყანაში კი 25 844 აქტიური შემთხვევაა. ბოლო 24 საათში გარდაიცვალა 17 ადამიანი. სიკვდილიანობის პროცენტული მაჩვენებელი კი 1.4.% -ია. ყველა პარამეტრი, ინციდენტობა, დადებითობის მაჩვენებელი, სამწუხაროდ, გაუარესებულია. დადებითობის მაჩვენებელი 6%-ის ფარგლებში მერყეობს. ახლა მეტი გვაქვს ინფიცირება, ვიდრე მაისში, მესამე ტალღის პიკზე გვქონდა და ვართ 50-60 პროცენტამდე, რაც ვიყავით მეორე ტალღის პიკზე, ნოემბრის ბოლოს დეკემბრის დასაწყისში. განსხვავება არის ერთი - დღეს ქვეყანაში ხელმისაწვდომია ვაქცინები“, - განაცხადა გამყრელიძემ.

საქართველოში კორონავირუსის 3666 ახალი შემთხვევა დადასტურდა. დაავადებათა კონტროლის ეროვნული ცენტრის ინფორმაციით, კორონავირუსით კიდევ 17 ადამიანი გარდაიცვალა.

ამავე პერიოდში კორონავირუსისგან 1335 ადამიანი გამოჯანმრთელდა.

ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 407 689-ს.

დადებითობის მაჩვენებელი: დღიური – 8,68%, ბოლო 14 დღის – 6,03%, ბოლო 7 დღის – 6,71%

სულ აცრილია – 418398, დღიურად აცრილია – 13884.