ქუთაისის ინფექციურ საავადმყოფოში კორონავირუსისგან 7 პაციენტი გამოჯანმრთელდა.

კლინიკის სამედიცინო დირექტორის ნოდარ მაღლაფერიძის განცხადებით, ამჟამად, საავადმყოფოში 52 ადამიანი მკურნალობს, მათ შორის 24 ბავშვია.   3-ის პაციენტის მდგომარეობა ა მძიმეა. 21 კოვიდდადებითი სიმპტომურ მკურნალობას გადის და მათი ჯანმრთელობის მდგომარეობა ამ დროისთვის დამაკმაყოფილებელია.  

სახელმწიფო რწმუნებულის ინფორმაციით, სულ იმერეთის მასშტაბით 1768 ტესტი ჩატარდა, საიდანაც კორონავირუსი 27 ადამიანს დაუდასტურდა. ზვიად შალამბერიძის ინფორმაციით, ნაწილი უკვე ცნობილ კლასტერებს უკავშირდება, ნაწილი იყო თვითიზოლაციაში და მათგან ვირუსის გავრცელების საფრთხე არ არსებობს. თუმცა გამოვლინდა კიდევ ახალი კლასტერი, რომლის შესწავლაც მიმდინარეობს. 

ჯამში იმერეთის კლინიკებში 301 პაციენტი მკურნალობს, ხოლო კოვიდმიმღებ სასტუმროში 77 ადამიანია განთავსებული.დღეიდან იმერეთში უსიმპტომო პაციენტებს ბინაზეც უმკურნალებენ.

ბაღდათის მუნიციპალიტეტში კორონავირუსი ერთ-ერთი სახინკლის თანამშრომელს დაუდასტურდა. 41 წლის მამაკაცი სახინკლე ,,საჩვენოში,, ბარმენად მუშაობდა. ვირუსი დაუდგინდა მისი ოჯახის 5 წევრს და  კვების ობიექტის კიდევ  ხუთ თანმშრომელს .ინფორმაციას ადასტურებს ბაღდათის ჯანდაცვის ცენტრის დირექტორი ნატო მაჩიტაძე.მისი თქმით კონტექტების მოძიება მიმდინარეობს, თუმცა ვინაიდან სახინკლეს ყოველდღიურად ბევრი ადამიანი სტუმრობდა, სავარაუდოდ კონტაქტები მრავალრიცხოვანია.

ქუთაისში მესამე სამშობიაროს მედპერსონალმა საპროტესტო აქცია გამართა.50- მდე ადამიანი დღეს სამშობიაროს წინ შეიკრიბა.მათი თქმით სამშობიაროს კოვიდცენტრად გადაკეთება იგეგმება.ადმინისტრაცია პერსონალთან საუბარში ამბობს,რომ გადაწყვეტილება ჯანდაცვის სამინისტრომ მიიღო.მედპერსონალს კოვიდცენტში მუშაობაც შესთავაზეს,შეთავაზებაზე უარის თქმის შემთხვევაში კი უთხრეს,რომ უმუშევრები დარჩებიან.აქციის მონაწილეები ამბობენ, რომ კოვიდპაციენტებთან მუშაობისთვის მზად არ არიან და არც შესაბამისი გადამზადება აქვთ გავლილი

სამშობიაროს ადმინისტრაცია კომენტარს არ აკეთებს.

მესამე სამშობიაროში კოვიდცენტრისთვის საჭირო ინვენტარი შეიტანეს.

კორონავირუსის მზარდი სტატისტიკა და ახალი რეკორდი-დღეს  დადასტურდა 259 ახალი შემთხვევა,ინფიცირებულების რიცხვი4399 გახდა . კვლავ ლიდერობს აჭარა, სადაც  164 ახალი შემთხვევა დაფიქსირდა, თბილისში 43  შემთხვევა, იმერეთში 22 შემთხვევა, აქედან 15 ქუთაისია, ხოლო წყალტუბოს, თერჯოლასა და საჩხერეს თითო ახალი პაციენტი დაემატა, ბაღდათში 2 ახალი შემთხვევა გამოვლინდა. სამეგრელო-ზემო სვანეთში15 , გორში-1, მარნეულში-1, მცხეთაში-1, დაფიქსირდა, ხოლო საზღვარგარეთიდან იმპორტირებულია 5 შემთხვევა.

გამოჯანმრთელებულების რაოდენობა  62-ით გაიზარდა და ჯამში ვირუსი 1705 პაციენტმა დაამარცხა.

იმერეთის მასშტაბით გაკეთებული 1303 ტესტიდან კორონავირუსი 22 ადამიანს დაუდასტურდა. ნაწილი ოქროს ბირჟისა და მაღაზიის კლასტერს მიეკუთნება, თუმცა არის ახალი შემთხვევები, რომელთა პირველწყაროს მოძიება მიმდინარეობს.  იმერთში სახელმწიფო რწმუნებულის ინფორმაციით, დაინფიცირების წყაროების მოკვლევა გრძელდება.

,,ამ 22 შემთხვევიდან ნახევარის პირველწყაროს ვიკვლევთ. საბოლოოდ შეიძლება მივიდეთ რომელიმე უკვე არსებულ კლასტერამდე,მაგრამ დღეის  მონაცემებით ეს ინფორმაცია არ გვაქვს.,,-განაცხადა მედიასთან ზვიად შალამბერიძემ.

კოვიდკლინიკებში 300 ადამიანია მოთავსებული. პარალელურად უსიმპტომო პაციენტები გადაყვანილია კოვიდ სასტუმროში, სადაც 24 ნომრამდე უკვე  დაკავებული. 300 ინფიცირებულიდან 160 იმერეთის მკვიდრია.