“კლინიკა ბომონდი”-ს კოვიდცენტრში მკურნალობის კურსს კორონავირუსით ინფიცირებული 5 ჩვილი გადის. ჩვილებიდან ყველაზე მცირე ასაკის 7 დღის, ხოლო ყველაზე უფროსი ერთი თვის არის. ინფიცირებული ჩვილების ნაწილი კლინიკაში საცხოვრებელი სახლებიდან, ნაწილი კი სხვადასხვა სამედიცინო დაწესებულებიდან შეიყვანეს. ამ დროისათვის პატარების  ჯანმრთელობის მდგომარეობა დამაკმაყოფილებელია.

გასული 24 საათის განმავლობაში კლინიკა 11-მა გამოჯანმრთელებულმა პაციენტმა დატოვა. კოვიდცენტრში მიიღეს ახალი პაციენტებიც-  93 და 95 წლის მამაკაცები , რომელთა ჯანმრთელობის მდგომარეობა მძიმეა. ამ დროისათვის კლინიკაში 129 კოვიდდადებითი პაციენტი რჩება. საერთო ჯამში კი ვირუსი 400-ზე მეტმა ადამიანმა დაამარცხა.

ქუთაისის ინფექციურ კლინიკაში კორონავირუსით ინფიცირებული ორი პაციენტი გარდაიცვალა-81 წლის მამაკაცი და 78 წლის ქალი. პაციენტების მდგომარეობა საავადმყოფოში შეყვანისთანავე მძიმე იყო. კლინიკის სამედიცინო დირექტორის , ნოდარ მაღლაფერიძის განცხადებით, პაციენტებს ვირუსთან ერთად თანმხლები დაავადებები ქონდათ.

"გარდაიცვალა ორი პაციენტი 81 წლის მამაკაცი და 75 წლის ქალი. 81 წლის მამაკაცი კლინიკაში 24 ნოემბერს შემოიყვანეს, მდგომარეობა იყო უკიდურესად მძიმე, რის გამოც მისი გადარჩენა ვერ მოხერხდა. 78 წლის ქალი 10 დღის განავლობაში მკურნალობდა, თუმცა თანმხლები დაავადებების გამო - ორმხრივი პნევმონია ,არტერიული ჰიპერტენზია , მისი მდგომარეობა დამძიმდა და გუშინ გვიან გარდაიცვალა. ამ დროისთვის კლინიკაში გვყავს 80 ინფიცირებული პაციენტი, მათ შორის 3 მძიმე".- აღნიშნა მაღლაფერიძემ.

ქუთაისის საეკლესიო საავადმყოფოში ,,ქსენონი,,101 წლის მოხუცის გამოჯანმრთელებას ელოდებიან.საავადმყოფოს კლინიკური დირექტორის,მაგდა კოსტავას ინფორმაციით,მოხუცის ჯანმრთელობის მდგომარეობა დამაკმაყოფილებელია და მას უახლოეს პერიოდში გაწერენ.

,,ქსენონი,,კოვიდდადებით პაციენტებს 19 სექტემბრიდან იღებს.ამჟამად კლინიკაში 61 ადამიანი მკურნალობს.მათ შორის ყველაზე პატარა თვენახევრის ჩვილია,ხოლო ყველაზე ხანდაზმული 101 წლის ქალბატონი . 

19 სექტემბრიდან დღემდე საეკლესიო საავადმყოფოში 3 პაციენტი გარდაიცვალა.

   ქუთაისის ინფექციურ საავადმყოფოში კორონავირუსით ინფიცირებულ ოთხ კრიტიკულად მძიმე პაციენტს მკურნალობენ. კლინიკაში სულ კოვიდ 19-ის დიაგნოზით 81ადამიანი აგრძელებს მკურნალობას. ინფექციური  დღეს ექვსმა გამოჯანმრთელებულმა პაციენტმა დატოვა.

 კლინიკის სამედიცინო დირექტორის,  ნოდარ მაღლაფერიძის ინფორმაციით, ოთხი კრიტიკულად მძიმე პაციენტი მართვით სუნთქვაზე იმყოფება. მისივე განმარტებით, 15 პაციენტის ჯანმრთელობის მდგომარეობა სტაბილურად მძიმედ ფასდება და ისინი ინტენსიურ განყოფილებაში მკურნალობენ.

 ბოლო 24 საათის განმავლობაში გამოვლენილია ვირუსით ინფიცირების 3 071 ახალი დადასტურებული შემთხვევა.

თბილისში გამოვლენილია 1 314 შემთხვევა, აჭარა - 523, იმერეთი - 264, ქვემო ქართლი - 104, შიდა ქართლი - 44, გურია - 106, სამეგრელო - ზემო სვანეთი - 232, კახეთი - 214, მცხეთა-მთიანეთი - 165, სამცხე-ჯავახეთი - 84, რაჭა-ლეჩხუმი და ქვემო სვანეთი - 21.

უკანასკნელი 24 საათის განმავლობაში  კორონავირუსით გარდაცვალების 34 ახალი შემთხვევა დადასტურდა.

6 145 ადამიანი მკურნალობს საავადმყოფოში, მათ შორის, იმერეთში - 1 241. ამ ეტაპზე მძიმე პაციენტია 886 პირი, აქედან იმერეთში - 214. ხელოვნური სუნთქვის აპარატზე იმერეთში 42ადამიანი იმყოფება.

3 723 ადამიანი მოთავსებულია კოვიდ-სასტუმროში, მათ შორის 262 - იმერეთში. 8 329 პირი ვირუსის მკურნალობს კურსს გადის საცხოვრებელ ბინაზე.

საკარანტინე სივრცეებში მუნიციპალიტეტის მასშტაბით მოთავსებულია 33 ადამიანი.

ამ ეტაპისთვის თვითიზოლაციაში იმერეთში - 4 951 ადამიანი იმყოფება.

 კლინიკა ,,ბომონდის,, კოვიდცენტრში  60 წელს გადაცილებული  პაციენტი გარდაიცვალა. მას ორმხრივი პნევმონია და  ფილტვების 80 პროცენტიანი დაზიანება , ასევე სუნთქვის უკმარისობა და შაქრიანი დიაბეტი ქონდა .

საავადმყოფოში ბოლო  24 საათში 80 წელს გადაცილებული 3 პაციენტი გამოჯანმრთელდა, ჯამში კლინიკა 12 -მა ადამიანმა დატოვა.

,,დღეის მდგომარეობით, 135 კოვიდდადებითი პაციენტი იმყოფება “კლინიკა ბომონდი”-ს კოვიდცენტრში. სასიხარულოა, რომ კლინიკაში ახალი კორონავირუსული ინფექცია ჯამში 400-მა პაციენტმა დაამარცხა. დღეს კიდევ 12 გამოჯანმრთელებული პაციენტის გაწერას ველოდებით. 41 ორსული და მელოგინე გვყავს სამეანო-გინეკოლოგიურ განყოფილებაში. გასული 24 საათის განმავლობაში 6 ორსული დაგვემატა სამეგრელოდან, გურიიდან და იმერეთიდან. ,,-განახცადა მამია ყიფიანმა, ,,ბომონდის,, კლინიკურმა მენეჯერმა 

რაც შეეხება საწოლფონდს, მამია ყიფიანის განცხადებით ,საწოლფონდთან დაკავშირებული პერიოდული ხარვეზები არის,  თუცა საწოლფონდი განახლებადია. ,,გუშინ 12 გავწერეთ, და მივიღეთ 15 პაციენტი. ამ წუთას 2 ადგილია, თუმცა 4 საათიდან გვექნება ადგილები, ველოდებით გაწერას.,,-განაცხადა ,,ბომონდის,, კლინიკურმა მენეჯერმა.