სამტრედიის კლინიკაში დღეს 54 წლის ქალი გარდაიცვალა. პაციენტი ვანის მკვიდრი იყო და ის საავადმყოფოში გუშინ საღამოს, კრიტიკულ მდგომარეობაში შეიყვანეს. შეყვანიდან რამდენიმე საათში კი გარდაცვალება დაფიქსირდა.ქალბატონს თანმხლები ქრონიკული დაავადება ქონდა და  სახლში მკურნალობდა.

სამტრედიის ,,ჯეო ჰოსპიტალსის,,  ადმინისტრაციული დეპარტამენტის მენეჯერის, ლელა ხურციძის ინფორმაციით, ამ დროისთვის კლინიკაში 66 პაციენტი მკურნალობს. სამედიცინო დაწესებულებაში თავისუფალი ადგილები არ არის. რეანიმაციულ განყოფილებაში მოთავსებული  7 პაციენტიდან 4 მართვით სუნთქვაზე იმყოფება.

ჭიათურის კლინიკაში დღეს პაციენტი გარდაიცვალა.75 წლის მამაკაცი სამაგრელოს მკვიდრი იყო. ის საავადმყოფოში  10 დღის წინ შეიყვანეს, მისი მდგომარეობა თავიდან საშუალო სიმძიმით ფასდებოდა, თუმცა  მოგვიანებით პაციენტი დამძიმდა და დღეს გარდაიცვალა.მამაკაცი მართვით სუნთქვაზე იმყოფებოდა.

ამ დროისთვის ჭიათურის კოვიდმიმღებ ცენტრში 33 პაციენტი მკურნალობს. კლინიკის მთავარი ექიმის, დავით ბიწაძის თქმით, მათთან ძირითადად მსუბუქი და საშუალო სიმძიმის პაციენტები იმყოფებიან.ამ დროისთვის სამედიცინო დაწესებულებაში 3 თავისუფალი ადგილია.

 გამოჯანმრთელებულებიდან ყველაზე დიდი ერთი თვის და 5 დღის, ხოლო ყველაზე მცირე ასაკის 16 დღის იყო. ჩვილები სამეგრელოდან, თერჯოლიდან, ზესტაფონიდან და ქუთაისიდან კლინიკაში კოვიდინფიცირებულ დედასთან კონტაქტის გამო შემოიყვანეს. მოგვიანებით კი პატარებს კოვიდ 19 დაუდასტურდათ. ამ დროისთვის კლინიკაში კოვიდდადებითი ერთი-25 დღის ჩვილი რჩება, რომელიც სტაციონარში 4 დღის წინ, ტემპერატურის მიზეზით შემოიყვანეს. ლაბორატორიული კვლევის შედეგს კი ხუთი პატარა ელოდება. გარდა ამისა, დასტაბილურდა კლინიკის სამეანო-გინეკოლოგიურ განყოფილებაში ქედის მუნიციპალიტეტიდან გადმოყვანილი ორსულის მდგომარეობა. 30 კვირის ორსული კლინიკაში სუნთქვის მწვავე უკმარისობით, ტემპერატურის მატებით, კუნთების ძლიერი ტკივილით, ორმხრივი პნევმონიითა და ფილტვის ქსოვილის 70 პროცენტიანი დაზიანებით ათ დეკემბერს შემოვიდა. პაციენტს სასწრაფო საკეისრო კვეთა ჩაუტარდა. ამ ეტაპზე დედაც და ახალშობილიც თავს კარგად გრძნობენ.

ქუთაისის საეკლესიო საავადმყოფოს სტაციონარში ამ დროისთვის 60 კოვიდდადებითი  მკურნალობს. რეანიმაციულ განყოფილებაში მოთავსებულია  8 პაციენტი, რომელთა მდგომარეობაც მძიმეა. ამ დროისთვის კლინიკაში თავისუფალი ადგილები არ არის, თუმცა ეტაპობრივად ხდება პაციენტების მიღება და გაწერა.

ქუთაისის საეკლესიო საავადმყოფო ჰიბრიდული კლინიკის სტატუსს ატარებს .

ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 20 176 კვლევა ტესტით, მათ შორის 12 532 კვლევა ანტიგენის სწრაფი ტესტით და 7 644 PCR ტესტით. ბოლო 24 საათში გამოვლინდა ვირუსით ინფიცირების 3 837 ახალი დადასტურებული შემთხვევა.თბილისში-1 461 შემთხვევა, აჭარა - 263, იმერეთი - 646, ქვემო ქართლი - 245, შიდა ქართლი - 262, გურია - 100, სამეგრელო და ზემო სვანეთი - 404, კახეთი - 254, მცხეთა-მთიანეთი - 90, სამცხე-ჯავახეთი - 86, რაჭა-ლეჩხუმი და ქვემო სვანეთი - 26.

ბოლო 24 საათში ვირუსისგან გამოჯანმრთელდა 3 105 პირი, ხოლო ჯამში გამოჯანმრთელებულთა რაოდენობა გაიზარდა - 164 786-მდე.

ბოლო 24 საათში  44 ადამიანი გარდაიცვალა.

 710 ადამიანი მკურნალობს საავადმყოფოში, მათ შორის, იმერეთში - 1 364. ამ ეტაპზე მძიმე პაციენტია 1 146 პირი, აქედან  იმერეთში - 236.  ხელოვნური სუნთქვის აპარატზე იმყოფება 438 პირი, მათგან იმერეთში - 60.

2 734 ადამიანი მოთავსებულია კლინიკურ-სასტუმროებში, მათ შორის 244 - იმერეთში.

მესამე სამშობიარო სახლი კოვიდმიმღებ ცენტრად 1 ნოემბრიდან გადაკეთდა. საავადმყოფოში ამ დროისთვის 40 საწოლია.

როგორც შპს ,,მესამე სამშობიარო სახლის,, გენერალური დირექტორი,  კოვიდცენტრის ხელმძღვანელი დარეჯან შავაშვილი  ამბობს, ადგილები ყოველთვის დაკავებულია, ეტაპობრივად ხდება პაციენტების მიღება და გაწერა.

სამედიცინო დაწესებულებაში ძირითადად მსუბუქი და საშუალო სიმძიმის პაციენტები მკურნალობენ, მათ შორის არასრულწლოვნები არ არიან.