სასწავლო-სააღმზრდელო პროცესი განახლდა სოფელ ხანის, ფერსათის, როკითისა და დიდველას საბავშვო  ბაღებში. აღსაზრდელებს, პედაგოგებს და მშობლებს,  ახალი სასწავლო წლის დაწყება ბაღდათის მუნიციპალიტეტის საკრებულოს თავმჯდომარემ ნოდარ გიორგიძემ, პირველ მოადგილე გურამ კიკნაველიძესთან, საკრებულოს დეპუტატ ირინა ტყეშელაშვილთან  და ა.ა.ი.პ.  სკოლამდელი და სკოლის გარეშე დაწესებულებათა გაერთიანების  ხელმძღვანელ ნინო რობაქიძესთან ერთად მიულოცა.

 

  სოფელ დიმის ბაღის აღსაზრდელებს სასწავლო-სააღმზრდელო პროცესის დაწყება მიულოცა საკრებულოს თავმჯდომარის მოადგილემ გია სახამბერიძემ.

ქუთაისის აკაკი წერეთლის სახელმწიფო უნივერსიტეტში ახალი სასწავლო წელი დღეს აუდიტორიებში განახლდა.

სწავლის დაწყების საზეიმო ცერემონილაში მონაწილეობა მხარისა და ქალაქის პირველმა პირებმა მიიღეს

მათ უნივერსიტეტის ეზოში შეკრებილ სტუდენტებს  მიმართეს და სასწავლო წლის დაწყება მიულოცეს.

ბაღდათის მუნიციპალიტეტის მერმა კახა ენუქიძემ, პირველ მოადგილე დავით სილაგაძესთან, საკრებულოს თავმჯდომარე ნოდარ გიორგიძესთან ,  მერიისა და საკრებულოს წარმომადგენლებთან ერთად, სასწავლო წლის დაწყება მოსწავლეებს, პედაგოგებს და მშობლებს, მიულოცა.

 

ბაღდათის მერი კახა ენუქიძე დღესვე მშობლიურ სკოლაშიც იმყოფებოდა , სადაც პედაგოგებს და მოსწავლეებს შეხვდა. 

 

"განათლებული თაობა ყოველთვის იყო და რჩება ჩვენი ქვეყნის მთავარ პრიორიტეტად, მინდა ახალი სასწავლო წლის დაწყება მივულოცო პედაგოგებს, მოსწავლეებს და მათ მშობლებს. განსაკუთრებით კი პირველ კლასელებს, რადგან დღეს მათ ცხოვრებაში ახალი ეტაპი დაიწყო."-კახა ენუქიძე.

 

წელს ბაღდათის მუნიციპალიტეტში 198 პირველკლასელია, რომლებსაც სახელმძღვანელოებთნ ერთად ნეთბუქები გადაეცათ.

 

,,ვულოცავ ჩვენს მომავალ თაობას ახალი სასწავლო წლის დაწყებას. განსაკუთრებით ვულოცავ იმერეთში 1100 მოსწავლეს, მათ სრულიად განახლებულ და რეაბილიტირებულ ახალ სკოლებში დაიწყეს წლევანდელი სასწავლო წელი. ჩვენ მოვახერხეთ და იმერეთის რეგიონში 7 ახალი და 42 რეაბილიტირებული სკოლით შევხვდით ახალ სასწავლო წელს, ასევე მიმდინარეობს კიდევ 10 სკოლის სრული რეაბილიტაცია. რა თქმა უნდა პროცესი გრძელდება და თითოეულ მოსწავლეს ექნება მომავალში საშუალება მოწესრიგებულ გარემოში მიიღოს განათლება, იმისათვის, რომ ბევრი მათგანი გახდეს ჩვენი ქვეყნის წარმატებული მოქალაქე”-ზვიად შალამბერიძე.

 

პროექტის ფარგლებში სოფელ ცრაწყაროს სკოლას სრული რეაბილიტაცია ჩაუტარდა. მოეწყო საკლასო ოთახები, დამონტაჟდა გათბობისა და წყალმომარაგების სისტემები, მოწესრიგდა სპორტული მოედნები და ეზოს ტერიტორია. ასევე, სკოლა სრულად ადაპტირდა განსაკუთრებული საჭიროებების მქონე მოსწავლეთათვის.

 

საქართველოს რეგიონული განვითარების და ინფრასტრუქტურის სამინისტროს მუნიციპალური განვითარების ფონდის დაფინანსებით ზესტაფონისა და თერჯოლის მუნიციპალიტეტებში (სოფ: რუფოთი, არგვეთა, ქვედა სიმონეთი, დაბა შორაპანი, მეორე სვირი, ქვედა საზანო, ცხრაწყარო) წელს 7 სკოლის სრული რეაბილიტაცია-მშენებლობა დასრულდა.

 

დღესვე, ახალი სასწავლო წელი განახლებულ გარემოში დაიწყო ტყიბულის #2 საჯარო სკოლის მოსწავლეებმა და პედაგოგებმა. 

 

საქართველოს მუნიციპალური განვითარების ფონდმა სკოლების მშენებლობა-რეაბილიტაციის პროგრამა 2019 წლიდან დაიწყო. ფონდი მხოლოდ იმერეთის რეგიონში საქართველოს მთავრობის დაფინანსებით 84.8 მილიონი ლარის ინვესტიციას ახორციელებს.