წყალტუბოს მუნიციპალიტეტის სოფელ ნამოხვანში,მდინარე რიონში დაკარგული მამაკაცის სამძებრო-სამაშველო სამუშაოები ამ დრომდე გრძელდება.როგორც იმერეთში სახელმწიფო რწმუნებული ამბობს,ძებნის ოპერაციას ხელს კლიმატური პირობები უშლის.
" გრძელდება სამძებრო - სამაშველო სამუშაოები რიონის ხეობაში.მობილიზებულია როგორც ცოცხალი ძალა, ასევე ტექნიკა.თუმცა ხელს უშლის სამძებრო სამუშოებს ის, რომ მდინარე არის ძალიან ადიდებული . ჩვენ სანამ შედეგს არ მივაღწევთ,მანამდე გვაგრძელებთ მუშაობას."-განაცხადა ზვიად შალამბერიძემ.
ახალგაზრდა მამაკაცი მდინარე რიონში 10 აპრილს შევიდა და მას ამ დრომდე უშედეგოდ ეძებენ.ის ნამახვანჰესის მოწინააღმდეგეებთან ერთად ღამეს კარავში ათევდა.
გუმათჰესთან პროტესტი გრძელდება.ადგილზე სამართალდამცველთა დიდი რაოდენობაა მობილიზებული.გზა რიონის ხეობისკენ ისევ გადაკეტილია.გზა დაკეტილი აქვთ ნაახვანჰესის მოწინააღმდეგეებსაც.
ადგილზე პოლიციელებსა და ჰესის მოწინააღმდეგეთა შორის ვითარება რამდენჯერმე დაიძაბა.
"არის ადგილი, სადაც შეგვიძლია გადავიტანოთ კარვები ნამოხვანში,მაგრამ ამის უფლებასაც არ გვაძევლევენ.საფუძველი არის,რომ აგვყარონ ნამოხვანიდან.ახსნა განმატებებსაც არ გვიკეთებენ. ჩვენ აღარ ვიშლებით, ვრჩებით აქ გუმათჰესთან.ბრძოლის ხაზი გადის აქ.ვრჩებით აქ და გელოდებით ყველას."-განაცხადა ვარლამ გოლეთიანმა,"რიონის ხეობის მცველმა"
აქციის მონაწილეები თვლიან,რომ მათ გამოხატვის თავისუფლება ეზღუდებათ.
სამხარეო პოლიციის უფროსის განცხადებით, ნამოხვანში კარვები აღებულია,დასაწყობებულია და მოხდება აქტივისტებისთვის მისი გადაცემა.კარვების გაშლის ალეტრანტიულ ადგილად კი სულხან თამაზაშვილმა აქტივისტებს გუმათი შესთავაზა.
"გუმათში კარვები ისედაც არის.მაგ ლოგიკით შეგვიძლია კარავი დავდგათ მაგალითად ქუთაისში.ჩვენი პროტესტის ძირთადი ადგილი არის ნამოხვანი ,ამიტომ კარვები იქ უნდა განთავსდეს"-ასეთია აქტივისტების პასუხი.
პროტესტი რიონის ხეობაში 168 დღეა გრძელდება.
