ქუთაისის მერმა იოსებ ხახალეიშვილმა ორ ქუთაისელ მოსწავლეს საახალწლოოდ ლეპტოპები გადასცა საჩუქრად. ბავშვები სოციალურად  დაუცველი ოჯახებიდან არიან და წარჩინებულად სწავლობენ.

21:00 საათიდან დილის 05:00 საათამდე დაწესებული გადაადგილების შეზღუდვა, გამონაკლისის სახით ახალი წლის ღამეს მოიხსნება.

სხვა დღეებში ძალაში რჩება გადაადგილების შეზღუდვა 21 საათიდან დილის 5:00 საათამდე.გამონაკლისი საახალწლო  და შობის ღამეებია.

გამონაკლისის მიუხედავად, საკოორდინაციო საბჭო მოსახლეობას მოუწოდებს, ინფიცირების რისკის თავიდან ასაცილებლად, დღესასწაული ვიწრო ოჯახურ წრეში აღნიშნონ.

ქუთაისის საერთაშორისო უნივერსიტეტში დასაქმებულები კუთვნილ ანაზღაურებას ითხოვენ. გაფიცულია 80 მდე ადამიანი, ძირითადად ტექნიკური პერსონალი. ისინი ორთვიანი სახელფასო დავალიანების გასტუმრებას   მოითხოვენ.

ქუთაისის საერთაშორისო უნივერსიტეტში აცხადებენ, რომ გაფიცულები უნივერსიტეტის თანამშრომლები არ არიან და ისინი  კომპანია ,,ზიმომ,, დაიქირავა .

ჩვენს ,,ზიმოს,, წარმომადგნების კომენტარს ცოტა ხანში შემოგთავაზებთ.

რიონის ხეობის მოსახლეობამ კონტრაქცია გამართა. ისინი ნამოხვანჰესის აშენებას ითხოვენ და ამბობენ, რომ კასკადის აშენებით ხეობას არანაირი საფრთხე არ ემუქრება.მათი თქმით , ჰესის აშენების შემთხვევაში სდამუშაო ადგილებიც გაჩნდება და ხეობაც აღარ დაიცლება.

ნამოხვანჰესის აშენების წინააღმდეგ ადგილობრივების  ნაწილი აქციებს უწყვეტ რეჟიმში მართავს. ისინი რიონის ხეობაში ჰესის აშენებას მიუღებლად მიიჩნევენ და მოითხოვენ, რომ კომპანია ,,ენკამ,,  ხეობა დატოვოს. 

საქართველოს პრემიერ-მინისტრის  განცხადებით, ინფორმაცია თითქოს 3 იანვრიდან სრული ლოქდაუნი, ან გადაადგილების შეზღუდვა იგეგმება ჭორია. როგორც გახარიამ მთავრობის ადმინისტრაციაში, საკოორდინაციო სხდომის დასრულების შემდეგ განაცხადა, მკაცრი შეზღუდვების დაწესების მიზეზი არ არსებობს, რადგან ბოლოს დაწესებული შეზღუდვების შედეგები უკვე საგრძნობია და ჯანდაცვის სისტემა გამოწვევებს მდგრადად უმკლავდება.

,,არაფერი არ იცვლება, როგორც განვაცხადეთ მივყვებით გეგმას. არ იქნება არანაირი სრული ლოქდაუნი და შეზღუდვა გადაადგილებაზე, ავტომობილებით თუ ფეხით. 24 დეკემბრიდან გაიხსნა სავაჭრო ობიექტები და ისინი დაიხურება, სხვა შეზღუდვა ქვეყანაში არ იქნება. არანაირი შეზღუდვები ქვეყანაში არ დაწესდება და არანაირი სრული ლოქდაუნი ქვეყანაში არ გამოცხადდება. ამის მიზეზი არ არსებობს, ბოლო დაწესებული შეზღუდვების შედეგებს ჩვენ დღეს უკვე ვგრძნობთ, ჩვენი ჯანდაცვის სისტემა მდგრადად უმკლავდება იმ გამოწვევებს, რომელიც დღეს არსებობს, ამიტომ არანაირი ლოქდაუნების და მკაცრი შეზღუდვების აუცილებლობა არ არსებობს, ეს არის ჭორები“, - აღნიშნაგიორგი გახარიამ.

,,არა ნამოხვანის კასკადს,,- ამ მოთხოვნით უკვე 65  ღამეა რიონის ხეობის მოსახლეობა  კარავში ათენებს.მათი მოთხოვნა  უცვლელია-დატოვოს რიონის ხეობა კომპანია ,,ენკამ,,.