იმერეთში ნიღბიანმა პირებმა ოჯახის დაყაჩაღება სცადეს.

ქუთაისის სპორტის მუზეუმის დამაარსებელი  კორონავირუსით გარდაიცვალა.ზურაბ ჯავახაძე ამ დრომდე მუზეუმის დირექტორის მოადგილედ მუშაობდა.იყო ქუთაისის საპატიო მოქალაქე  .ის ქუთაისის ინფექციურ კლინიკაში 10 დღე მკურნალობდა.  თანმდევი დაავადებების გამო (შაქრიანი დიაბეტი, გულის და თირკმლის უკმარისობა) ექიმებმა მისი გადარჩენა ვერ შეძლეს.ზურაბ ჯავახაძე 40-ამდე წიგნის ავტორია.სპორტის მუზეუმში დაცული 10 ათასი ექსპონატიდან უმეტესობა მისი  თაოსნობით არის შეგროვებული.ზურაბ ჯავახაძე 84 წლის იყო.

 ამ დროისთვის ქუთაისის ინფექციურ  კლინიკაში  83 კოვიდინფიცირებული მკურნალობს,მათგან მძიმეა 4 პაციენტის მდგომარეობა.

იმერეთის მასშტაბით სწრაფი ტესტირების ჩატარება 65 სამედიცინო ცენტრში იქნება შესაძლებელი.

ქუთაისში არსებულ კოვიდმიმღებ კლინიკებს კიდევ ერთი დაემატება. ,,ევექსის,, ქსელში შემავალი სამედიცინო დაწესებულება, რომელიც იაშვილის ქუჩაზე მდებარეობს, კოვიდპაციენტებს უახლოეს პერიოდში მიიღებს.ზუსტი თარიღი ჯერ ცნობილი არ არის.

ამ ეტაპზე სამედიცინო დაწესებულებაში კოვიდკლინიკისთვის შესაბამისი ინფრასტრუქტურა ეწყობა.

კლინიკის დირექტორის, მამუკა იოსელიანის თქმით , პაციენტების ნაწილი, , რომლებიც მკურნალობის კურსს მათთან გადიოდნენ, გამოჯანმრთელდა, ხოლო ნაწილი სხვა კლინიკაში იქნა გადაყვანილი.

 იმერეთის, რაჭა-ლეჩხუმისა და ქვემო სვანეთის პოლიციის დეპარტამენტის ქუთაისის საქალაქო სამმართველოს თანამშრომლებმა მანქანების ქურდობის ფაქტზე ორი არასრულწლოვანი დააკავეს -2003 და 2004 წელს დაბადებულები.

დანაშაული 4-დან 7 წლამდე ვადით თავისუფლების აღკვეთას ითვალისწინებს.

 გამოძიებით დადგინდა, რომ მხილებულებმა მიმდინარე წლის 1 დეკემბერს, ქუთაისში, ირაკლი აბაშიძის გამზირზე, 4 მოქალაქის კუთვნილი ავტომობილებიდან კომპიუტერული მოწყობილობა - ე.წ. პლანშეტი, ასევე, სხვადასხვა დასახელების პირადი ნივთები მოიპარეს და შემთხვევის ადგილიდან მიიმალნენ.

იმერეთის სახელმწიფო რწმუნებული მუნიციპალიტეტში დაფიქსირებულ კორონავირუსის 980 შემთხვევას ტესტირებების მომატებულ რაოდენობას უკავშირებს.

,,ეს არის გამოწვეული იმით, რომ საკოორდინაციო საბჭოს მიერ მირებული გადაწყვეტილებით დავიწყეთ უკვე ჩვენი მოქალაქეების გაფართოებული ანტიგენით  ტესტირება , შესაბამისად 400-მდე  შეადგენს სწორედ ამ ანტიგენით გატესტილ რაოდენობას. ჩვენ ვაფართოებთ ანტიგენით ტესტირებას არა მარტო ქუთაისში, არამედ იმერეთის ყველა რაიონში.უფრო მასიური უნდა გავხადოთ ჩვენი თანამოქალაქეებისთვის ტესტირება. ეს გამოიწვევს იმას,  რომ კიდევ შეიძლება გაიზარდოს რაოდენობა, მაგრამ დროულად მოხდება გამოვლენა ინფიცირებულების და მათი იზოლაცია,,-განაცხადა ზვიად შალამბერიძემ.

იმერეთში სახელმწიფო რწმუნებულმა სახესაწოლფონდის რაოდენობაზეც ისაუბრა. ზვიად შალამბერიძის თქმით,  მუნიციპალიტეტში  1200- მდე საწოლია, რასაც   ხვალიდან კიდევ 55 ემატება.ახალი კლინიკა, რომელიც კოვიდპაციენტებს მიიღებს,  დასავლეთ საქართველოს სამედიცინო ცენტრია, რომელსაც ჰიბრიდული ტიპის კლინიკის სტატუსი ექნება .