კორონავირუსის გავრცელების პრევენციის მიზნით ჟვანიას სკოლის პროექტის ,,დისკუსიები Covid19-ის შესახებ ექიმ-ალერგოლოგ ბიძინა კულუმბეგოვთან ერთად“ მორიგი შეხვედრა საგარეჯოსა და ლაგოდეხის მუნიციპალიტეტებში გაიმართა.
რა როლი აკისრია თითოეულ მოქალაქეს გლობალური პანდემიის დამარცხების პროცესში და რატომ არის აუცილებელი იმუნიზაციის პროცესის დაჩქარება - ამ და სხვა მნიშვნელოვანი საკითხების შესახებ ინფორმაცია სკოლის ბენეფიციარებმა და ადგილობრივმა მოსახლეობამ ექიმ-ალერგოლოგ ბიძინა კულუმბეგოვისგან მოისმინეს.
აღნიშნულ პროექტს ჟვანიას სკოლა სახელმწიფო ენის სწავლებისა და ინტეგრაციის პროგრამის ფარგლებში შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატთან თანამშრომლობით ახორციელებს.
ღონისძიებას სახელმწიფო მინისტრის აპარატის სამოქალაქო ინტეგრაციის სამმართველოს უფროსი ელისო ლომიძე და სსიპ ზურაბ ჟვანიას სახელობის სახელმწიფო ადმინისტრირების სკოლის დირექტორი ქეთევან ჯაყელი დაესწრნენ.
იმერეთში სახელმწიფო რწმუნებულმა ზვიად შალამბერიძემ, რეგიონული განვითარებისა და ინფრასტრუქტურის მინისტრის მოადგილემ მზია გიორგობიანმა, ვანის მერმა ალექსანდრე გოგორიშვილმა, გერმანიის რეკონსტრუქციის ბანკის (KFW) და გაერთიანებული წყალმომარაგების კომპანიის დირექტორის მოადგილემ ირაკლი ნაფეტვარიძემ, მუნიციპალიტეტში არსებული წყალმომარაგების სისტემის სათავე-ნაგებობა დაათვალიერეს და ახალი პროექტის განხორციელებაზე ისაუბრეს.
ახალი პროექტის ფარგლებში გათვალისწინებულია საქლორატოროს, სატუმბი სადგურისა და არსებული რეზერვუარის რეაბილიტაცია. ასევე, მოეწყობა ჭაბურღილები და გამანაწილებელი ქსელი.
პროექტით გათვალისწინებული სამუშაოების დასრულების შემდეგ, ვანისა და რამდენიმე მიმდებარე სოფლის -სალხინოს, ციხესულორის, შუამთას, ზედა ვანის მოსახლეობა უწყვეტი, ხარისხიანი წყალმომარაგებით იქნება უზრუნველყოფილი.
წყალმომარაგების ქსელის მშენებლობა-რეაბილიტაციზე ამ დროისთვის გამოცხადებულია ტენდერი.
პროექტს, გერმანიის რეკონსტრუქციის ბანკის (KFW) დაფინანსებით საქართველოს გაერთიანებული წყალმომარაგების კომპანია განახორციელებს.
ქალაქ ვანის მოსახლეობას ამ დროისთვის წყალმომარაგება აქვს, თუმცა არსებული ქსელი მოძველებულია, ხშირია დაზიანებები, რის შედეგად ადგილობრივებს წყალი შეზღუდულად მიეწოდება.
