,,საქართველოს პრემიერ-მინისტრის გადაწყვეტილებით, უკრაინელი ხალხისთვის ჰუმანიტარული დახმარების მობილიზაცია იმერეთში გრძელდება. ამ შემთხვევაში12 - ვე მუნიციპალიტეტში მობილიზებული თანხა, მთლიანად უკრაინელი ხალხის საჭიროებებისამებრ დაიხარჯება. კერძოდ, ეს თანხა მიემართება მედიკამენტებისა და სამედიცინო აღჭურვილობის შესაძენად, რომელიც უახლოეს დღეებში გაიგზავნება უკრაინაში. ჰუმანიტარულ აქციაში მონაწილეობისთვის მადლობა მინდა გადავუხადო ბიზნეს სექტორს და მოქალაქეებს" - ზვიად შალამბერიძე.
მუნიციპალიტეტებში მობილიზებულია პირველადი მოხმარების არამალფუჭებადი პროდუქტები, ჰიგიენური საშუალებები. ასევე, მუნიციპალიტეტების მერიების სარეზერვო ფონდებიდან გამოყოფილი თანხებით მიმდინარეობს სამედიცინო დახმარების საგნების, მედიკამენტების, ასევე ჟანგბადის კონცენტრატორებისა და ჰუმანიტარული დახმარების სხვა საგნების შეძენა.
ტვირთის მობილიზების პროცესში, სახელმწიფო უწყებებთან ერთად აქტიურადაა ჩართული კერძო და სამოქალაქო სექტორი.
პრემიერის გადაწყვეტილებით, რეგიონის სახელმწიფო რწმუნებულებისა და მთავრობის რეგიონებთან ურთიერთობის დეპარტამენტის ჩართულობით, მთელი საქართველოს მასშტაბით, რეგიონებიდან უკრაინელი ხალხის დასახმარებლად, დაახლოებით 150 ტონაზე მეტი ჰუმანიტარული ტვირთი უკვე გაიგზავნა.
კომპანიის ფინანსური ანგარიშის მიხედვით, ოფიციალურად გაუქმებულია 2019 წლის 25 აპრილს დადებული ხელშეკრულება, 40 389 000 აშშ დოლარის ღირებულების ქონება კი ჩამოიწერა.
ჯერჯერობით უცნობია, აგრძელებს თუ არა კომპანია დავას კომპენსაციისთვის სახელმწიფოსთან.
„ნამახვანჰესის“ მშენებლობისთვის ჯამურად „ენკა“ საქართველოში 800 მილიონი დოლარის ინვესტირებას გეგმავდა.
„ხელშეკრულების შეწყვეტა გამოიწვია საქართველოს მთავრობის მხრიდან პირობების დარღვევამ და ფორსმაჟორულმა მოვლენებმა. ვინაიდან პროექტის კაპიტალიზებული ქონების, საწარმოო საშუალებებისა და აღჭურვილობის გამოყენება შეუძლებელია, ისინი 40,389,000 აშშ დოლარის საბალანსო ღირებულებით 2021 წლის 31 დეკემბრისთვის ჩამოიწერა,“ -აღნიშნულია ენკას ანგარიშში.
კონტრაქტის გაწყვეტას წინ უძღოდა "რიონის მცველების" მასობრივი აქციები ნამახვანის ტერიტორიაზე და დედაქალაქში.