ევროპის ჩემპიონატზე საქართველო ჩეხეთის თამაშს, ბაღდათის ახლად რეაბილიტირებულ სკვერში ასობით ადგილობრივმა უქომაგა.

საქართველოს ნაკრებმა დღეს ევროპის ჩემპიონატზე პირველი ქულა აიღო.თამაში ფრედ,1:1 დამთავრდა.

ევროპის ჩემპიონატის მატჩების ჩვენება, ბაღდათის ახლად რეაბილიტირებულ სკვერში განთავსებულ მონიტორზე ყოველ დღეა შესაძლებელი.

ევროპის ჩემპიონატის ტრანსლირება ბაღდათის მუნიციპალიტეტის მერიამ "ლიბერთი" ბანკის მხარადჭერით უზრუნველყო

საორგანიზაციო ჯგუფი ,,არა რუსულ რეჟიმს,, საქართველო-ჩეხეთის მატჩის ტრანსლირება აკანონებს და გულშემატკივრებს ახალგაზრდობის პარკში 16:30 წუთიდან იწვევს. 

,,22 ივნისს საქართველოს ნაკრები ევროპის ჩემპიონანტზე მეორე მატჩს გამართავს. 

უხვმა ნალექმა ბაღდათის მუნიციპალიტეტში მდინარე ხანისწყლის ადიდება გამოიწვია.

ადიდებულმა მდინარემ ბაღდათი-ხანის დამაკავშირებელი ცენტრალური საავტომობილო გზა დააზიანა, ბეტონის საფარს წყალმა საძირკველი გამოაცალა ,რამაც  მიწის ჩამოშლა გამოიწვია.

მოსახლეობის უსაფრთხოებიდან გამომდინარე, აღნიშნულ გზაზე მოძრაობა აკრძალულია. სოფელი გარესამყაროს არ არის მოწყვეტილი, ადგილობრივებს გადაადგილება ალტერნატიული გზით შეუძლიათ,რომლის გაწმენდითი სამუშაოები დილიდან მიმდინარეობს.

მდინარე ხანისწყალმა, ასევე დატბორა ზეკარის წყლის ჩამომსხმელი საწარმო და ფუტკრების მეურნეობა.

ძლიერი წვიმის შედეგად მუნიციპალიტეტში ასევე დაზიანდა შიდა საუბნო გზები .

სტიქიის ზონაში დილიდან იმყოფება ბაღდათის მუნიციპალიტეტის მერი კახა ენუქიძე, მოადგილეებთან, საკრებულოს თავმჯდომარესთან და ინფრასტრუქტურის სამსახურის წარმომადგენლებთან ერთად.

ბაღდათის მუნიციპალიტეტის მერია საგანგებო რეჟიმში მუშაობს, შექმნილია სტიქიის სალიკვიდაციო ჯგუფი და მიმდინარეობს ზარალის დათვლა.

 რეგიონული ინიციატივების ცენტრმა "ნათელი მომავალი" პროექტი "ანტიდისკრიმინაციული პოლიტიკისა და შესაბამისი მექანიზმების ადვოკატირება იმერეთის საჯარო დაწესებულებებში" შეაჯამა, რომელსაც საქართველოს გაერთიანებულ პროფკავშირებთან პარტნიორობით ახორციელებდა. პროექტი 18 თვის მანძილზე მიმდინარეობდა, სადაც სამიზნე იმერეთის 7 მუნიციპალიტეტი იყო. 

პროექტის ფარგლებში შვიდივე მუნიციპალიტეტის საჯარო მოხელეებისთვის, მერია/საკრებულო, საინფორმაციო შეხვედრები გაიმართა. რომელსაც გენდერის საბჭოს წევრები, გენდერზე პასუხისმგებელი პირები, საკრებულოს წევრები, სამსახურების ხელმძღვანელები, მერები და საკრებულოს თავჯდომარეები ესწრებოდნენ.

პროექტი ასევე მოიცავდა გასვლით თემატურ ტრენინგს, სადაც პრაქტიკულად მოხდა საკთხის განხილვა და დოკუმენტებში ასახვის პროცედურების გავლა.

შეხვედრა პროექტის მენეჯერმა მარიკა ვაჭარაძემ გახსნა და მონაწილეებს პროექტის მიზნები და ამოცანები გააცნო. "პროექტი ანტიდისკტრიმინაციული პოლიტიკის (თანასწორი, ძალადობისა და შევიწროებისგან თავისუფალი გარემოს) ადვოკატირება და შასაბამისი სამართლებრივ დოკუმენტებში ასახვას მოიცავდა თვითმმართველობების დონეზე. შესაბამისად ინფორმირებულობა შედეგის მისაღწევად ერთ-ერთი გზა იყო. პროექტი შესაბამისი სამსახურების წარმომადგენლების გადამზადებას ითვალისწინებდა დისკრიმინაციის ამკრძალავი კანონმდებლობისა და აღსრულების მექანიზმების შესახებ. რომლის ფარგლებშიც დაიგეგმა ტრენინგი. პროექტის მთავარი მიზანი დისკრიმინაციის, გენდერული დისკრიმინაციისა და შევიწროების შესახებ საზოგადოებრივი ცნობიერების ამაღლება იყო" -აღნიშნა მარიკა ვაჭარაძემ.

პროექტის ფარგლებში მოწვეულმა ექსპერტმა, საქართველოს გაერთიანებული პროფესილი კავშირების თავმჯდომარის მოადგილემ თამარ სურმავამ მონაწილეებს საკანონმდებლო ბაზაზე ესაუბრა და იმ ცვლილებების განხორციელების ეტაპებზე, რომელიც შემდგომ ადგილობრივ დონეზე უნდა ასახულიყო. "ანგარიში ცხადყოფს, რომ მიუხედავად მდგომარეობის გარკვეულწილად გაუმჯობესებისა, დისკრიმინაციის ამკრძალავი დებულებები სათანადოდ არ არის ასახული შიდა დოკუმენტებში, ძალიან დიდ პრობლემას წარმოადგენს დისკრიმინაციის პრევენციისა და მისი აღმოფხვრის პოლიტიკის დოკუმენტის არ არსებობა. ანგარიში მოიცავს რეკომენდაციებს, რომელიც მუნიციპალიტეტების მერიებმა და საკრებულოებმა უნდა გაითვვალისწინონ.“- განაცხადა საქართველოს პროფკავშირების გაერთიანების თავმჯდომარის მოადგილემ თამარ სურმავამ.

შეხვედრა კითხვა-[პასუხის რეჟიმში წარიმართა, სადაც კითხვები სამოქალაქო სექტორის და მედიის წარმომადგენლებმა დასვეს. შეხვედრას ასევე, ესწრებოდნენე პროფესიული კავშირების წევრები და სხვა დაინტერესებული პირები.

აღსანიშნავია, რომ აღნიშნული კვლევა მომზადდა საქართველოს სტრატეგიული კვლევებისა და განვითარების ცენტრის (CSRDG) მხარდაჭერით, ევროკავშირისა და კონრად ადენაუერის ფონდის მიერ დაფინანსებული პროექტის “სამოქალაქო საზოგადოების ინიციატივა: მდგრადი, ღია და ანგარიშვალდებული სამოქალაქო საზოგადოების ორგანიზაციები საქართველოს განვითარებისთვის” ფარგლებში.

European Union in Georgia GTUC • საქართველოს პროფკავშირების გაერთიანება საქართველოს სტრატეგიული კვლევებისა და განვითარების ცენტრი

შინაგან საქმეთა სამინისტროს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ტრეფიკინგის და უკანონო მიგრაციის წინააღმდეგ ბრძოლის სამმართველოს თანამშრომლებმა, ოპერატიული ღონისძიებებისა და საგამოძიებო მოქმედებების შედეგად ადამიანით ვაჭრობის (ტრეფიკინგი) და განსაკუთრებით მძიმე დანაშაულის შეუტყობინებლობის ბრალდებით 4 პირი დააკავეს.

ადამიანით ვაჭრობის ბრალდებით დაკავებულები არიან წარსულში ნასამართლევი პირები: 1972 წელს დაბადებული მ.ე., 1990 წელს დაბადებული ლ.ა. და 1959 წელს დაბადებული ე.ლ. ხოლო, განსაკუთრებით მძიმე დანაშაულის შეუტყობინებლობის ბრალდებით დაკავებულია წარსულში ნასამართლევი 1972 წელს დაბადებული ი.კ.

დანაშაულები 14 წლამდე ვადით თავისუფლების აღკვეთას ითვალისწინებს.

კომპლექსურად ჩატარებული საგამოძიებო მოქმედებების შედეგად დადგინდა, რომ ბრალდებულებმა ადამიანით ვაჭრობის გეგმა შეიმუშავეს. გეგმის სისრულეში მოყვანის მიზნით გადაიბირეს შეზღუდული შესაძლებლობის მქონე მოქალაქე და სექსუალურ ექსპლუატაციას უწევდნენ. კერძოდ, დაზარალებულს, ფსიქოლოგიური ძალადობის გამოყენებით, სხვა პირებისთვის, გარკვეული ანაზღაურების სანაცვლოდ, სექსუალური მომსახურების გაწევას აიძულებდნენ. ბრალდებულები ამ გზით მიღებულ თანხას კი პირადად ისაკუთრებდნენ.

გამოძიებით, ასევე, დადგინდა, რომ აღნიშნული დანაშაულებრივი გეგმის შესახებ ცნობილი იყო ბრალდებული ი.კ.-სთვის, თუმცა მან სამართალდამცავ ორგანოებს დანაშაულის თაობაზე არ შეატყობინა.

გამოძიება საქართველოს სისხლის სამართლის კოდექსის 143-ე პრიმა მუხლის მეორე ნაწილით და 376-ე მუხლით მიმდინარეობს.

 20 ივნისიდან 22 ივნისამდე საქართველოში მოსალოდნელია ხანმოკლე წვიმა ელჭექით, ზოგან ძლიერი, სეტყვა და ქარის გაძლიერება. 

მოსალოდნელმა ნალექებმა საქართველოს მდინარეებზე შესაძლებელია წყლის დონის მნიშვნელოვანი მატება, პატარა მდინარეებზე წყალმოვარდნები, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. (საფრთხის დონე საშუალო).