პროექტ „ ქარავან არტ ფორუმის“ ფარგლებში მოხატული კედელი გასულ წელს დააზიანეს. გრაფიტის ავტორი, ფრანგი არტისტი ვინი მასონი გამოეხმაურა ამ ფაქტს და განაცხადა, რომ ის აღადგენდა ნახატს.

ქუთაისის მერიის მხარდაჭერით, ვინი მასონი ქუთაისში ჩამოვიდა და დაზიანებული გრაფიტი სრულად განაახლა. კედლის მოხატვა-რესტავრირებაში მონაწილეობა მიიღეს ა(ა)იპ "ქუთაისის კულტურულ, სახელოვნებო, საგანმანათლებლო დაწესებულებათა გაერთიანების" ფილიალის - გ. მაისურაძის სახ. სამხატვრო სკოლის მოსწავლეებმა. 

მხატვარს მუშაობის პროცესში ქუთაისის მერის მოვალეობის შემსრულებელი დავით ერემეიშვილი ესტუმრა, მადლობა გადაუხადა და სიმბოლური საჩუქარი გადასცა.

საქართველოს მთავრობამ, ცენტრალური საარჩევნო კომისიის მიმართვის საფუძველზე, 25 ოქტომბერი უქმე დღედ გამოაცხადა.

ცენტრაული საარჩევნო კომისიის ინფორმაციით, მთავრობის დადგენილებას საფუძვლად დაედო ცესკოს მიმართვა, რომლის თანახმად, ვინაიდან საარჩევნო უბნები განთავსებულია საჯარო სკოლებსა და საბავშვო ბაღებში, სამუშაო დღეებში მიმდინარე აქტივობამ, შესაძლოა, შეაფერხოს საარჩევნო უბნების დროულად მოწყობა.

ცესკო განმარტავს, რომ საქართველოს პარლამენტის მორიგი არჩევნების საუბნო საარჩევნო კომისიების გამართულად ფუნქციონირებისათვის, მნიშვნელოვან ეტაპს წარმოადგენს საარჩევნო უბნების მოწყობა, რომელიც მიმდინარეობს კენჭისყრის წინა დღეს და სწორედ ამ დღეს საარჩევნო უბნებზე განთავსდება შესაბამისი ინვენტარი და ტექნიკა.

„3 031 საარჩევნო უბნიდან 483 საარჩევნო უბანი განთავსებულია საბავშვო ბაგა-ბაღების შენობებში, 1675 საარჩევნო უბანი განთავსებულია საჯარო სკოლების შენობებში, ხოლო 873 საარჩევნო უბანი - სხვა დანიშნულების შენობებში. გამომდინარე, იქიდან, რომ განსაკუთრებით საჯარო სკოლებსა და საბავშვო ბაგა-ბაღებში, სადაც განთავსებულია საარჩევნო უბნები, სამუშაო დღეებში ხორციელდება სხვადასხვა საქმიანობა და აქტივობა, რამაც შესაძლებელია შეაფერხოს საარჩევნო უბნების დროულად და მშვიდ გარემოში მოწყობა, მოთხოვნილია 2024 წლის 25 ოქტომბრის უქმე დღედ გამოცხადება“,- ნათქვამია მთავრობის მიერ გავრცელებულ ინფორმაციაში.

22 ოქტომბრიდან საქართველოს ტერიტორიის უმეტეს ნაწილზე გამოიდარებს და დღის საათებში შედარებით დათბება. 

ქუთაისში,ნიკეას ქუჩაზე სამი 12-სართულიანი კორპუსი აშენდა. მშენებლობის ბიუჯეტი 77 347 872 ლარს შეადგენს. ახალაშენებულ კორპუსებში იძულებით გადაადგილებულ ოჯახებს სრულად გარემონტებული ბინები უახლოეს პერიოდში გადაეცემათ. 

საცხოვრებელი კომპლექსის ეზოში სტადიონი, ბავშვთა გასართობი მოედანი და სავარჯიშო სივრცე ეწყობა. სამშენებლო და სარემონტო სამუშაოებს კომპანია "ანაგი” ახორციელებს. 

ქუთაისში დევნილებისთვის განკუთვნილი საცხოვრებელი კომპლექსის მშენებლობა , სადაც ბინებს 720 დევნილი ოჯახი მიიღებს, საქართველოს პრემიერ-მინისტრმა დაათვალიერა.

დევნილთა განსახლების მიზნით, საცხოვრებელი კორპუსების მშენებლობა საქართველოს 5 ქალაქში - თბილისში, ბორჯომში, რუსთავში, ქუთაისსა და ზუგდიდში მიმდინარეობს. საცხოვრებელ ფართს ჯამში 13 000 დევნილი ოჯახი მიიღებს.

საქართველოს განათლების, მეცნიერებისა და ახალგაზრდობის სამინისტროს ფინანსური მხარდაჭერით, ქუთაისის 34-ე და 37-ე საჯარო სკოლების სრული რეაბილიტაცია განხორციელდა.

განათლების მინისტრი და ადგილობრივი ხელისუფლების წარმომადგენლები პედაგოგებს და მოსწავლეებს შეხვდნენ და

ქუთაისის 34-ე საჯარო სკოლა 450 მოსწავლეზეა გათვლილი და პროექტის ღირებულება 5 მილიონ ლარზე მეტს შეადგენს. რაც შეეხება 1200 მოსწავლეზე გათვლილ 37-ე საჯარო სკოლას, მისი ინფრასტრუქტურული პროექტის ღირებულება 7 მილიონ ლარზე მეტია. 

 ორივე სკოლაში, სასწავლო სივრცეებთან ერთად, ფუნქციონირებს საბუნებისმეტყველო და კომპიუტერული ლაბორატორიები, ბიბლიოთეკა, სასადილო, რესურს ოთახი და ექიმის კაბინეტი, ასევე,სპორტული და სააქტო დარბაზები.  

  ქვეყნის მასშტაბით, წლის ბოლომდე ჯამში 100 საჯარო სკოლას სრულიად განახლებული, თანამედროვე სტანდარტების შესაბამისი, შენობა ექნება.

მეტეოროლოგი კობა ფარტენაძე კიდევ რამდენიმე დღე ცივ და ნალექიანი ამინდს პროგნოზირებს.

მესამე დღეა, რაც საქართველოში ამინდი მვეთრად გაუარესდა, აცივდა, სანაპირო კურორტებზე ზოგან საშიში კატეგორიის ნალექი დაფიქსირდა 100 მმ მეტი, (ერთად თუ შევკრებთ ბოლო დღეების ნალექს, თითქმის იმდენი, რამდენიც წვიმს ერთ თვეში, ყველაფერი 24 საათში)

მომდევნო სამი დღის განმავლობაში, საქართველოში კვლავ ნარჩუნდება ცივი და წვიმიანი ამინდი, ნალექის ძირითადი ნაწილი - ძლიერი წვიმის სახით, კვლავ სანაპირო ზოლში მოვა, რაც ქმნის დატბორვისა და წყალდიდობისთვის ხელსაყრელი პირობებს.

მაღალმთიან ზონაში კვლავ გაგრძელდება თოვა და შეზღუდული ხილვადობა.

მთელი ქვეყნის ტერიტორიაზე დროდადრო ისევ იქროლებს დასავლეთის ძლიერი ქარი, ზღვაზე კი შტრომული სიტუაცია გაგრძელდება. 

რთული მეტეო პირობები განპირობებულია, ციკლონთან არსებული, ჩრდილო-დასავლეთიდან შემოსული ცივი და ძლიერ ნოტიო ჰაერის მასების გავლენით.

23 ოქტომბრიდან გამოიდარებს.

აღნიშნულ ინფორმაციას მეტეოროლოგი კობა ფარტენაძე ავრცელებს.