2 ივლისამდე საქართველოს ზოგიერთ რაიონში მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება.

ქ. თბილისში მოსალოდნელია ხანმოკლე წვიმა ელჭექით. ჰაერის ტემპერატურა დღისით +29, +31 გრადუსი დაფიქსირდება. 

სანაპირო რაიონებში (ბათუმი, ქობულეთი, ანაკლია, ფოთი): 29 ივნისს დღე უნალექოდ ჩაივლის, ხოლო 30 ივნისს და 1 ივლისს მოსალოდნელია ხანმოკლე წვიმა ელჭექით. ჰაერის ტემპერატურა დღისით +26, +28 გრადუსი იქნება. 

დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით +28, +30 გრადუსი იქნება. 

დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან მოსალოდნელია ხანმოკლე წვიმა ელჭექით. ჰაერის ტემპერატურა +27, +29 გრადუსი იქნება. 

დასავლეთ საქართველოს მაღალმთიან რეგიონებში (მესტია, ბახმარო): ზოგან მოსალოდნელია ხანმოკლე წვიმა ელჭექით. ჰაერის ტემპერატურა +24, +26 გრადუსი იქნება. 

ქართლში (რუსთავი, ბოლნისი, მარნეული, გარდაბანი, გორი, ცხინვალი): ზოგან მოსალოდნელია ხანმოკლე წვიმა ელჭექით. შესაძლებელია სეტყვა და ქარის გაძლიერება. ჰაერის ტემპერატურა დღისით +29, +31 გრადუსი იქნება. 

კახეთში (საგარეჯო, თელავი, გურჯაანი, სიღნაღი, ლაგოდეხი, ყვარელი, ახმეტა, დედოფლისწყარო): ზოგან მოსალოდნელია ხანმოკლე წვიმა ელჭექით. შესაძლებელია სეტყვა და ქარის გაძლიერება. ჰაერის ტემპერატურა დღისით +29, +31 გრადუსი იქნება. 

აღმოსავლეთ საქართველოს მთიან რეგიონებში (ახალციხე, ბორჯომი, დუშეთი, თიანეთი, ფასანაური): ზოგან მოსალოდნელია ხანმოკლე წვიმა ელჭექით. შესაძლებელია სეტყვა და ქარის გაძლიერება. ჰაერის ტემპერატურა დღისით +25, +27 გრადუსი იქნება. 

აღმოსავლეთ საქართველოს მაღალმთიან რეგიონებში (ახალქალაქი, წალკა, ბაკურიანი, გუდაური, ომალო): მოსალოდნელია ხანმოკლე წვიმა ელჭექით. ზოგან შესაძლებელია სეტყვა და ქარის გაძლიერება. ჰაერის ტემპერატურა დღისით +19, +21 გრადუსი იქნება.

სპეციალურმა საგამოძიებო სამსახურმა 13 წლის ბავშვის პირადი ცხოვრების საიდუმლოს უკანონოდ მოპოვებისა და სოციალური ქსელით გავრცელების ფაქტზე, ერთი პირი დააკავა

სპეციალური საგამოძიებო სამსახურის თანამშრომლების მიერ, 13 წლის გოგოს პირადი ცხოვრების საიდუმლოს ხელყოფის ფაქტზე, დაკავებულია 28 წლის მამაკაცი.

გამოძიებით დადგინდა, რომ 2024 წლის 13 მარტს, 13 წლის დაზარალებულმა, ბრალდებული სოციალურ ქსელ „Tiktok”-ზე გაიცნო. ისინი ყოველდღიურად საუბრობდნენ ერთმანეთთან „Facebook/Messenger“-ის ვიდეოზარების საშუალებით, რა დროსაც ბრალდებული მუქარით არასრულწლოვანის შიშველ მდგომარეობაში ყოფნას მოითხოვდა. ვიდეოზარით კომუნიკაციისას არასრულწლოვანმა შენიშნა, რომ ბრალდებული ე.წ. „სქრინების“ გადაღებას ახდენდა. მან ბრალდებულს ინტიმური შინაარსის ფოტოების წაშლა მოსთხოვა. აპრილის თვეში დაზარალებულმა კომუნიკაცია შეწყვიტა ბრალდებულთან და სოციალურ ქსელში დაბლოკა, ასევე არ პასუხობდა მის ზარებს და მოკლე ტექსტურ შეტყობინებებს. აღნიშნულიდან მალევე, სოციალურ ქსელ „Tiktok”-ზე გავრცელდა არასრულწლოვანის ფოტოები, სადაც ის შიშველ მდგომარეობაში ჩანდა. გოგოს ინტიმური ხასიათის ფოტოები გადაუგზავნეს მის მეგობარსაც. ასევე, 13 წლის დაზარალებულს სოციალურ ქსელში უკავშირდებოდნენ მისთვის უცნობი ადამიანები, რომლებიც მისი ინტიმური ფოტოების დედასთან გადაგზავნით ემუქრებოდნენ. 

დაზარალებული არასრულწლოვანის მომართვის შემდეგ, სპეციალურმა საგამოძიებო სამსახურმა გამოძიება მყისიერად წარმართა. ჩატარებული ოპერატიული და საგამოძიებო მოქმედებების შედეგად დადგენილი იქნა ბრალდებულის ვინაობა და მისი ადგილსამყოფელი. ჩატარებული პირადი ჩხრეკის შედეგად მის მობილურ ტელეფონში, ნანახი იქნა 13 წლის გოგოს ინტიმური ხასიათის ვიდეოჩანაწერი და ფოტოები, რომლებიც კანონით დადგენილი წესით განადგურდება. 

ბრალდებულის მობილურ ტელეფონში, ასევე, აღმოჩენილი იქნა სხვა არასრულწლოვანი გოგოების ინტიმური შინაარსის ფოტოებიც, რასთან დაკავშირებითაც სპეციალური საგამოძიებო სამსახური ყველა საჭირო საგამოძიებო მოქმედების ჩატარებას უზრუნველყოფს.

სპეციალურმა საგამოძიებო სამსახურმა, არასრულწლოვან დაზარალებულს და მის წარმომადგენელს, დანაშაულით მიყენებული ფსიქოლოგიური ტრამვისგან აღდგენის მიზნით ფსიქორეაბილიტაციის კურსის გავლა შესთავაზა.

ბრალდებული დაკავებულია საქართველოს სისხლის სამართლის კოდექსის 157-ე პრიმა მუხლით გათვალისწინებული დანაშაულისთვის. 

დანაშაული 7 წლამდე თავისუფლების აღკვეთას ითვალისწინებს.

სპეციალური საგამოძიებო სამსახური აღნიშნულ ფაქტზე აგრძელებს გამოძიებას.

 გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, უკანონო ტყითსარგებლობასთან ბრძოლის ფარგლებში, სამცხე-ჯავახეთში, კახეთსა და იმერეთში 3 უკანონო სახერხი საამქრო გამოავლინეს. 

ჭიათურის მუნიციპალიტეტის სოფელ ხრეითში კი, მოქალაქეს არარეგისტრირებული ლენტური ტიპის სახერხი დანადგარი სახელმწიფო ტყეში ჰქონდა დამონტაჟებული. მიმდებარე ტეროტორიაზე დაილუქა წიწვოვანი სახეობის 3.5 კუბური მეტრი მოცულობის პირველადი გადამუშავების პროდუქტი (ფიცარი) და 10 ერთეული დაუფირნიშებელი მრგვალი ხე-ტყე (მორი).

ბორჯომის მუნიციპალიტეტის სოფელ ტაძრისში, მოქალაქეს არარეგისტრირებული ლენტური ტიპის სახერხი დანადგარი საცხოვრებელი სახლის სარდაფში ჰქონდა დამონტაჟებული. სახერხი საამქროს ტერიტორიაზე განთავსებული იყო უკანონოდ მოპოვებული, წიწვოვანი სახეობის, 12 ერთეული მრგვალი ხე-ტყე (მორი).

ყვარლის მუნიციპალიტეტის სოფელ საბუეში, მოქალაქეს არარეგისტრირებული ლენტური ტიპის სახერხი საამქრო საცხოვრებელ სახლში ჰქონდა მოწყობილი. ტერიტორიიდან ამოღებულია სხვადასხვა სახეობის 5,6 კუბური მეტრი მოცულობის პირველადი გადამუშავების პროდუქტი (ფიცარი).

 ვინაიდან სამივე ფაქტი შეიცავს სისხლის სამართლის დანაშაულის ნიშნებს, მასალები, შემდგომი რეაგირების მიზნით, შესაბამის უწყებებში გადაიგზავნა.

ქუთაისში უხვი ნალექის შედეგად მდინარე ოღასკურა კალაპოტიდან გადმოვიდა, სრულად დაიტბორა ბუხაიძის ქუჩა, დაზიანდა ქუჩაზე გაჩერებული ავტომობილები, დაიტბორა კორპუსების სარდაფები,  საცხოვრებელი სახლების და მაღაზიების პირველი სართულები.

 ,,უჩვეულოდ დიდი ნალექი მოვიდა იმერეთში ბოლო ორი საათის განმავლობაში და პრობლემები შეიქმნა ხონსა და უფრო მეტად ქუთაისში. ადიდდა მდინარე ოღასკურა, გადმოვიდა კალაპოტიდან და დატბორა ავტოქარხნისა და ბუხაიძის ქუჩის დიდი ნაწილი. მობილიზებულია სამაშველო სამსახური, მერიის სპეც. სამსახურები და ყველა ლოკაციაზე, სადაც არის კრიტიკული მდგომარეობა, ვცდილობთ დავეხმაროთ მოსახლეობას და აღმოვფხვრათ პრობლემები. ჩვენ დაწყებული გვაქვს ოღასკურის კალაპოტის გაფართოება-დაღრმავების სამუშაოები, მაგრამ რეალურად ჯერ ბოლომდე დასრულებული არ არის და შესაბამისად პრობლემებიც ამიტომ შეიქმნა. ოღასკურის კალაპოტის სრული რეაბილიტაციის დასრულების შემდეგ აღნიშნული პრობლება აღარ იარსებებს“ - ზვიად შალამბერიძე,სახელმწიფო რწმუნებული იმერეთში. 

" ქალაქში მოსულმა უხვმა ნალექმა , სამწუხაროდ, გარკვეული პრობლემები გამოიწვია. ადიდდა მდინარე ოღასკურა, რის შედეგადაც დაიტბორა ბუხაიძის და ავტომშენებლის ქუჩები, ხოლო წერეთლის და რუსთაველის ქუჩებზე წყლის ნაკადმა ნატანი ჩამოიტანა, რამაც შეაფერხა სანიაღვრეების მუშაობა. ჩვენ მომენტალურად დავიწყეთ შექმნილ მდგომარეობაზე შესაბამისი რეაგირება - უწყვეტ რეჟიმში მუშაობენ როგორც მერიის "სპეციალური სერვისების " თანამშრომლები, ასევე, საგანგებო სიტუაციების მართვის სამსახურის და " ენერგოპრო ჯორჯიას" წარმომადგენლები. ამ ეტაპისთვის გზები გაწმენდილია, აღდგენილია ელექტროენერგიით მომარაგება. მუშაობს მერიის ცხელი ხაზი - 595250309 , სადაც 24 საათის მანძილზე შეუძლია დარეკვა მოსახლეობას და რეაგირება იქნება მყისიერი. აქვე მინდა აღვნიშნო, რომ მუნიციპალიტეტს უკვე შეძენილი აქვს მდინარე ოღასკურას რეაბილიტაციის პროექტი და ცენტრალური ხელისუფლების მხარდაჭერით, მიმდინარე წელსვე დაიწყება სარეაბილიტაციო სამუშაოები, რის შედეგადაც შევძლებთ ასეთი პრობლემების თავიდან აცილებას. " - განაცხადა ქუთაისის მერმა იოსებ ხახალეიშვილმა.

ზარალის ლიკვიდაციის მიზნით ქუთაისის მერიის შესაბამისი სამსახურები მუშაობენ. ასევე საჭიროების შემთხვევაში მოსახლეობას შეუძლია დარეკოს საგანგებო სიტუაციების მართვის სამსახურში: 112 და ქუთაისის მერიის ცხელ ხაზზე: 595 250 309

ქუთაისში დილიდან ძლიერი წვიმაა.დაიტბორა ქუჩები,წყალი შევიდა საცხოვრებელი სახლების პირველ სართულები.კალაპოტიდან გადმოვიდა მდინარე ორასკურა. დატბორილია ბუხაიძის ქუჩა ,ასევე ავტოქარხნის დასახლება.

ამ დროისთვის გარკვეული ლოკაციების გაწმენდა მიმდინარეობს. 

ფოტო - ააიპ,,სპეციალური სერვისები,,

უამინდობის გამო ასსაფეხურიან კიბეებთან საქართველო-პორტუგალიის თამაშის ტრანსლირება აღარ შედგება.

,,26 ივნისს, ევროპის ჩემპიონატში საქართველოს ეროვნული ნაკრების და ასევე, სხვა ქვეყნის გუნდების თამაშების პირდაპირი ტრანსლირება მოეწყობა ქუთაისის მიხეილ ქორქიასა და ზურაბ საკანდელიძის სახელობის სპორტის სასახლეში ( მის. ახალგაზრდობის გამზ. 98).

გარემოს ეროვნული სააგენტოს მიერ გავრცელებული განცხადების თანახმად, 26 ივნისს საქართველოს რეგიონებში და კონკრეტულად, ქუთაისში მოსალოდნელია ძლიერი წვიმა. შესაბამისად, ჩვენი ნაკრების საგულშემატკივროდ დღეს სპორტის სასახლეში შევიკრიბებით.

19 : 00 საათიდან დაუკრავს DJ და მოეწყობა სპორტული აქტივობები. ,,-ქუთაისის მუნიციპალიტეტის მერია.