საიუბილეო თარიღის აღსანიშნავად მთელი დღის განმავლობაში სხვადასხვა ღონისძიება მიმდინარეობდა.
,,წელს ზესტაფონი თავისი ქალაქის დღის აღნიშვნას შეხვდა ორდღიანი სახალხო ზეიმით. გუშინ, ჩვენ გვქონდა ძალიან საინტერესო ფესტივალი ,,სულიკო 2022” და დღესასწაული გაგრძელდა მრავალფეროვანი აქტივობებით მთელი ქალაქის მასშტაბით. ვფიქრობ, საერთო ჯამში კარგი ორდღიანი სახალხო დღესასწაული შედგა ზესტაფონში”-ზვიად შალამბერიძე.
,,ზესტაფონქალაქობის” ფარგლებში გაიმართა ოფიციალური მიღება მუნიციპალიტეტის მერიაში დამეგობრებული ქალაქების დელეგაციებთან, მოეწყო რეწვის ოსტატების მიერ წარმოდგენილი ნამუშევრებისა და კულტურული სივრცეების გამოფენა, გაიმართა იმერული ღვინის დეგუსტაცია, ასევე ე.წ ფაცხებში წარმოდგენილი იყო გასტრონომიული კუთხე.
ღონისძიებების ფარგლებში 9 საპატიო მოქალაქე დაჯილდოვდა, მათ შორის ზესტაფონის საპატიო მოქალაქის სტატუსი მიენიჭა იმერეთში სახელმწიფო რწმუნებულს ზვიად შალამბერიძეს.
,,ზესტაფონქალაქობის” ფარგლებში ადგილობრივმა შემოქმედებითმა ანსამბლებმა და მოწვეულმა შემსრულებლებმა საზოგადოებას საკონცერტო პროგრამა წარუდგინეს.
,,ზესტაფონქალაქობის” 150 წლისადმი მიძღვნილი სახალხო დღესასწაული ფოიერვერკით დასრულდა.
ქუთაისში მეტალურგიული ქარხანასთან "ამბიკონ სტილსი" ამ წუთებში აქცია იმართება.მოსახლეობა ტრანსფარანტებით ,,ქარხანა გვკლავს,, ,,დავიცვათ მომავალი,, არის შეკრებილი.
ისინი მოითხოვენ, ქარხანამ ფილტრები დააყენოს, ან მუშაობა შეაჩეროს. ადგილობრივები ამბობენ, რომ საწარმო ძირითადად ღამე მუშაობს, შენობიდან მომწამვლელი კვამლი ამოდის,ჰაერს აბინძურებს და მოსახლეობის ჯანმრთელობას საფრთხეს უქმნის.შეკრებილები ქარხნის ხელმძღვანელობასთან შეხვედრას ითხოვენ.ერთ-ერთი მოთხოვნაა, გარემოს დაცვის ან ზედამხედველობის სამსახურის წარმომადგენელი ქარხანაში შევიდეს და არსებული ვითარება შეამოწმოს. აქციის მონაწილეები გარემოს დაცვის სამსახურის თანამშრომლებს ,,ამბიკონ სტილსთან,, ელოდებიან.
აქცია ანალოგიური მოთხოვნით საწარმოს მიმდებარე ტერიტორიაზე 24 ივლისს უკვე გაიმართა.
მეტალურგიული ქარხნის გამონაბოლქვის გამო პასილოკისა და ავანგარდის მაცხოვრებლები პროტესტს დიდი ხანია გამოთქვამენ.