დღეს უწყვეტი პროტესტის მეცხრამეტე დღეა.აქცია ქუთაისში ტრადიციულად მერიის წინ გაიმართება. მოქალაქეები შეკრებას 19:00საათიდან დაიწყებენ.

არა მოძალადე რეჟიმს, გათავისუფლდეს უკანონო პატიმრები,  კი ევროპას, არა რუსეთს-ამ მოთხოვნებით პროტესტი საქართველოს დიდ ქალაქებში 28 ნოემბრიდან,ყოველდღიურად იმართება.

ქალაქ წყალტუბოში მთავარი ნაძვის ხე უკვე დაიდგა. დასრულდა საახალწლო განათებების მონტაჟი.

23 დეკემბერს დაგეგმილია ქალაქის მთავარი ნაძვის ხის ანთების ცერემონია და კონცერტი.   

24 დეკემბერს საკონცერტო დარბაზ ,,ივერიის’’ წინ გაიხსნება საახალწლო, ჯადოსნური ქალაქი, სადაც პატარებს თოვლის ბაბუა და ზღაპრების გმირები უმასპინძლებენ, გაიმართება კონცერტები და მოეწყობა გამოფენები.

საახალწლო ღონისძიებები 19 დეკემბრიდან დაიწყება და 7 იანვარს დასრულდება.

ნაძვის ხეები განათავსეს გოგებაშვილის, 9 აპრილის, კეცხოველის, თამარ მეფის, თბილისის, ჭავჭავაძისა და აფხაზეთის ქუჩაზე, სადაც, ასევე, ჩატარდება საახალწლო  ღონისძიებები. 

 რთული მეტეოროლოგიური პირობების-ქარბუქისა და  შეზღუდული ხილვადობის  გამო, შიდასახელმწიფოებრივი მნიშვნელობის გომი-საჩხერე-ჭიათურა-ზესტაფონის საავტომობილო გზის კმ1-კმ52 (გომი-სავანე) მონაკვეთზე, დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.

ინფორმაციას საქართველოს საავტომობილო გზების დეპარტამენტი ავრცელებს .

17 დეკემბრიდან 19 დეკემბრამდე საქართველოში კვლავ მოსალოდნელია დროგამოშვებით ნალექი, მთაში და მაღალმთაში ზოგან ძლიერი თოვა და ქარბუქი, დასავლეთის მიმართულების ძლიერი ქარი, ზღვაზე 4-6 ბალიანი შტორმი.  

მოსალოდნელმა ნალექებმა დასავლეთ საქართველოს მდინარეებზე შესაძლებელია წყლის დონეების მნიშვნელოვანი მატება, პატარა მდინარეებზე წყალმოვარდნები, გორაკ-ბორცვიან ზონებში მეწყრულ-ღვარცოფული პროცესების ჩასახვა-გააქტიურება, ხოლო ქვეყნის მაღალმთიან რაიონებში ზვავების ფორმირება გამოიწვიოს. საავტომობილო გზების ცალკეულ მონაკვეთებზე დიდთოვლობის, ზვავსაშიშროების, ლიპყინულის და ხილვადობის გაუარესების გამო შესაძლებელია შეიზღუდოს ტრანსპორტის მოძრაობა. (საფრთხის დონე საშუალო).

არა მოძალადე რეჟიმს-ქუთაისში საყოველთაო პროტესტის მეჩვიდმეტე დღეს ისევ დეიკრინებიან.

,,დღეს არალეგიტიმური პარლამენტი არალეგიტიმურ პრეზიდენტს ირჩევს.

ამით უქმდება ქვეყანაში ერთადერთი ლეგიტიმური ინსტიტუცია.

ქართველი ხალხი ნდობას უცხადებს მოქმედ პრეზიდენტს - სალომე ზურაბიშვილს. 

ასობით დასახიჩრებული, დაჭერილი და დატერორებული ბავშვის ფონზე დედაქალაქის მერი ნაძვის ხის ანთებას აანონსებს. 

გელოდებით ქუთაისის მერიის წინ, 17:00 საათიდან,,-აცხადებენ ორგანიზატორები. 

 ძლიერი თოვის გამო, საერთაშორისო მნიშვნელობის თბილისი-სენაკი-ლესელიძის საავტომობილო გზის კმ50-კმ158 (ოკამი-ბორითი) მონაკვეთზე, დროებით იზღუდება მისაბმელიანი და ნახევრადმისაბმელიანი ავტოტრანსპორტის მოძრაობა, ხოლო დანარჩენი სახის ავტოტრანსპორტის გადაადგილება თავისუფალია.

 საავტომობილო გზის დანარჩენ მონაკვეთებზე ავტოტრანსპორტის მოძრაობა თავისუფალია.