5-6 დეკემბერს დასავლეთ საქართველოში ზოგან იწვიმებს, მაღალმთაში მოთოვს, ხოლო 7-8 დეკემბერს უნალექო ამინდია მოსალოდნელი. ჰაერის ტემპერატურა დღისით დაბლობ რაიონებში +12, +17 გრადუსამდე მოიმატებს.
აღმოსავლეთ საქართველოში 8 დეკემბრამდე შენარჩუნებული იქნება ცივი, ღრუბლიანი, ნისლიანი და ზოგან თოვლიანი ამინდი. ჰაერის ტემპერატურა ბარში ღამის საათებში 0, -5, დღისით 0, +5 გრადუსი დაფიქსირდება. 8 დეკემბერს გამოიდარებს, დღის ტემპერატურა +8 გრადუსმდე მოიმატებს.
ქ. თბილისში 8 დეკემბრამდე ცივი, ღრუბლიანი და ნისლიანი ამინდია მოსალოდნელი. შესაძლოა მცირე თოვლიც აღინიშნოს. 8 დეკემბერს უნალექო ამინდი იქნება. ჰაერის ტემპერატურა ღამის საათებში -1, -3 , ხოლო დღის საათებში +3, +5 გრადუსი იქნება.
ინფორმაციას გარემოს ეროვნული სააგენტო ავრცელებს.
ქუთაისში საახალწლო განათებების მონტაჟი დაიწყო.
საახალწლო დეკორაციები ქალაქის ცენტრალურ ნაწილში და რუსთაველის ქუჩაზე განთავსდება.
სამუშაოებს აა(ი)პ ქუთგანათების სერვისი ახორციელებს.
წელს ქუთაისს ახალი ნაძვის ხე ექნება. ნაძვის ხის ღირებულება 146 ათასი ლარია.თანხა ქალაქის ბიუჯეტიდან დაიხარჯა.